VOKRADIO.COM is under construction;The new website will be lunched by Feb. 2008



Voice of Kurdish-American Radio for Democracy, Peace and Freedom

بۆ
رادیو ده نگی کوردستان له ئامریکا 

VOK Radio is an independent Kurdish-American website and podcasting, dedicated to the political current issues and the  cultural heritage of Kurdistan



سه ر دی‌ري چه ند خبر
٢٦ سه رماوز ١٣٨٦-٣ ري بندان  ١٣٨٦
- مه‌هدی مه‌ولاوه‌لی، ناسراو به‌ "هاتفی" به ر پرسياري كوشتني  ئیبراهیم لوتفوڵاه
- لێدوانه‌كانی‌ برای‌ شه‌هید ئیبراهیم‌و دوایین زانیارییه‌كانی‌ له‌مه‌ڕ چۆنیه‌تیی‌ شه‌هید كردنی‌
-ناڕه‌زایه‌تیی‌ دوو ناوه‌ندی‌ داكۆكیكاری‌ مافه‌كانی‌ مرۆڤ له‌ شه‌هیدكردنی‌ ئیبراهیم لوتفوڵڵایی‌
- ناوه‌ندی‌ رۆژنامه‌ڤانانی‌ كوردستان داوای‌ له‌ به‌رپرسانی‌ دادوه‌ریی‌! رێژیم كردووه‌ كه‌ له‌ چۆنیه‌تیی‌ رووداوه‌كه‌ بكۆڵنه‌وه‌‌و تاوانباران‌و بكوژه‌كان سزا بده‌ن.
- ته‌قینه‌وه‌ی مین شوانێکی به‌ سه‌ختی بریندار کرد
-ده‌یانه‌وێ مه‌حموودی ساڵحیش بکوژن
- چاره‌نووسی خوێندکارانی گیراوی کورد نادیاره
===========================================
لێدوانه‌كانی‌ برای‌ شه‌هید ئیبراهیم‌و دوایین زانیارییه‌كانی‌ له‌مه‌ڕ چۆنیه‌تیی‌ شه‌هید كردنی‌
2008-01-19
29-10-1386

كوردستان میدیا: به‌ پێی‌ هه‌واڵی‌ راپۆرتی‌ كومیته‌ی‌ خوێندكاریی‌ هه‌واڵنێرانی‌ مافه‌كانی‌ مرۆڤ، ئیسماعیل لوتفوڵڵایی‌، برای‌ ئیبراهیم لوتفوڵڵایی‌، لایه‌نگی‌ چالاكی‌ حیزب‌و خوێندكاری‌ زانكۆی‌ په‌یام نووری‌ سنه‌ كه‌ له‌ژێر ئه‌شكه‌نجه‌ی‌ هێزه‌ ئیتلاعاتییه‌كانی‌ رێژیمدا شه‌هید بوو له‌م پێوه‌ندییه‌دا وێڕای‌ هێنانه‌ ئارای‌ پرسیاری‌ "بۆ بێ‌ ئاگاداریی‌ بنه‌ماڵه‌، ته‌رمی‌ براكه‌متان به‌ خاك سپارد؟" وتوویه‌: "له‌ قه‌برستاندا، قه‌برێكیان پێ‌ نیشان داین‌و وتیان ته‌رمی‌ ئیبراهیم لێره‌دا

به‌خاك سپێردراوه‌، له‌ كاتێكدا به‌ بتوون سه‌ر قه‌بره‌كه‌یان داپۆشیبوو! ئێمه‌ به‌ هیچ شێوه‌یه‌ك نازانین كه‌ داخۆ له‌ ژێر ئه‌و خاكه‌دا ته‌رمی‌ ئیبراهیم هه‌یه‌ یان نا؟".
به‌ پێی‌ وته‌كانی‌ ناوبراو، بنه‌ماڵه‌كه‌ی‌ توانیویانه‌ له‌ رۆژی‌ 18ی‌ به‌فرانباردا چاویان به‌ ئیبراهیم كه‌ وره‌یه‌كی‌ باشی هه‌بووه‌‌و باسێكی‌ له‌ ئه‌شكه‌نجه‌دانی‌ نه‌كردووه‌، بكه‌وێ‌، به‌ڵام له‌ كاتێكدا رۆژی‌ 20ی‌ به‌فرانبار بۆ دووباره‌ چاوكه‌وتن به‌ ئیبراهیم سه‌ردانی‌ به‌ندیخانه‌ ده‌كه‌ن، پێیان راده‌گه‌یه‌نن كه‌ ناوبراو بۆ دادگا به‌ڕێ‌ كراوه‌. به‌م حاڵه‌ش به‌رپرسی به‌ڕێكردنی‌ ناوبراو بۆ دادگا، "سه‌روان محه‌ممه‌دی‌" وه‌ها شتێك به‌ درۆ ده‌خاته‌وه‌‌و دواتر پاش سه‌ردان بۆ لقی‌ 4ی‌ دادیاری‌ پێیان ده‌ڵێن كه‌ ئیبراهیم بۆ دادگا نێردراوه‌.
ئێواره‌ی‌ 25ی‌ به‌فرانبار، وه‌زاره‌تی‌ ئیتلاعات له‌و پێوه‌ندییه‌دا داوا له‌ بنه‌ماڵه‌ی‌ ئیبراهیم محه‌ممه‌دی‌ ده‌كا سه‌ردانی‌ ئه‌وێ‌ بكه‌ن‌و دواتر پێیان راده‌گه‌یه‌نێ‌ كه‌ كوڕه‌كه‌یان له‌ به‌ندیخانه‌دا خۆی كوشتووه‌‌و ناونیشانی‌ شوێنی‌ قه‌بره‌كه‌یان له‌ "به‌هه‌شتی‌ محه‌ممه‌دیه‌"دا پێ‌ده‌دا.
بنه‌ماڵه‌ی‌ ئیبراهیم لوتفوڵڵایی‌ له‌و بڕوایه‌دان كه‌ "ئه‌گه‌ر گریمانه‌ی‌ خۆكوژی‌ راسته‌، بۆ وه‌زاره‌تی‌ ئیتلاعات بێ‌ ئاگاداركردنه‌وه‌ی‌ بنه‌ماڵه‌، ته‌رمه‌كه‌یان به‌ خاك سپاردووه‌، داخۆ ئه‌م كاره‌ی‌ ئه‌وان به‌ هۆی ترس له‌ ئاشكرابوونی‌ شوێنه‌كانی‌ ئه‌شكه‌نجه‌ له‌سه‌ر جه‌سته‌ی‌ ئیبراهیم نیه‌؟"
وه‌زاره‌تی‌ ئیتلاعات هه‌روه‌ها هه‌ڕه‌شه‌ی‌ له‌ بنه‌ماڵه‌ی‌ ئه‌و شه‌هیده‌ كردووه‌ كه‌ هه‌واڵی‌ پێوه‌ندیدار به‌ كوژرانی‌ كوڕه‌كه‌یان بڵاو نه‌كه‌نه‌وه‌.
به‌ پێی‌ دوایین ورده‌كارییه‌كان له‌م پێوه‌ندییه‌دا:
1ـ پێشتریش دوو برای‌ دیكه‌ی‌ شه‌هید ئیبراهیم به‌ تۆمه‌تی‌ ناڕوون ده‌ستبه‌سه‌ر‌و پاش ماوه‌یه‌ك ئازاد كراون.
2ـ شه‌هید ئیبراهیم له‌ ماوه‌ی‌ ده‌ستبه‌سه‌ركردندا له‌ ده‌ستبه‌سه‌رگه‌ی‌ ئیداره‌ی‌ گشتیی‌ ئیتلاعاتی‌ كوردستاندا له‌ ژێر ئه‌شكه‌نجه‌‌و لێپرسینه‌وه‌دا بووه‌.
3ـ هێزه‌ ئیتلاعاتییه‌كان پاش شه‌هیدكردی‌ ناوبراو، له‌ شه‌ودا‌و بێ‌ رێوشوێنی‌ ئایینی‌ ته‌رمه‌كه‌یان له‌ "به‌هه‌شتی‌ محه‌ممه‌دییه‌ی‌ سنه‌دا" له‌ قه‌برێكی‌ بێ‌ ناونیشاندا به‌ خاك سپاردووه‌.
4ـ هێزه‌كانی‌ واواك 3 رۆژ پاش به‌ خاك سپاردنی‌ ناوبراو، وێڕای‌ بانگ كردنی‌ باوكی‌ شه‌هید ئیبراهیم، ئه‌و ده‌به‌نه‌سه‌ر قه‌بره‌كه‌ی‌‌و هه‌ڕه‌شه‌ی‌ لێ‌ده‌كه‌ن كه‌ له‌ ئه‌گه‌ری‌ به‌ڕێوه‌بردنی‌ هه‌ر چه‌شنه‌ رێوڕه‌سمێكی‌ پرسه‌‌و سه‌ره‌خۆشیدا دوو كوڕه‌كه‌ی‌ دیكه‌شی ده‌كوژن.
5ـ پاش پێداگیریی‌ باوكی‌ شه‌هید ئیبراهیم له‌سه‌ر به‌ڕێوه‌بردنی‌ رێوڕه‌سمی‌ پرسه‌‌و سه‌ره‌خۆشی، رێوڕه‌سمه‌كه‌ له‌ مزگه‌وتی‌ فه‌ره‌جه‌ی‌ سنه‌دا‌و له‌ ژێر چاودێریی‌ توندی‌ ئه‌منییه‌تیدا به‌ڕِێوه‌ده‌چێ‌. هێزه‌كانی‌ گاردی‌ تایبه‌تیی‌ "ناجا" له‌ چه‌ند سه‌د میتریی‌ مزگه‌وته‌كه‌دا جێگیر بوون.
6ـ راگه‌یاندراوی‌ شه‌هاده‌تی‌ ئیبراهیم كه‌ له‌ شه‌قامه‌كانی‌ نێو شاردا بڵاو بۆوه‌، به‌ خێرایی‌ له‌ لایه‌ن هێزه‌كانی‌ ئیتلاعاتییه‌كانه‌وه‌ كۆ ده‌كرێته‌وه‌.
شایانی‌ باسه‌ پێشتر "زه‌هرا به‌نی‌ یه‌عقووب"، پزیشكی‌ 27 ساڵ ته‌مه‌ن له‌ ده‌ستبه‌سه‌رگه‌ی‌ مۆنكێراتی‌ هه‌مه‌داندا به‌ شێوه‌یه‌كی‌ گوماناوی‌ كوژرا. به‌رپرسانی‌ هێزی‌ ئینتیزامی‌ هۆی گیان له‌ده‌ستدانی‌ ناوبراویشیان به‌ "خۆكوژیی‌" له‌قه‌ڵه‌مدا.
هه‌روه‌ها چه‌ند ساڵ له‌مه‌وبه‌ر هێزه‌كانی‌ رێژیم بۆ خۆده‌ربازكردن له‌ به‌رپرسایه‌تیی‌ مه‌رگی‌ "زه‌هرا كازمی‌"ش، رایانگه‌یاند ناوبراو خۆی كوشتووه‌.
============================
ناڕه‌زایه‌تیی‌ دوو ناوه‌ندی‌ داكۆكیكاری‌ مافه‌كانی‌ مرۆڤ له‌ شه‌هیدكردنی‌ ئیبراهیم لوتفوڵڵایی‌
2008-01-19
29-10-1386

كوردستان میدیا: ناوه‌ندی‌ رۆژنامه‌ڤانانی‌ كوردستانی‌ ئێران‌و ئه‌نجومه‌نی‌ داكۆكی‌ له‌ به‌ندكراوانی‌ سیاسی‌‌و مافه‌كانی‌ مرۆڤ، شه‌هیدكرانی‌ "ئیبراهیم لوتفوڵڵایی‌"، لایه‌نگری‌ چالاكی‌ حیزبی‌ دێموكرات‌و خوێندكاری‌ زانكۆی‌ په‌یام نووری‌ سنه‌یان مه‌حكووم كرد.
ئه‌م دوو ناوه‌نده‌ له‌ دوو به‌یانییه‌ی‌ جیادا ناڕه‌زایه‌تییان له‌ شه‌هیدكردنی‌ ئه‌و چالاكه‌ سیاسی‌‌و خوێندكارییه‌ كه‌ له‌ ژێر ئه‌شكه‌نجه‌ی‌ هێزه‌ دژی‌ گه‌لییه‌كانی‌ ئیتلاعاتی‌ سنه‌دا گیانی‌ له‌ده‌ست دا، ده‌ربڕیوه‌.

==================================
ناوه‌ندی‌ رۆژنامه‌ڤانانی‌ كوردستان داوای‌ له‌ به‌رپرسانی‌ دادوه‌ریی‌! رێژیم كردووه‌ كه‌ له‌ چۆنیه‌تیی‌ رووداوه‌كه‌ بكۆڵنه‌وه‌‌و تاوانباران‌و بكوژه‌كان سزا بده‌ن.
ئه‌نجومه‌نی‌ داكۆكی‌ له‌ به‌ندكراوانی‌ سیاسی‌‌و مافه‌كانی‌ مرۆڤ، وێڕای‌ به‌ ئه‌نقه‌ست له‌ قه‌ڵه‌مدانی‌ شه‌هیدكردنی‌ "ئیبراهیم لوتفوڵڵایی‌"، داوای‌ له‌ سه‌رجه‌م ئۆرگانه‌كانی‌ مافه‌كانی‌ مرۆڤ‌و خه‌ڵكی‌ ئازادیخوازی‌ ئێران كردووه‌ كه‌ له‌ به‌رانبه‌ر ئه‌م جینایه‌ته‌دا ناڕه‌زایه‌تی‌ ده‌رببڕن.
شایانی‌ باسه‌ "ئیبراهیم لوتفوڵڵایی‌"، رۆژی‌ 16ی‌ به‌فرانبار به‌ بڕیاری‌ به‌رپرسی‌ لقی‌ سێی‌ لێپرسینه‌وه‌ی‌ به‌ناو دادگای‌ شۆڕشی‌ ئیسلامیی‌ ئوستانی‌ كوردستان له‌ لایه‌ن هێزه‌ ئیتلاعاتییه‌كانی‌ رێژیمه‌وه‌ گیرا.
هێزه‌ ئیتلاعاتییه‌كان پاش چه‌ند رۆژ له‌ شه‌وی‌ 26ی‌ به‌فرانباردا بێ‌ئاگاداركردنه‌وه‌ی‌ بنه‌ماڵه‌كه‌ی‌ ته‌رمه‌كه‌یان به‌خاك سپاردووه‌.
ناوبراو له‌ ماوه‌ی‌ ئه‌و 10 رۆژه‌دا له‌ ژێر ئه‌شكه‌نجه‌ی‌ دڕندانه‌ی‌ هێزه‌ ئیتلاعاتییه‌كاندا بووه‌‌و به‌م هۆیه‌شه‌وه‌ گیانی‌ له‌ ده‌ست داوه‌.
==================================
مه‌هدی مه‌ولاوه‌لی، ناسراو به‌ "هاتفی" به ر پرسياري كوشتني  ئیبراهیم لوتفوڵاه
سه‌رچاوه‌کانی خبر له‌ شاری سنه‌ ڕایده‌گه‌یه‌نن که‌ مه‌هدی مه‌ولاوه‌لی، ناسراو به‌ "هاتفی"، جێگری سه‌رۆکی ئیداره‌ی ئیتلاعاتی شاری سنه‌ و نوێنه‌ری وه‌زاره‌تی ئیتلاعاته‌ له‌و شاره‌ و به‌رپرسی لێکۆڵینه‌وه‌ له‌ دۆسیه‌ی زۆربه‌ی چالاکانی مه‌ده‌نیی ئه‌و شاره‌ش بووه‌‌ و  سه‌رچاوه‌گه‌لی باوه‌ڕپێکراویش که‌ پێشتر له‌ کاتی گیرانیاندا له‌گه‌ڵی ڕووبه‌ڕوو بوونه‌وه‌، ئه‌و هه‌واڵه‌ پشتڕاست ده‌که‌نه‌وه‌. ناوبراو خه‌ڵکی "سریش ئاوا"ی‌ قوروه‌ی ڕۆژهه‌ڵاتی کوردستانه‌ و له‌گه‌ڵ گرووپێکدا که‌ له‌ وه‌زاره‌تی ئیتلاعاتی ده‌وڵه‌ته‌وه‌ له‌گه‌ڵی ڕه‌وانه‌ی ئه‌و شاره‌ کراون، له‌ لێپێچینه‌وه‌ و ئه‌شکه‌نجه‌کردنی گیراوه‌ کورده‌کاندا به‌رپرسیارن.
============================
قه‌سری شیرین: ته‌قینه‌وه‌ی مین شوانێکی به‌ سه‌ختی بریندار کرد
Friday, January 18 ، 12:23:30


رۆژی 26ی به‌فرانبار له‌ نیزیک پاسگای گوندی هه‌فت ده‌هنه‌ شوانێک به‌ ناوی ئومید په‌رهوون ته‌مه‌ن 20 ساڵ که‌وته‌ سه‌ر مین و هه‌ر دوو قاچی به‌ سه‌ختی بریندار بوو. ناوبراو به‌ په‌له‌ گواسترایه‌وه‌ بۆ نه‌خۆشخانه‌ی قه‌سری شیرین.

ناوچه‌ی قه‌سری شیرین یه‌کێک له‌و ناوچانه‌یه‌ که‌ له‌ ماوه‌ی شه‌ڕی هه‌شت ساڵه‌ی ئێران و عێراقدا مه‌یدانی شه‌ڕ و به‌ربه‌ره‌کانی ئه‌و دوو وڵاته‌ بووه‌ و به‌م هۆیه‌وه‌ ناوچه‌که‌ له‌ لایه‌ن دوو لایه‌نه‌وه‌ مینرێژ کراوه‌ و کاربه‌ده‌ستانی کۆماری ئیسلامی تا ئێستا هه‌وڵێکی به‌رچاویان بۆ پاککردنه‌وه‌ی ئه‌و ناوچه‌یه‌ له‌ مین نه‌داوه‌. به‌ جۆرێک که‌ ساڵانه‌ گیانی زۆرێک له‌ خه‌ڵکی کاسبکار و شوان و ئاژه‌ڵداران ده‌بێ به‌ قوربانی ئه‌و مینانه‌ی که‌ پتر له‌ بیست ساڵ به‌سه‌ر چاندنیاندا تێپه‌ڕیوه‌.
=====================
ده‌یانه‌وێ مه‌حموودی ساڵحیش بکوژن


ڕێنێسانس نیوز؛ تایبه‌ت‌: چالاکی کرێکاری مه‌حموودی ساڵحی، که‌ ئێستا له‌ گرتووخانه‌ی سنه‌دا به‌ند کراوه‌، بۆ توێژینه‌وه‌ له‌مه‌ڕ نه‌خۆشیی دڵ بۆ نه‌خۆشخانه‌ی "ته‌وحید"ی سنه‌ گوازراوه‌ته‌وه‌ و به‌پێی ئه‌و زانیارییانه‌ی ده‌ست ڕێنێسانس که‌وتوون، ناوبراو له‌ نه‌خۆشخانه‌ به‌ هاوسه‌ره‌که‌ی ڕاگه‌یاندووه‌ که‌ "پیلانی کوشتنی من له‌ ئارا دایه‌".

ڕۆژنامه‌نووسێكی كورد له‌ سنه‌وه‌‌ له‌ ڕاپۆرتێکدا به‌ ڕێنێسانسنی ڕاگه‌یاند که‌ ساڵحی له‌ دوایین دیداریدا له‌گه‌ڵ هاوسه‌ره‌که‌ی، ڕوونیکردۆته‌وه‌ که‌ ده‌وڵه‌ت، له‌م هاتوچۆپێکردنه‌ی نه‌خۆشخانه‌ و به‌ندیخانه‌دا، پیلانی کوشتنی وی به‌ ده‌سته‌وه‌یه‌ و ده‌یانه‌وێ به‌جۆرێک له‌ناوی به‌رن.
ڕێنێسانس بۆ پشتڕاستکردنه‌وه‌ی ئه‌و هه‌واله‌ هه‌وڵی داوه‌ په‌یوه‌ندی به‌ بنه‌ماڵه‌ و کومیته‌ی پاراستنی ساڵحییه‌وه‌ بگرێت، به‌ڵام تا ئێستا هیچ لێدوانێکی له‌وانه‌وه‌ ده‌ست نه‌که‌وتووه‌.

ڕۆژنامه‌نووسه‌که‌ هه‌ر له‌و ڕاپۆرته‌یدا ئه‌وه‌شی ڕوونکرده‌وه‌ که‌ داواکاری گشتیی سنه‌ ڕایگه‌یاندووه‌  که‌ "ئازادکردنی ساڵحی، ته‌نیا به‌ مه‌رجێک که‌ پزیشکی قانوونی بڕیاری له‌سه‌ر بدات، مسۆگه‌ر ده‌بێت"، ئه‌مه‌ له‌ کاتێکدایه‌ که‌ پزیشکی قانوونیی ده‌وڵه‌ت له‌ نامه‌یه‌کدا بۆ داواکاری گشتی نووسیوه‌ که‌ "گورچیله‌کانی ساڵحی ته‌نیا له‌ سه‌دا 10 کار ده‌که‌ن و دڵیشی کێشه‌ی هه‌یه‌". ئه‌و پزیشکه‌ به‌ڵام ئاماژه‌ی به‌وه‌ش کردووه‌ که‌ "ساڵحی توانای تێپه‌ڕکردنی ده‌ورانی حوکمه‌که‌ی له‌ گرتووخانه‌دا هه‌یه"‌.

هاوکات "کومیته‌ی پاراستنی مه‌حموودی ساڵحی" له‌ لێدوانێکی چاپه‌مه‌نیدا که‌ له‌ بنکه‌ی ئینته‌رنێتیی خۆیدا بڵاویکردۆته‌وه‌، ئه‌و هه‌واڵانه‌ ڕه‌ت ده‌کاته‌وه‌ که‌ باس له‌ پیلانی کوشتنی ساڵحی ده‌که‌ن و ئه‌وه‌ش ڕوون ده‌کاته‌وه‌ که‌ بڵاوبوونه‌وه‌ی ئه‌و چه‌شنه‌ هه‌والانه‌، په‌یوه‌ندییان به‌ هه‌بوونی سانسۆڕی هه‌واڵه‌کانی تایبه‌ت به‌ ساڵحییه‌وه‌ هه‌یه،‌ له‌ ڕاگه‌یه‌نه‌کانی ناوخۆی ئێراندا. 

ئه‌مه‌ له‌ کاتێکدایه‌ که‌ هه‌واڵنێره‌که‌ی ڕێنێسانس وه‌بیری دێنێته‌وه‌ که‌ هه‌ر له‌و په‌یوه‌ندییه‌دا و بۆ پێشگرتن له‌ بڵاوبوونه‌وه‌ی هه‌واڵی پیلانی کوشتنی ئه‌و چالاکه‌ کرێکارییه‌، دوو که‌س له‌ چالاکانی "کومیته‌ی دیفاع له‌ مه‌حموودی ساڵحی" قۆڵبه‌ست و بۆ شوێنێکی نادیار ڕاگوێزراون. کومیته‌که‌ش له‌ لێدوانێکیدا هه‌واڵی گیرانی دوو ئه‌ندامه‌که‌ی خۆی پشتڕاست کردۆته‌وه‌.

کومیته‌که‌ له‌و بواره‌وه‌ ڕایگه‌یاندووه‌ که‌ ڕۆژی ڕابردوو دوو که‌س له‌ ئه‌ندامانی کۆمیته‌ی پاراستنی ساڵحی، به‌ ناوه‌کانی چیاکۆ قربه‌یی و مێهرداد وه‌زیری ده‌ستبه‌سه‌ر کراون. ناوبراون خه‌ڵکی شاری سنه‌ن و کاتێک ویستوویانه‌ له‌ نه‌خۆشخانه‌ی سنه‌ سه‌ردانی ساڵحی بکه‌ن، له‌ لایه‌ن چه‌ند که‌سێکیسه‌ر به‌ ده‌وڵه‌ته‌وه‌ قۆڵبه‌ست و ڕه‌وانه‌ی گرتووخانه‌ کراون.
======================

چاره‌نووسی خوێندکارانی گیراوی کورد نادیاره
حمید به‌هرامی | 22 Janu, 2008 22:25:11
چاره‌نووسی خوێندکارانی گیراوی کورد نادیاره
پاش ئه‌وه‌ی که چوار چالاکی خوێندکاری کورد به ناوه‌کانی سۆهراب که‌ریمی ، فه‌ڕشاد دووستی پوور، محه‌ممه‌د ساڵح ئه‌یومه‌ن و جه‌واد عه‌لیزاده، دوابه‌دوایی کۆبوونه‌وه‌یی ناڕه‌زایه‌تی 18ی سه‌رماوه‌زی ئه‌مساڵ له زانکۆی تاران ده‌زگیرو ڕه‌وانه‌ی به‌ندی 209ی گرتووخانه‌ی ئێڤین کران و تا ئێستا و  سه‌ڕه‌ڕای هه‌وڵ و به‌دواداچوونی چڕی بنه‌ماڵه و پارێزه‌رانیان ؛هیچ زانیاریه‌ک سه‌باره‌ت به ڕه‌وشی ته‌ندرووستی، چاره‌نووس و تۆمه‌تباریه‌کانیان ده‌ست نه‌که‌وتووه.
به گوێره‌ی دوایین زانیاریه‌کان، بنه‌ماڵه‌ی ئه‌م چالاکه خوێندکاریانه به چڕی و به‌رده‌وامی سه‌رقاڵی به‌دواداچوونی ڕه‌وشی گیراوه‌کانن به‌ڵام به‌رپرسانی ئه‌منی ڕه‌ژیم له گرتووخانه‌ی ئێڤینی تاران نه ڕێگه‌ی دیتنی ڕۆڵه‌کانیان پێده‌ده‌ن و‌ نه زانیاری سه‌باره‌ت به بارودۆخ و چاره‌نووسی گیراوه‌کان ئاشکرا ده‌که‌ن.  هاوکات سه‌رچاوه‌یه‌کی باوه‌ڕپێکراو له بنه‌ماڵه‌ی چالاکانی خوێندکاری گیراو ئاشکرایی کرد که له جه‌ریانی به‌دواداچوونی بنه‌ماڵه‌کانیان دا نه‌ته‌نیا به‌رپرسان هیچ هاوکاریه‌کیان نه‌کردوون و له ڕه‌وشی ته‌ندروستی و چاره‌نووسی گیراوه‌کانیان ئاگاداریان نه‌کردوونه‌ته‌وه، به‌ڵکو سووکایه‌تیشیان پێکراوه.
ئه‌وه له کاتێک دایه که " محه‌ممه‌د ساڵح نیکبه‌خت" پارێزه‌ری کورد که له لایه‌ن بنه‌ماڵه‌‌کانیانه‌وه بۆ پارێزڤانی له خوێندکارانی گیراو ئه‌رکدار کراوه، ڕێگه‌‌ی پێنادرێ که له گرتووخانه‌ سه‌ردانی خوێندکاره‌کان بکات.
به گوێره‌ی ئه‌م زانیاریانه هه‌رئێستا ته‌نیا له تاران چوار چالاکی خوێندکاری کورد به ناوه‌کانی "سۆهراب که‌ریمی"، خوێندکاری کارناسی باڵای زانسته سیاسیه‌کان له زانکۆی ئازادی تاران، نووسه‌ر و چالاکی خوێندکاری، "فه‌ڕشاد دووستی پوور"، خوێندکاری ئه‌ندازیاری مه‌کانیک له زانکۆی هه‌مه‌دان، چالاکی خوێندکاری و نووسه‌ر، "محه‌ممه‌‌د ساڵح ئه‌یومه‌ن" خوێندکاری کارناسی سیاسی زانکۆی تاران و "جه‌واد عه‌لیزاده"، خوێندکاری کارناسی باڵای مافی مرۆڤ له زانکۆی عه‌لامه‌ی تاران، له ڕێبه‌رانی بزووتنه‌وه‌ی خوێندکاری و دۆستی گه‌لی کورد، دوابه‌دوایی چالاکی پڕۆتیستۆیی 18ی سه‌رماوه‌ز له زانکۆی تاران ده‌زگیر و ڕه‌وانه‌ی به‌ندی 209ی گرتووخانه‌ی ئێڤین له تاران کراون و ئێستاش له چاره‌نووسێکی نادیار دان.

==========================
بڕینی‌ گازی‌ قوتابخانه‌كان له‌ سه‌ر بڕیاری‌ فه‌رمانداری‌ مه‌ریوان

  له‌ به‌خشنامه‌ییكی‌ سه‌رنج راكێشدا فه‌رمانداری‌ مه‌ریوان داوای‌ له‌ ئیداره‌ی‌ گازی‌ مه‌ریوان كردوه‌ گازی‌ ته‌واوی‌ ئه‌و مه‌دره‌سانه‌ی‌ كه‌ بۆ گه‌رم كردنی‌ مه‌دره‌سه‌كان له‌ گاز كه‌ڵك وه‌رده‌گرن قه‌ت بكرییت. دوابه‌دوای‌ ئه‌م ده‌ستوره‌ی‌ فه‌رمانداری‌ مه‌ریوان له‌ ده‌مای‌ هه‌وای‌ زیاتر له‌ 17 ده‌ره‌جه‌ ژێر سفر، گازی‌ هه‌موو قوتابخانه‌كان راگیراوه‌ ئه‌م كاره‌ی‌ كاربه‌ده‌ستانی‌ حكوومه‌ت له‌مه‌ریوان بۆته‌ هۆی‌ ئه‌وه‌ی‌ كه‌ قوتابیه‌ كان له‌ هه‌وایه‌كی‌ زۆرسارد دا برونه‌ كه‌لاس كه‌ به‌ هۆی‌ ئه‌مه‌وه‌ قوتابییكی‌ زۆر له‌ ساعه‌تی‌ 30/9 به‌یانی‌ ده‌ست به‌كار ده‌بوون.

  كۆكردنه‌وه‌ی‌ زانیاری‌ له‌ سه‌ر كاندیداكان له‌ لایه‌ن رێژیمه‌وه‌

  له‌ زۆربه‌ی‌ شاره‌كانی‌ كوردستان ده‌ست‌و په‌یوه‌نده‌یه‌كانی‌ رێژیم خه‌رێكی‌ كۆكردنه‌وه‌ی‌ زانیاری‌ له‌ سه‌ر ئه‌و كه‌سانه‌ن كه‌ خۆیان بۆ ئینتیخاباتی‌ مه‌جلیس كاندید كردوه‌ بۆ وێنه‌ ده‌رونه‌ ناو ئه‌و مه‌حه‌لانه‌ كه‌ ئه‌و كه‌سانه‌ له‌وی‌ نێشته‌جین‌و له‌ باره‌ی‌ چۆنیه‌تی‌ لیباس پوشینیان‌و هه‌روه‌ها نوێژخوێندن‌و‌و ئایا له‌ نوێژی‌ جومعه‌ شیركه‌ت ده‌كه‌ن‌و له‌ ناو كۆمه‌ڵگا دا زۆرتر له‌گه‌ڵ چی‌ كه‌سانێكدا هه‌لسووكه‌وتیان هه‌یه‌.

  هاوڵاتیه‌كی‌ مه‌ریوانی‌ له‌ لایه‌ن هێزه‌ ئه‌منیه‌تیه‌كانه‌وه‌ ده‌ستبه‌رسه‌ر كرا

  رۆژی‌ یه‌كشه‌ممه‌ 23/10/86، هاوڵاتیه‌كی‌ مه‌ریوانی‌ به‌ ناوی‌"ئازاد ره‌حمانی‌" له‌ لایه‌ن هێزه‌ ئه‌منیه‌تیه‌كانه‌وه‌ ده‌ستگیركرا.

  هێزه‌ ئه‌منیه‌تیه‌كان پاش پشكنینی‌ ماڵی‌ "ئازاد ره‌حمانی‌"، ناوبراویان قۆڵبه‌ست كردوه‌ له‌گه‌ڵ خۆیان بردیان. بنه‌ماڵه‌ی‌ ئازاد رۆژی‌ دواتر سه‌ردانی‌ ئیداره‌ی‌ ئیتلاعاتی‌ مه‌ریوانیان كرد به‌ڵام به‌رپرسانی‌ ئیتلاعات هیچ زانیاریه‌كیان سه‌باره‌ت به‌ هۆی‌ گرت‌و شوێنی‌ زیندانی‌ كردنی‌ ناوبراوبه‌ بنه‌ماڵه‌كه‌ی‌ نه‌دا.

  رووداوی‌ ماشین گیانی‌ چواركه‌سی‌ ئه‌ستاند

  رۆژی‌ دووشه‌ممه‌ كاتژمێر 3ی‌ دوانێوه‌رۆ له‌ جاده‌ی‌ تیكاب ـ سائیین قه‌ڵا"2كیلومیتری‌ جاده‌ی‌ سائیین قه‌ڵا نزیكی‌ كارخانه‌ی‌ كارتون" به‌ هۆی‌ رووداوی‌ ماشین چوار كه‌س گیانیان له‌ ده‌س دا.

  ناوی‌ ئه‌و كه‌سانه‌ی‌ كه‌ به‌ هۆی‌ رووداوه‌كه‌ گیانیان له‌ ده‌ست دا: خالید مردادی‌، گوڵباخ مردادی‌، ئیبراهیم ده‌شتی‌ ، عه‌لی‌ محه‌ممه‌دزاده‌.



هه‌واڵ
گوشار بۆ سه‌ر كه‌بودوه‌ند په‌ره‌ ده‌ستینی 9/8/1386
هه‌واڵنێری چاودێری مافی مرۆڤی كوردستان(HCMMK)

تاران: هاوكات له‌گه‌ڵ ته‌شه‌نه‌ سه‌ندنی نه‌خۆشی محه‌مه‌د سدیق كه‌بودوه‌ند سه‌رۆكی ریَكخراوی پاراستنی مافی مرۆڤی كوردستان، ناوبراو له‌ ژیَر دژوارترین گوشاری رۆحی له‌ زیندانی ئه‌ویندایه‌.

درێژە

  هه‌واڵ
باوكی یاسر گوڵی ده‌ستگیركرا 9/8/1386
هه‌واڵنێری چاودێری مافی مرۆڤی كوردستان(HCMMK)

سنه‌: باوكی ته‌مه‌ن 51 ساڵی یاسر گوڵی چالاكی خویَندكاری كه‌ له‌ زینداندایه‌، سه‌رله‌ به‌یانی رۆژی رِابردو له‌ دادگاسی سنه‌ ده‌ستبه‌سه‌ر كرا.

درێژە

  ئاگاداری
راگه‌یه‌ندراوی چاپه‌مه‌نی 8/8/1386
راگه‌یه‌ندراوی چاپه‌مه‌نی

په‌ڕلمانی ئه‌وروپا له‌ روژی 25ی ئۆكتۆبه‌ری 2007 به‌ ده‌ركردنی راگه‌یه‌ندراوێك، ناره‌زایی خۆیی سه‌باره‌ت به‌ " پێشێلكاری مافی مرۆڤ له‌ ئێران" ده‌ربڕیوه‌. په‌ڕلمانی ئه‌وروپا له‌م راگه‌یاندراوه‌دا نیگه‌رانی خۆی سه‌باره‌ت به‌ ره‌وشی هه‌ندێ له‌ زیندانیانی وه‌ك محه‌مه‌د سدیق كه‌بودوه‌ند، ئیجلالی قه‌وامی، ئاكۆ كوردنه‌سه‌ب، سه‌عید مه‌تین پور، كاوه‌ جه‌وانمه‌رد، مه‌حمود ساڵحی، مه‌نسور ئوسانلو و چه‌ندین زیندانی تر ده‌رده‌برێ و له‌هه‌مبه‌ر بڕیاری سێداره‌ بۆ عه‌دنان حه‌سه‌ن پور و هیوا بوتیمار ناره‌زیه‌تی پیشان ئه‌دات.
به‌داخه‌وه‌ زۆربه‌ی راگه‌یاندنه‌ گشتیه‌كان، ده‌ركردنی ئه‌م راگه‌یه‌ندراوه‌یان ته‌نها تایبه‌تمه‌ند كردوه‌ به‌ ئازادی به‌ڕێز عیماده‌دین باقی و 3ی خۆیندكاری زیندانی زانكۆی ئه‌میر كه‌بیر به‌ ناوه‌كانی مه‌جید ته‌وه‌كولی، ئیحسان مه‌نسوری و ئه‌حمه‌د قه‌سابان و هیچ ئاماژه‌یه‌كیان به‌ ناوه‌كانی دیكه‌ نه‌كردوه‌. ئه‌مه‌ له‌حاڵێكدایه‌ كه‌ له‌ په‌ره‌گرافه‌ جیاوازه‌كانی ئه‌م راگه‌یه‌ندراوه‌دا ئاماژه‌ به‌ ناوی هه‌مو ئه‌و كه‌سانه‌ كراوه‌.

درێژە

  ڕاپۆرت
78ساڵ‌ زیندان بۆ 6 ئه‌ندامی پارتێكی نه‌یار ی ده‌سه‌ڵات 8/8/1386
هه‌واڵنێری چاودێری مافی مرۆڤی كوردستان(HCMMK)

تاران: 6ئه‌ندامی پارتێكی نه‌یاری كۆماری ئیسلامی پاش 11مانگ له‌ نادیار بونی چاره‌نوسیان له‌ زیندانی ورمێ، به‌م دواییانه‌ زیندانی درێژه‌ خایه‌نیان بۆ بردرایه‌وه‌.

درێژە

  ڕاپۆرت
ده سگیر کردنی 2 هاولاتی له مه هاباد 8/8/1386
هه‌والنيری چاودیری مافی مروڤی كوردستان(HCMMK)

مه‌هاباد:"یوسف كاكه‌مه‌می"شارۆمه‌ندی مه‌هابادی، رۆژی 4شه‌ممه‌ی رابردوو، له‌گه‌ڵ‌ كه‌سێكی دیكه‌دا، له‌سه‌ر رێگای مه‌هاباد _ بۆكان له‌لایه‌ن هێزه‌ ئه‌منییه‌كانه‌وه‌ ده‌ستبه‌سه‌ر كراوه‌‌ وبه‌روه‌ شۆێنێكی نادیار گوازراوته‌وه‌.

درێژە

  ڕاپۆرت
ره‌وشی ته‌ندروستی محه‌مه‌د سدیق كه‌بودوه‌ند له‌زینداندا خراپه
8/8/1386
هه‌والنيری چاودیری مافی مروڤی كوردستان(HCMMK)


تاران: ره‌وشی ته‌ندروستی محه‌مه‌د سدیق كه‌بودوه‌ند سه‌روكی ریكخراوی مافی مروڤی كوردستان، له‌ به‌ندی 209ی زیندانی ئه‌وین خراپه‌‌و بنه‌ماله‌ی ئه‌م چالاكی مافی مروڤه‌ داوای ئازادی نابراو به‌ كه‌فاله‌ت ده‌كه‌ن.

درێژە


ده‌قی ڕاگه‌یاندنی جیابوونه‌وه‌ی ره‌وتی ریفۆرم له ریزه‌کانی کۆمه‌ڵه:

راگه‌یاندنی‌ كومیته‌ی‌ رێبه‌رایه‌تیی‌ كۆمه‌ڵه‌- ره‌وتی‌ چاكسازی‌ و گه‌شه‌، سه‌باره‌ت به‌ دوا ئه‌نجامی‌ كێشه‌ ناوخۆییه‌كانی‌ كۆمه‌ڵه‌

خه‌ڵكی‌ تێكۆشه‌ری‌ كوردستان!
هاورێیانی‌ كۆمه‌ڵه‌، ئازادیخوازان، روناكبیران و چالاكوانانی‌ سیاسی‌!
هه‌موتان له‌ ماوه‌ی‌ چه‌ند مانگی‌ رابردودا له‌ رێگای‌ ده‌زگاكانی‌ راگه‌یاندن و له‌ كۆڕ و كۆمه‌ڵه‌ جۆراوجۆره‌كاندا، ئاگاداری‌ ململانێی‌ سیاسی‌ و رێكخراوه‌یی‌ و كێشه‌ ناوخۆییه‌كانی‌ كۆمه‌ڵه‌ بون، پێوه‌ی‌ ماندوو بون و خه‌متان پێوه‌ خواردوه‌. بۆیه‌ به‌ پیویستمان زانی‌ له‌ ئه‌نجامی‌ ئه‌و كێشانه‌ كه‌ دوو ساڵه‌ به‌رده‌وامه‌، ئاگادارتان بكه‌ینه‌وه‌ و نه‌زه‌ری‌ خۆمانتان پێڕابگه‌یه‌نین .

زیاتر له‌ ساڵونیوێكه‌ كه‌ به‌شێك له‌ ده‌فته‌ری‌ سیاسی‌ به‌ هه‌موو شێوازێكی‌ ناره‌وا بۆ كه‌مده‌ست كردن و وه‌لانانی‌ موخالیفینی‌ ته‌شكیلاتی‌ و سیاسی‌ تێده‌كۆشێ‌ و له‌ ته‌گه‌ره‌خستنه‌ سه‌ر رێگای‌ ئه‌و ئۆرگانانه‌ی‌ وا به‌ ده‌ست خۆیانه‌وه‌ نه‌بوون درێغیان نه‌كرد. به‌ تایبه‌تی‌ هه‌ر دوابه‌دوای‌ یازده‌هه‌مین كۆنگره‌ی‌ كۆمه‌ڵه‌دا، به‌ حوكمی‌ زۆرینه‌یان له‌ كومیته‌ی‌ ناوه‌ندییدا، هێرشێكی‌ به‌ربڵاویان بۆ وه‌لانان، ئه‌ستاندنه‌وه‌ی‌ به‌رپرسیاریه‌تی‌ و پاكتاوكردنی‌ ره‌خنه‌گرانی‌ نێو ته‌شكیلات ده‌ست پێكرد و له‌ هیچ چه‌شنه‌ بڕیارێكی‌ ناشه‌رعی‌ و دور له‌ هه‌موو نه‌ریتی‌ ناو كۆمه‌ڵه‌ خۆیان نه‌پاراست.

به‌ بڕوای‌ ئێمه‌ به‌ستنی‌ كۆنگره‌یه‌كی‌ جیناحی‌ و ناشه‌رعی‌ له‌ لایه‌ن باڵی‌ ده‌فته‌ری‌ سیاسی ئه‌وكات، سه‌ره‌رای‌ به‌شداری‌ نه‌كردنی‌ زۆرینه‌ی‌ ئه‌ندامانی‌ ته‌شكیلات و مه‌نعی‌ هه‌موو دڵسۆزان و دۆستانی‌ كۆمه‌ڵه‌، هه‌ر درێژه‌ی‌ ئه‌و سیاسه‌ته‌ پاوانخوازانه‌ بوو. به‌ستنی‌ وه‌ها "كۆنگره‌یه‌ك"، له‌ راستیدا بڕیاری‌ كه‌رت كردن و ئینشیعاب له‌ كۆمه‌ڵه‌ بوو. ئێمه‌ هه‌رچه‌ند پێشوتر له‌ راگه‌یاندنێكدا نه‌زه‌ری‌ خۆمان سه‌باره‌ت به‌و كۆبونه‌وه‌ جیناحییه‌ ده‌ربڕی‌ و ئه‌وه‌مان به‌ خه‌تایه‌كی‌ سیاسی‌ و مه‌ترسیدار زانی‌، به‌ڵام بڕیارماندا ئاخرین حه‌ولی‌ خۆمان بۆ دیالۆگ نه‌پسێنین و بۆ یه‌كگرتنه‌وه‌ی‌ جارێكی‌ دیكه‌ی‌ ریزه‌كانی‌ كۆمه‌ڵه‌ تێبكۆشین. دۆستان و دڵسۆزانی‌ كۆمه‌ڵه‌و به‌ تایبه‌ت لایه‌نی‌ سێهه‌میش حه‌ولی‌ خۆیان بۆ درێژه‌ی‌ دیالۆگ چڕتر كرده‌وه‌ و له‌ ئه‌نجامدا رۆژی‌ 27. 8 . 2007 به‌ به‌شداری‌ لایه‌نی‌ سێهه‌م رێككه‌وتننامه‌یه‌كی‌ سه‌ره‌تایی‌ بۆ دیالۆگێكی‌ دوو حه‌وتویی‌ له‌ لایه‌ن هه‌موانه‌وه‌ په‌سه‌ند كرا و هه‌ندێك ته‌وافوقی‌ دیكه‌ش كران كه‌ وه‌ك حوسنی‌ نییه‌ت بۆ ئه‌نجامی‌ ئه‌و دیالۆگه‌ چاوی‌ لێده‌كرا. به‌ڵام تا رۆژی‌ 10 مانگی‌ سیپتامبر كه‌ ئاخرین مۆڵه‌تی‌ دیالۆگه‌ دوو حه‌وتوییه‌كه‌ بوو، نه‌ك هه‌ر هیچ هه‌نگاوێك له‌ لایه‌ن هاورێیانی‌ پێڕه‌وی‌ "كۆنگره‌12"، بۆ كارهاسانی‌ له‌ رێگای‌ وه‌ها دیالۆگێك ئه‌نجام نه‌درا، به‌ڵكوو تا توانیان له‌م ماوه‌دا ره‌فتار و كرداری‌ دور له‌ سوننه‌تی‌ كۆمه‌ڵه‌ و بێگانه‌ له‌گه‌ڵ هاوخه‌باتی‌ هاورێیانه‌یان، زیاد كرد. ته‌نانه‌ت كه‌وتنه‌ نانبڕین و گوشارخستنه‌ سه‌ر پێشمه‌رگه‌ و ژن و منداڵیان.

رۆژی‌ 10 سێپتامبر ئاخرین كۆبوونه‌وه‌ و ئاخرین مۆڵه‌تی‌ ئه‌م دیالۆگه‌ دوو حه‌وتوییه‌ به‌ به‌شداری‌ لایه‌نی‌ سێهه‌م بوو، ئه‌وان زۆر دڵسۆزانه‌ خوازیاری‌ ئه‌وه‌ بوون كه‌ رێگایه‌ك بۆ پێكه‌وه‌مان بدۆزرێته‌وه‌. ئاكامی‌ دانیشتنه‌كه‌ بوو به‌وه‌ كه‌ هه‌موو لایه‌ك قبوڵمان كرد كه‌ رێگا چاره‌كان لێك دورن. سه‌ره‌نجام لایه‌نی‌ سێهه‌م داوای‌ كرد كه‌: "هه‌رتك لا یه‌ك حه‌وتووی‌ دیكه‌ راوه‌ستین و جیایی‌ رانه‌گه‌یه‌نین و ئاخرین قسه‌ی‌ خۆمان به‌ نوسراو بده‌ینه‌ ئه‌وان و دوای‌ ئه‌م یه‌ك هه‌فته‌یه‌ گه‌ر گۆڕانیك له‌ بڕیاری‌ هیچ لایه‌كدا نه‌بوو، هه‌رچه‌ند پێمان ناخۆشه‌ و پێی‌ دلگرانین، به‌ڵام له‌ گه‌ڵتان له‌ حه‌ولدا ده‌بین بۆ جیاییه‌كی‌ برایانه‌ و شارستانیانه‌". ئێمه‌ ئاخرین رێگا چاره‌ و نه‌زه‌ری‌ خۆمان به‌ نوسراو نارد بۆ لایه‌نی‌ سێهه‌م و بڕیارمان دا كه‌ زیاتر له‌و هه‌فته‌ش وا داندرابوو، رابوه‌ستین و هێمنایه‌تی‌ خۆمان بپارێزین. به‌ پێچه‌وانه‌ هاورێیانی‌ به‌رابه‌رمان له‌ هه‌موو ده‌رفه‌تێك كه‌ڵكیان وه‌رگرت تا گرژی‌ له‌ ناو ئوردوگاكان دورست بكه‌ن و هه‌ر له‌ رۆژی‌ دوای‌ كۆبونه‌وه‌ی‌ 10 سێپتامبره‌وه‌ ده‌ستیان كرد به‌ پلان دانان بۆ شه‌ڕه‌ تێڵا و پێكدادانی‌ فیزیكی‌ و چه‌ندین جار هێرشیان كرده‌ سه‌ر هاورێیانێك كه‌ تاك ده‌كه‌وتنه‌وه‌، ته‌نانه‌ت یارمه‌تی‌ متنگانه‌ی‌ به‌شێك له‌ هاورێیانیان بڕی‌. هه‌موو حه‌ولی‌ خۆیان وه‌گه‌ڕ خست تا رێگا خۆش بكه‌ن بۆ ئاژاوه‌ نانه‌وه‌، به‌ تایبه‌تی‌ له‌ لایه‌ن ژماره‌یك كه‌سی‌ ناپێشمه‌رگه‌ی‌ هاورده‌ بۆ ناو ئوردوگاكان ئه‌و ئه‌ركه‌یان به‌رێوه‌ ده‌برد. ئاخرین نمونه‌یان كرده‌وه‌ی‌ رۆژی‌ 20 سیپتامبر بوو كه‌ له‌ راگه‌یاندنێكی‌ جیاوازدا راستییه‌كان به‌ ئاگاداری‌ هه‌موان ده‌گات.

به‌ داخه‌وه‌ ده‌بێ‌ رایبگه‌یه‌نین كه‌ له‌ ماوه‌ی‌ ئه‌م پێنج حه‌وتوه‌ی‌ دوای‌ "كۆنگره‌12" حه‌وله‌كانی‌ ئێمه‌ بۆ یه‌كگرتنه‌وه‌ی‌ كۆمه‌ڵه‌، ته‌نانه‌ت پێكه‌وه‌ مانه‌وه‌ وه‌ك دوو باڵ به‌ سه‌ركردایه‌تی‌ هاوبه‌شه‌وه‌، له‌ لایه‌ن هاورێیانه‌وه‌ ره‌د كرایه‌وه‌. دوای‌ ئه‌و وه‌ڵامانه‌ی‌ كه‌ له‌ جیانحی‌ به‌رابه‌رمان وه‌رمان گرتۆته‌وه‌و، دوای‌ ئه‌و روداوه‌ ناخۆشانه‌ی‌ كه‌ به‌ ناحه‌ق خوڵقێندران، كه‌رت بوونی‌ كۆمه‌ڵه‌ به‌ بڕیاری‌ كۆنگره‌یه‌كی‌ ناشه‌رعی‌، بۆته‌ ئه‌مری‌ واقیع. ئێَمه‌ له‌وڕۆ به‌ دواوه‌ له‌ ژێر ناوی‌ "كۆمه‌ڵه‌ی‌ شۆڕشگێڕی‌ زه‌حمه‌تكێشانی‌ كوردستانی‌ ئێران_ره‌وتی‌ چاكسازی‌ و گه‌شه‌" وه‌ك حیزبێكی‌ جیاواز كار ده‌كه‌ین و ئه‌وه‌شمان به‌ هاورێیانی‌ به‌رابه‌رمان راگه‌یاندوه‌. ئێستاش رایده‌گه‌یه‌نین كه‌ ئێمه‌ ئاماده‌ین جۆرێك له‌ كاری‌ هاوبه‌ش و نزیك له‌ ئاڵقه‌ی‌ كۆمه‌ڵه‌دا مه‌ودای‌ بۆ بڕه‌خسێ‌ تا به‌ڵكوو ببێته‌ هه‌وێنێك بۆ فراوان كردن و یه‌كگرتنه‌وه‌ی‌ هه‌موو باڵه‌كانی‌ كۆمه‌ڵه‌ و ره‌وتی‌ چه‌پ و رزگاریخواز له‌ كوردستاندا.

ئێمه‌ پێشتر سه‌رخه‌تی‌ روانگه‌كانی‌ خۆمان له‌ به‌یاننامه‌یه‌كدا به‌ ئاگاداری‌ هه‌موان گه‌یاندوه‌ و له‌ داهاتوی‌ نزیكدا ئه‌و روانگانه‌ وردتر شی‌ ده‌كه‌ینه‌وه‌ و ده‌یانخه‌ینه‌ به‌ر دیده‌ی‌ هه‌موان. ئێستا ئه‌وه‌نده‌ راده‌گه‌یه‌نین كه‌ خه‌تی‌ گشتی‌ كۆمه‌ڵه‌یه‌كی‌ چه‌پ، و كوردستانی‌ وه‌ك ئاڵاهه‌ڵگری‌ بزوتنه‌وه‌ی‌ رزگاریخوازانه‌ی‌ خه‌ڵكی‌ كوردستان و پارێزه‌ری‌ مافی‌ چه‌وساوه‌كان به‌ خه‌تی‌ خۆمان ده‌زانین.

رێبه‌رایه‌تیی‌ كۆمه‌ڵه‌ی‌ شۆڕٍٍٍٍشگێڕی‌ زه‌حمه‌تكێشانی‌ كوردستانی‌ ئێران- ره‌وتی‌ چاكسازی‌ و گه‌شه‌
22. 9. 2007


راگه‌یه‌ندراوی‌ سكرتاریای‌ PDKI به‌ بۆنه‌ی‌ كۆچی‌ دوایی‌ كاك عوسمان ره‌حیمی‌، كادری‌ پێشووی‌ حیزب 20-06-1386

به‌ داخه‌وه‌ ئاگاداربووین كه‌ كادری‌ پێشووی‌ حیزبی‌ دێموكراتی‌ كوردستانی‌ ئێران، كاك عوسمان ره‌حیمی‌ به‌ هۆی‌ نه‌خۆشییه‌كی‌ كوتوپڕ كۆچی‌ دوایی‌ كردووه‌. ئێمه‌ وێڕای‌ ده‌ربرینی‌ په‌ژاره‌ی‌ خۆمان به‌‌و بۆنه‌وه‌، سه‌ره‌خۆشی‌ له‌ بنه‌ماڵه‌‌و كه‌س‌وكاری‌ ده‌كه‌ین و خۆمان له‌ خه‌میاندا به‌ به‌شدار ده‌زانین
حیزبی‌ دێموكراتی‌ كوردستانی‌ ئێران
سكرتاریا
20/06/1386
11/09/200



خه‌ڵكی‌ خه‌باتگێڕی‌ كوردستان!
تێكۆشه‌ران، ئه‌ندامان‌و لایه‌نگرانی‌ حیزبی‌ دێموكراتی‌ كوردستان!

به‌داخ‌و كه‌سه‌رێكی‌ گرانه‌وه‌ راده‌گه‌یه‌نین كه‌ دوانیوه‌رۆی‌ سێ‌ شه‌ممه‌ 20ی‌ خه‌رمانان(11ی‌سێپتامبری‌2007)  هاوڕێ عوسمان ره‌حیمی‌ ئه‌ندامی‌ ده‌سته‌ی‌ راوێژكاری‌ ده‌فته‌ری‌ سیاسی‌‌و تێكۆشه‌ری‌ دێرین‌و ناسراوی‌ حیزبی‌ دێموكراتی‌ كوردستان به‌ هۆی‌ سه‌كته‌ی‌ مێشك كۆچی‌ دوایی‌ كرد.


 كاك عوسمان ره‌حیمی‌، كوڕی‌ حه‌مه‌ ساڵه‌، ساڵی‌ 1335 ی‌ هه‌تاوی‌ له‌ بنه‌ماڵه‌یه‌كی‌ خه‌باتگێڕ‌و نیشتمانپه‌روه‌ر دا له‌ شاری‌ بانه‌ دایك بوو. باوكی‌ كاك عوسمان یه‌ك له‌ پێشمه‌رگه‌كانی‌ كۆماری‌ كوردستان بووو، هه‌تا دوا ساتی‌ ژیانی‌ به‌ ئامانجه‌كانی‌ كۆماری‌ كوردستان‌و حیزبی‌ دێموكراتی‌ كوردستان وه‌فادار مایه‌وه‌. برایه‌كی‌ كاك عوسمانیش به‌ ناوی‌ عومه‌ری‌ ره‌حیمی‌ كه‌ ئه‌ندامی‌ كۆمیته‌ی‌ شارستانی‌ بانه‌ بوو، ساڵی‌ 1362 له‌ كاتی‌ تۆببارانی‌ كۆنفرانسی‌ كۆمیته‌ی‌ شارستان له‌ لایه‌ن كۆماری‌ ئیسلامی‌یه‌وه‌ گیانی‌ له‌ده‌ست دا. عوسمان ره‌حیمی‌ خوێندكاری‌ ساڵی‌ پێنجی‌ دام پزیشكیی‌ زانكۆی‌ تاران بوو كه‌ شۆرشی‌ گه‌لانی‌ ئێران به‌ دژی‌ رێژیمی‌ پاشایه‌تی‌ سه‌رانسه‌ری‌ وڵاتی‌ داگرت. به‌ هۆی‌ رابردووی‌ سیاسیی‌ بنه‌ماله‌كه‌ی‌‌و تێكه‌ڵاوی‌ له‌ گه‌ڵ‌ كۆڕ‌و كۆمه‌ڵه‌ خوێندكاری‌‌و خه‌باتگێره‌كان، وه‌ك خوێندكارێكی‌ شۆرشگێڕ‌و ئاگای‌ كورد، رۆڵێكی‌ چالاكی‌ له‌رێكخستنی‌ خۆپێشاندانه‌كانی‌ ساڵی‌ 1357ی‌ شاری‌ بانه‌ دا گرته‌ ئه‌ستۆ. هه‌ر ئه‌و ساڵه‌ش بوو به‌ ئه‌ندامی‌ حیزبی‌ دێموكراتی‌ كوردستان‌و له‌و كاته‌وه‌ تا كاتی‌ كۆچی‌ بێوه‌خت‌و له‌ ناكاوی‌ هه‌موو توانای‌ خۆی‌ بۆ خزمه‌تی‌ حیزبه‌كه‌ی‌‌و بزوتنه‌وه‌ی‌ رزگاریخوازانه‌ی‌ نه‌ته‌وه‌كه‌ی‌ له‌ رۆژهه‌ڵاتی‌ كوردستان ته‌رخان كرد.


ئاگایی به‌رزی‌ سیاسی‌، خه‌ڵكدۆستی‌، خاكه‌ڕایی، ماندوویی نه‌ناسی‌‌و ئاماده‌یی بۆ به‌رێوه‌ بردنی‌ ئه‌رك‌و به‌رپرسایه‌تیی حیزبی‌، زۆر زوو عوسمان ره‌حیمیی‌ كرد به‌ سیمایه‌كی‌ ناسراو‌و خۆشه‌ویستی‌ حیزبی‌ دێموكرات له‌ شارستانی‌ بانه‌. هه‌ر بۆیه‌ به‌رپرسایه‌تیی جۆراوجۆری‌ سیاسی‌، ته‌شكیلاتی‌‌و ئامووزشیی‌ له‌ ئاستی‌ كۆمیته‌ی‌ شارستان‌و هه‌یئه‌تی‌ ئیجرایی دا پێ‌ سپێردرا. كاك عوسمان له‌ ئاكامی‌ نیشاندانی‌ لێوه‌شاوه‌یی له‌ خۆی‌‌و سه‌ركه‌وتنی‌ له‌ ئه‌ركه‌ پێ‌ سپێردراوه‌كانی‌ دا، له‌ كۆنگره‌ی‌ حه‌وته‌می‌ حیزبی‌ دێموكراتی‌ كوردستان به‌ ئه‌ندامی‌ كۆمیته‌ی‌ ناوه‌ندی‌ هه‌ڵ‌ بژێردرا‌و به‌رپرسایه‌تیی‌ كۆمیته‌ شارستانی‌ بانه‌ی‌ پێ‌ سپێردرا.
هاورێی‌ به‌ نرخ عوسمان ره‌حیمی‌ له‌ ماوه‌ی‌ نزیك به‌ 30 ساڵ‌ تێكۆشانی‌ شێلگیرانه‌ له‌ حیزبی‌ دێموكراتی‌ كوردستان دا، هه‌موو كات یه‌ك له‌ به‌رێوه‌به‌ران‌و به‌رپرسه‌ به‌توانا‌و به‌ خزمه‌ته‌كانی‌ حیزبه‌كه‌ی‌ بوو‌و، بۆ ماوه‌ی‌ زیاتر له‌ 20 ساڵ‌ له‌ كادری‌ رێبه‌ریی حیزب دا، به‌رپرسایه‌تیی جۆراوجۆری‌ گرته‌ ئه‌ستۆ. ئه‌گه‌ر له‌ هه‌لومه‌رجی‌ دژواری‌ خه‌باتی‌ پارتیزانی‌ دا، به‌رپرسێكی‌ فیداكار، مودیرێكی‌ سه‌ركه‌وتوو، سیاسی‌یه‌كی‌ ئاگا‌و فه‌رمانده‌یه‌كی‌ به‌ توانا بوو، له‌ به‌ڕێوه‌ بردنی‌ ته‌شكیلاتی‌ نهێنی‌، گرتنه‌ ئه‌ستۆی‌ كار‌وباری‌ پێوه‌ندییه‌كان، به‌رپرسایه‌تیی سكرتاریای‌ حیزب، ئه‌ندامه‌تیی‌ ده‌سته‌ی‌ نووسه‌رانی‌ رۆژنامه‌ی‌ "كوردستان"‌و ئیداره‌ كردنی‌ رادیۆی‌ ده‌نگی‌ كوردستانیش دا، سه‌ركه‌وتوو‌و سه‌ربه‌رز بوو. ئه‌و خزمه‌تانه‌ی‌ عوسمان ره‌حیمی‌ له‌ بواری‌ فكر‌و نووسین‌و فێر كردن‌و راگه‌یاندن دا به‌ حیزبی‌ دێموكراتی‌ كوردستان‌و خه‌باتی‌ شۆرشگێرانه‌ له‌ رۆژهه‌ڵاتی‌ كوردستانی‌ كردوون، له‌ خزمه‌ته‌كانی‌ دیكه‌ی‌ كه‌متر ن


پژاک: "یارمه‌تی له‌ که‌س وه‌رناگرین و چه‌کیش دانانێین"


توركیا‌و ئێران" Print E-mail
Wednesday, 12 September 2007

Active Imageئه‌ندامێكی‌ سه‌ركردایه‌تی‌ پژاك بۆ ئاوێنه‌

له‌به‌رامبه‌ر لێدوانه‌كانی‌ ئه‌م دوایه‌ی‌ تاڵه‌بانی‌ سه‌باره‌ت به‌ پژاك‌و په‌كه‌كه‌، سه‌ركردایه‌تی‌ پژاك نیگه‌رانی‌ خۆیان ده‌رده‌بڕن‌و به‌هیچ شێوه‌یه‌ك ئاماده‌ی‌ پابه‌ندبوون نین به‌و قسانه‌وه‌.

له‌هه‌فته‌ی‌ رابردوودا له‌كۆنگره‌یه‌كی‌ رۆژنامه‌وانی‌، تاڵه‌بانی‌ سه‌رۆكی‌ ئێراق داوای‌ له‌په‌كه‌كه‌‌و پژاك كرد كه‌ چه‌ك دانێن‌و وه‌ك حیزبه‌كانی‌ پارچه‌كانی‌ تری‌ كوردستان، نمونه‌ی‌ كۆمه‌ڵه‌‌و دیموكرات، خه‌باتی‌ سیاسی‌ بكه‌ن.

له‌به‌رامبه‌ر ئه‌م لێدوانه‌ی‌ تاڵه‌بانیدا، ئه‌ندامی‌ كۆردیناسیۆنی‌ پژاك «ئه‌میر كه‌ریمی‌» رایگه‌یاند «ئێمه‌ به‌داخین له‌و لێدوانه‌ی‌ به‌ڕێز تاڵه‌بانی‌‌و چاوه‌ڕوانی‌ قسه‌ی‌ وامان لێنه‌ده‌كرد»، هه‌روه‌ها وتی‌ «ئێمه‌ هیچ كاتێك ئاماده‌ی‌ ته‌سلیمبوون نین‌و چه‌ك دانانێین».

له‌درێژه‌ی‌ قسه‌كانیدا سه‌باره‌ت به‌ لێدوانه‌كانی‌ تاڵه‌بانی‌، ئه‌میر كه‌ریمی‌ باسی‌ له‌وه‌ كرد كه‌ ئه‌وان به‌رپرس نین له‌توند‌وتیژی‌‌و ته‌نها پارێزگاری‌ له‌خۆیان ده‌كه‌ن، پێشیوابوو «ئه‌و جۆره‌ لێدوانانه‌ ده‌بنه‌ مایه‌ی‌ مه‌شروعییه‌ت دان به‌و هێڕشه‌ ناڕه‌وایانه‌ی‌ ده‌كرێنه‌ سه‌ر گه‌لی‌ كورد».

ئه‌م سه‌ركرده‌یه‌ی‌ پژاك ده‌ڵێت «كاتی‌ خۆی‌ به‌بیانوی‌ بوونی‌ یه‌كێتی‌، حكومه‌تی‌ به‌عس شاری‌ سه‌رده‌شتی‌ كوردستانی‌ رۆژهه‌ڵاتی‌ كیمیاباران كرد»، به‌ڵام ئێمه‌ هیچ كاتێك یه‌كێتی‌ له‌و كاره‌ به‌تۆمه‌تبار نازانین چونكه‌ ئه‌وه‌ ده‌بێته‌ مه‌شروعییه‌تدان به‌كارو كرده‌وه‌ی‌ به‌عس كه‌ دوژمنی‌ گه‌لی‌ كورده‌، بۆیه‌ ناكرێت به‌ڕێز تاڵه‌بانی‌ ئه‌و جۆره‌ لێدوانانه‌ بدات كه‌ ده‌بێته‌ مایه‌ی‌ شه‌رعییه‌تدان به‌ئێران‌و توركیا‌و وڵاتانی‌ تر».

هه‌ر له‌و چاوپێكه‌وتنه‌دا ئه‌میر كه‌ریمی‌ ئاماژه‌ی‌ به‌وه‌دا كه‌ پێویسته‌ تاڵه‌بانی‌‌و یه‌كێتی‌ به‌سیاسه‌تی‌ خۆیاندا بچنه‌وه‌، چونكه‌ ئه‌م سیاسه‌ته‌ مه‌شروعییه‌تی‌ خه‌باتی‌ كورد ده‌خاته‌ ژێر پرسیاره‌وه‌، هه‌روه‌ها وتی‌ ئه‌م كێشانه‌ی‌ دوایی‌ ته‌نها مه‌به‌ستی‌ پژاك نه‌بووه‌ «پژاك له‌ خانه‌قین‌و شه‌نگال‌و كه‌ركوكدا نییه‌ تاكو ئه‌و وڵاتانه‌ ده‌ستیان تێوه‌ربده‌ن».

هه‌روه‌ها ئه‌میر كه‌ریمی‌ وتی‌ «ئێمه‌ بڕوامان به‌وه‌ نییه‌ كێشه‌ی‌ كورد به‌چه‌ك چاره‌سه‌ر بكرێت، به‌ڵكو بڕوامان به‌ئاشتی‌‌و حیواری‌ سیاسی‌ هه‌یه‌ كه‌ بتواندرێت له‌و رێگه‌یه‌وه‌ فه‌رهه‌نگی‌ قبوڵكردنی‌ جیاوازییه‌كان‌و دیموكراسییه‌ت له‌ئێراندا به‌دیبهێندرێت، به‌ڵام ئه‌مه‌ مانای‌ ته‌سلیمبوون‌و چه‌ك دانان نییه‌».

پژاك حیزبێكی‌ سیاسی‌ رۆژهه‌ڵاتی‌ كوردستانه‌‌و كورتكراوه‌ی‌ «پارتی‌ ژیانی‌ ئازادی‌ كوردستان»ه‌، ئه‌م حیزبه‌ كه‌ له‌سه‌ر هه‌مان سیاسه‌تی‌ په‌كه‌كه‌‌و ئایدیۆلۆژیای‌ ئۆجه‌لان كارده‌كات، بڕوای‌ به‌سیسته‌می‌ كۆنفیدرالیزمی‌ دیموكراتییه‌‌و له‌لایه‌ن ده‌سته‌یه‌كی‌ كارگێڕییه‌وه‌ به‌ناوی‌ كۆردیناسیۆن به‌ڕێوه‌ده‌چێت، ئه‌م ده‌سته‌یه‌ له‌ نۆ كه‌س پێكدێت‌و سه‌رۆكیش یه‌كێكه‌ له‌ئه‌ندامه‌كانی‌.

ئه‌گه‌ر چی‌ پژاك له‌ساڵی‌ 2003 دامه‌زراوه‌، به‌ڵام ئه‌ندامانی‌ ئه‌و حیزبه‌ خاوه‌نی‌ خه‌باتێكی‌ درێژن كه‌ سه‌ره‌تاكه‌ی‌ بۆ ساڵی‌ 1990 ده‌گه‌ڕێته‌وه‌. له‌سه‌ره‌تادا له‌ناو گروپێكدا به‌ناوی‌ بزافی‌ یه‌كێتی‌ دیموكراتی‌ كاریان كردووه‌ كه‌ بزوتنه‌وه‌یه‌كی‌ سیاسی‌ كۆمه‌ڵایه‌تی‌ بووه‌‌و دواتر پژاكیان راگه‌یاندووه‌، له‌مباره‌یه‌وه‌ ئه‌میر كه‌ریمی‌ ده‌لێت «پژاك ئه‌نجامه‌ نه‌ك سه‌ره‌تا».

له‌چاوپێكه‌وتنێكی‌ تایبه‌ت به‌ئاوێنه‌ له‌بناری‌ چیای‌ قه‌ندیل له‌بنكه‌ی‌ شه‌هید هارونی‌ نزیك گوندی‌ ماره‌دوو، ئه‌میر كه‌ریمی‌ ئه‌ندازیاری‌ كشتوكاڵی‌‌و ئه‌ندامی‌ كۆردیناسیۆنی‌ پژاك وه‌ڵامی‌ چه‌ندین پرسیاری‌ رۆژنامه‌ی‌ ئاوێنه‌ی‌ دایه‌وه‌ كه‌ تایبه‌تن به‌بارودۆخی‌ ئێستای‌ ئه‌و ناوچه‌یه‌، به‌تایبه‌ت پاش ئه‌و تۆپبارانه‌ سه‌خته‌ی‌ ئه‌م دواییه‌ی‌ ئێران بۆ ناوچه‌ سنوورییه‌كان كه‌ له‌ 16/8 ده‌ستی‌ پێكرد‌و تاكو به‌ر له‌چه‌ند رۆژێك به‌رده‌وام بوو.

ئه‌م سه‌ركرده‌یه‌ی‌ پژاك پێی‌ وایه‌ تۆپبارانه‌كه‌ی‌ ئه‌م دواییه‌ی‌ ئێران په‌یوه‌سته‌ به‌سیاسه‌تێكی‌ گشتییه‌وه‌‌و ئامانجی‌ ته‌نها پژاك نییه‌، به‌ڵكو ئه‌مه‌ سیاسه‌تێكه‌ له‌لایه‌ن چه‌ند ده‌وڵه‌تێكه‌وه‌ دژی‌ گه‌لی‌ كورد به‌ڕێوه‌ده‌برێت.

ئه‌میر كه‌ریمی‌ له‌باره‌ی‌ ئه‌م سیاسه‌ته‌ گشتییه‌وه‌ ده‌ڵێت «ئه‌م پلانه‌ دژی‌ گه‌لی‌ كورده‌‌و له‌لایه‌ن ئێران‌و سوریا‌و توركیاوه‌ به‌ڕێوه‌ ده‌برێت‌و نوری‌ مالكیش ده‌ستی‌ له‌م پلانه‌دا هه‌یه‌».

ناوبراو ئاماژ به‌وه‌ ده‌كات كه‌ مالكی‌ سه‌رۆك وه‌زیرانی‌ ئێراق به‌تایبه‌ت له‌سه‌ردانه‌كانی‌ ئه‌م دواییه‌ی‌ بۆ وڵاتانی‌ ده‌وروبه‌ر، رۆڵی‌ هه‌بووه‌ له‌ «پیلانگێڕی‌ دژی‌ گه‌لی‌ كورد»، بۆیه‌ له‌م باره‌یه‌وه‌ ده‌ڵێت «نه‌ده‌بوو به‌ڕێز تاڵه‌بانی‌ پشتگیری‌ له‌مالكی‌‌و پیلانی‌ ئه‌و وڵاتانه‌ بكردایه‌».

له‌باره‌ی‌ ئه‌و ده‌نگۆیانه‌ی‌ به‌م دواییه‌ش بڵاوبووه‌ته‌وه‌ كه‌ گوایه‌ ئه‌مه‌ریكا یارمه‌تیده‌ری‌ پژاكه‌، ئه‌میر كه‌ریمی‌ ئه‌ندامی‌ كۆردیناسیۆنی‌ پژاك وتی‌ «ئه‌م پروپاگه‌ندانه‌ به‌هیچ شێوه‌یه‌ك راست نییه‌، ئێران ئه‌م جۆره‌ تۆمه‌تانه‌ ده‌داته‌پاڵ هه‌موو كه‌س‌و لایه‌نێك كه‌ له‌دژی‌ بێت، رۆژنــامه‌نووسان‌و كه‌سانی‌ ئه‌كتیڤی‌ بواری‌ مافـی‌ مرۆڤ چه‌كیشیان پێنییه‌‌و به‌هه‌مان شێوه‌ له‌لایه‌ن ئێرانه‌وه‌ تۆمه‌تی‌ له‌و شێوه‌یه‌ ده‌درێته‌ پاڵیان‌و ده‌ستگیرده‌كرێن‌و ده‌كوژرێن».

ناوبراو ئه‌وه‌شی‌ وت كه‌ پرنسیپ‌و ئایدیۆلۆژیای‌ پژاك رێگه‌نادات یارمه‌تی‌ له‌كه‌س وه‌ربگیرێت‌و هێزێكه‌ پشت به‌خۆ ده‌به‌ستێت‌و ناشیه‌ویت هیچ ده‌وڵه‌تێك تێكدات، به‌ڵكو داوای‌ مافی‌ گه‌لی‌ كورد ده‌كات.

كه‌ریمی‌ ئاماژه‌ی‌ بۆ ئه‌وه‌ كرد كه‌ ئێستا راگه‌یاندنه‌كانی‌ توركیا‌و ئێران له‌هه‌وڵی‌ شێواندنی‌ راستییه‌كانن‌و ده‌یانه‌وێت به‌هه‌ر شێوه‌یه‌ك بێت پژاك به‌تیرۆریست بناسێنن، به‌ڵام «له‌راستیدا پژاك هێزێكی‌ ئاشتی‌ خوازه‌».

ده‌رباره‌ی‌ ئه‌وه‌ی‌ بوونی‌ گه‌ریلاكانی‌ پژاك له‌و ناوچه‌یه‌ كێشه‌ی‌ بۆ حكومه‌تی‌ كوردی‌‌و ناوچه‌كه‌ دروستكردبێت، ئه‌ندامی‌ كۆردیناسیۆنی‌ پژاك وتی‌ «ئه‌مه‌ راست نییه‌، به‌ڵكو به‌پێچه‌وانه‌وه‌ به‌هۆی‌ ئێمه‌وه‌ حكومه‌تی‌ كوردستانی‌ باشور له‌مه‌ترسییه‌كانی‌ ئێران‌و توركیا پارێزراوه‌، ئه‌مه‌ جگه‌ی‌ له‌وه‌ی‌ ئێمه‌ پشتگیری‌ له‌و حكومه‌ته‌ ده‌كه‌ین».

هه‌روه‌ها وتی‌ «كاتێك كوردستانی‌ باشور بێكێشه‌ ده‌بێت كه‌ دراوسێكانی‌ دۆستی‌ بن نه‌ك دوژمن، ئه‌مه‌ش ته‌نها به‌دیموكراسییه‌ت ده‌بێت كه‌ ئێمه‌ خه‌بات له‌و پێناوه‌ ده‌كه‌ین».

له‌باره‌ی‌ ئه‌و كێشانه‌ی‌ ئه‌م دواییه‌ی‌ نێوان پێشمه‌رگه‌كانی‌ یه‌كێتی‌‌و گه‌ریلاكانی‌ پژاكدا له‌ناوچه‌ی‌ پێنجوێن روویاندا‌و به‌هه‌ڵه‌ له‌یه‌كگه‌یشتن له‌قه‌ڵه‌م درا، كه‌ریمی‌ وتی‌ «ئه‌و كاره‌ رێكه‌وت نه‌بوو به‌ڵكو یه‌كێتی‌ 200 پێشمه‌رگه‌ی‌ له‌ناوچه‌ی‌ شاره‌زووره‌وه‌ به‌تایبه‌ت بۆ راونانی‌ پژاك هێنابوو، ئێمه‌ش له‌هه‌وڵی‌ ئه‌وه‌دا بووین كه‌ به‌ریه‌كنه‌كه‌وین‌و شوێنه‌كانمان ده‌گۆڕی‌ تادواتر بوو به‌ته‌قه‌ له‌نێوانماندا».

له‌وه‌ڵامی‌ ئه‌گه‌ری‌ بوونی‌ جۆره‌ رێكه‌وتنێك له‌نێوان یه‌كێتی‌‌و پارتی‌ له‌لایه‌ك‌و ئێران‌و توركیا له‌لایه‌كی‌ تره‌وه‌ بۆ دژایه‌تی‌ كردنی‌ پژاك‌و په‌كه‌كه‌، ناوبراو وتی‌ «ئه‌و سه‌رده‌مه‌ به‌سه‌ر چوو بتواندرێت میلله‌تی‌ كورد هه‌ڵخه‌ڵه‌تێندرێت‌و ته‌نانه‌ت پێشمه‌رگه‌كانیش ئه‌و كاره‌ ناكه‌ن‌و راستییه‌كان ده‌زانن، به‌ڵام گه‌ر هاتوو ئه‌و شته‌ روویدا پێمان وایه‌ مه‌سه‌له‌ی‌ كورد هه‌ڵده‌وه‌شێته‌وه‌‌و خه‌باتی‌ كورد یه‌كسان ده‌بێته‌وه‌ به‌سفر».

ئا: دانا ئه‌سعه‌د ـ قه‌ندیل

 



له‌سه‌ر كێشه‌ سنوورییه‌كان، ئێران وعێراق له‌حاجی‌ ئۆمه‌ران كۆبونه‌وه‌ Print E-mail
Thursday, 13 September 2007
Active Imageله‌ ناحیه‌ی‌ حاجی‌ ئۆمه‌ران، رۆژی‌ سێشه‌ممه‌ 11ی‌سێپتێمبه‌ر، له‌سه‌ر سنوور به‌زاندن‌و تۆپبارانه‌كانی‌ ئه‌مدواییه‌ی‌ سوپای‌ ئێران، نوێنه‌رانی‌ هه‌ردوو وڵاتی‌ عێراق‌و كۆماری‌ ئیسلامی‌ ئێران كۆبوونه‌وه‌. سۆران، ئاوێنه‌: سه‌رچاوه‌یه‌كی‌ باڵا له‌و كۆبوونه‌وه‌یه‌ به‌سایتی‌ ئاوێنه‌ی‌ ڕاگه‌یاند كۆبوونه‌كه‌ به‌سه‌رپه‌رشتی‌ محه‌مه‌د ئه‌نباری‌ به‌ڕێوه‌به‌ری‌ گشتی‌ سنوور له‌ وه‌زاره‌تی‌ ده‌ره‌وه‌ی‌ عێراق‌و كازم فروقانی‌ نوێنه‌ری‌ حكومه‌تی‌ ئێران به‌ڕێوه‌چوو.
سه‌رچاوه‌كه‌ وتی‌"تۆپبارانه‌كانی‌ ئه‌مدواییه‌ی‌ هێزه‌كانی‌ ئێران بۆ سه‌ر كوردستان، تاوتوێكراو‌و بڕیاردرا له‌ داهاتووشدا كۆبوونه‌وه‌ی‌ زیاتری‌ له‌باره‌وه‌ بكرێت".
له‌لایه‌كی‌ تره‌وه‌ سه‌رچاوه‌یه‌كی‌ ئاگادار رونیكرده‌وه‌ كه‌ كۆبونه‌وه‌كه‌ به‌ بێ‌ ئاكام بووه‌و"بروام نییه‌ گۆرانكاری‌ له‌عه‌قلیه‌تی‌ عه‌سكارتاریه‌تی‌ ئێران بكات".
هه‌روه‌ها به‌ڕێوه‌به‌ری‌ ناحیه‌ی‌ حاجی‌ ئۆمه‌ران، ئه‌حمه‌د قادر ئه‌مرۆ پێنجشممه‌ به‌ئاوێنه‌ی‌  لێدوانێكدا بۆ سایتی‌ ئاوێنه‌ ڕایگه‌یاند"له‌ داهاتوودا سه‌فه‌ركردن بۆ وڵاتی‌ ئێران له‌ رشێگای‌ جه‌وازه‌وه‌ ده‌كرێته‌وه‌‌و كۆبوونه‌كانیش ئه‌نجامی‌ باشی

شیرین عیبادی پارێزڤانی "محه‌ممه‌د سه‌دیق که‌بوودوه‌ند"ی گرته ئه‌ستۆ


ڕێنێسانس نیوز، تاران: زانرا که خاتوو "شیرین عیبادی"، ئه‌ندامی کانوونی پارێزه‌رانی مافی مرۆڤی ئێران، پارێزڤانی "محه‌ممه‌د سه‌دیق که‌بوودوه‌ند" سه‌رۆکی گیراوی ڕێکخراوی مافی مرۆڤی کوردستانی گرته ئه‌ستۆ.

هه‌و‌اڵنێری چاوه‌دێری مافی مرۆڤی کورد، ڕایگه‌یاند که خاتوو "شیرین عیبادی" پارێزه‌ری به ناوبانگی ئێران، ئه‌ندامی کانوونی پارێزڤانانی مافی مرۆڤ له ئێران و براوه‌ی خه‌ڵاتی نۆبێلی ئاشتی، پارێزه‌ری "محه‌ممه‌د سه‌دیق که‌بوودوه‌ند: سه‌رۆکی گیراوی ڕێکخراوی مافی مرۆڤی کوردستانی گرته ئه‌ستۆ.

"محه‌ممه‌د سه‌دیق که‌بوودوه‌ند"، سه‌رۆکی ڕێکخراوی مافی مرۆڤی کوردستان و خاوه‌نی حه‌وته‌نامه‌ی داخراوی پیام مردم، ڕۆژی 10ی پوشپه‌ری ئه‌مساڵ له شوێنی کاره‌که‌ی له تاران ده‌زگیر و ڕه‌وانه‌ی به‌ندی 209ی گرتووخانه‌ی ئێڤین له تاران کرا و 40 له ژووری تاکه‌که‌سی دابوو و زۆربه‌ی ئه‌م کاته‌شی به مانگرتن له‌خواردن برده سه‌ر.

ناوبراو به کۆمه‌ڵێک تۆمه‌ت وه‌کو "دژایه‌تی شه‌رعی ئیسلام، هه‌وڵدان دژی ئاسایشی نه‌ته‌وه‌یی ئێران، پرۆپاگه‌نده دژ به کۆماری ئیسلامی و پشتیوانی له گیراوانی حیزبه‌کانی به‌رهه‌ڵستکاری ئێران" تاوانبار کراوه.


 

رادیو ده نگی کوردستان له ئامریکا
سه‌ره‌خۆشی کۆچی دوایی "به‌هائه‌دین ئه‌ده‌ب" ده‌کات


 ، تاران: ڕێکخراوی مافی مرۆڤی کوردستان :
ئاگادار بووین که "ئه‌ندازیار به‌هائه‌دین ئه‌ده‌ب"، چالاکی سیاسی، دامه‌زرێنه‌ری "به‌ره‌ی یه‌کگرتووی کورد" و "نوێنه‌ری هاوڵاتیانی سنه و کامیاران و دیوانده‌ره" له خوله‌کانی 5 و 6ی پارله‌مانی ئێران، به هۆی نه‌خۆشی شێرپه‌نجه، له نه‌خۆشخانه‌ی مێهر، له تاران کۆچی دوایی کرد.
ڕ.م.م.ک، خه‌م و داخی قووڵی خۆی له کۆچی دوایی و له‌ناکاوی "به‌هائه‌دین ئه‌ده‌ب" ڕاده‌گه‌یێنێ و خۆی له خه‌می بنه‌ماڵه، دۆستان و لایه‌نگرانی ناوبراو دا به شه‌ریک ده‌زانێ.

25ی گه‌لاوێژی 1386
ڕێکخراوی مافی مرۆڤی کوردستان

سزای 1 ساڵ زیندان بۆ هاوڵاتیه‌کی سه‌قزی په‌سه‌ند کرا

دیوانی باڵای دادی ڕه‌ژیم، سزای 1 ساڵ گیرانی بۆ هاوڵاتی سه‌قزی "عادڵ زه‌فه‌ری" به تۆمه‌تی هه‌وڵدان دژی ئاسایشی نه‌ته‌وه‌یی په‌سه‌ند کرد.

به گوێره‌ی په‌یامنێرانی ڕێکخراوی مافی مرۆڤی کوردستان، دیوانی باڵای دادی ڕه‌ژیمی ئێران، سزای یه‌ک ساڵ گیرانی بۆ هاوڵاتی سه‌قزی "عادڵ زه‌فه‌ری" به تۆمه‌تی هه‌وڵدان دژ به ئاسایشی نه‌ته‌وه‌یی په‌سه‌ند کرد.

عادڵ زه‌فه‌ری، هاوڵاتی سه‌قزی له ئاڵۆزیه‌کانی هاوینی ساڵی 1384ی ڕۆژهه‌ڵاتی کوردستان ده‌زگیر و زیندانی کرابوو و پاشان له لایه‌ن دادگای شۆڕشی ئیسلامی سه‌قز به 2 ساڵ زیندان مه‌حکووم کرابوو و به‌ڵام به داخوازی پێداچوونه‌وه‌ی ناوبراو، دیوانی باڵای دادی ئێران سزاکه‌ی بۆ ساڵێک دابه‌زاند و خۆشی ئه‌مجاره به مه‌به‌ستی به‌ڕێوه‌بردنی حکومه‌که، خۆی به دادگای سه‌‌قز ناساندووه.



 مانشێت نیوز، ناوه‌ندی هه‌واڵ: ئه‌مرۆ 25ی گه‌لاوێژ، 62مین ساڵڕۆژی دامه‌زراندنی حیزبی دێمۆکراتی کوردستانی ئێران له درێژه‌ی "کۆمه‌ڵه‌ی ژیانه‌وه‌ی کورد" و به سه‌رۆکایه‌تی پێشه‌وا قازی محه‌ممه‌د له مه‌هاباد، دامه‌زرا.

له سه‌رده‌مێکی هه‌ستیار له 25ی گه‌لاوێژی ساڵی 1324ی هه‌تاوی، حیزبی دێمۆکراتی کوردستانی ئێران به سه‌رۆکایه‌تی "پێشه‌وا قازی محه‌ممه‌د" و کۆمه‌ڵێکی فراوان له ڕۆشنبیران و که‌سایه‌تیه‌کانی ناسراوی مه‌هاباد و موکریان و له سه‌ر بنه‌ماکانی "کۆمه‌ڵه‌ی ژیانه‌وه‌ی کورد، ژ ک"(به هه‌ندێک گۆڕانکاریه‌وه) دامه‌زرا و له ماوه‌یه‌کی کورت دا یه‌که‌م کۆماری مۆدێرن و دێمۆکراتی کوردی به پێی ڕه‌وشی سه‌رده‌م، دامه‌زراند و توانی بۆیه‌که‌م جار، هێزی پێشمه‌رگه (سپای به‌رگری میلی)، کابینه‌ی حکومه‌ت، خوێندن و په‌روه‌رده‌ی کوردی، ڕادیۆ، گۆڤار و ڕۆژنامه‌ی کوردی له رۆژهه‌ڵاتی کوردستان پێکبێنێت.

حیزبی دێمۆکراتی کوردستانی ئێران، له‌م 62 ساڵه دا، ڕۆڵێکی کارا و به‌رچاوی له بزووتنه‌وه‌ی میلی، دێمۆکراتیکی کورد له ڕۆژهه‌ڵاتی کوردستان بینیوه، 13 کۆنگره‌ی تاکو ئێستا به‌ستووه، سه‌ره‌تا بۆ خودموختاری کوردستان و دێمۆکراسی بۆ ئێران بووه و له‌م ساڵانه‌ی دوایی دا (له پاش کۆنگره‌ی 13وه) بۆ "دابین کردنی مافه‌کانی نه‌ته‌و‌ایه‌تی گه‌لی کورد له چوارچێوه‌ی ئێرانێکی دێمۆکرات و فێدراڵ دا" خه‌بات ده‌کات و ئه‌گه‌رچی له چه‌ند قۆناخ دا به‌ره‌و بیرۆکه‌یه‌کی چه‌پی تۆخ و پێوه‌ستی به حیزبی توووده‌ش رۆیشتووه، به‌ڵام ئێستا له سه‌ر ڕێبازی ته‌شکیلاتی "سانتراڵیزمی دێمۆکراتی" ڕێکخستن ده‌کات و "سۆسیالیزمی دێمۆکراتیک"ی کردۆته ئارمانجی خۆی و له‌ هه‌موو چین و توێژه‌کانی کۆمه‌ڵ و ئایدیالۆژیه‌کانی کۆمه‌ڵگای کوردی ڕۆژهه‌ڵات ئه‌ندامی هه‌یه و خۆ پابه‌ند به ڕێزنان و وه‌دیهانانی ئامانجی هه‌‌موان ده‌کات.

حیزبی دێمۆکراتی کوردستانی ئێران تاکو ئێستا سێ ڕێبه‌ری بلیمه‌ت و زانا و خۆشناوی لێ شه‌هید و تیرۆر کراوه (شه‌هید پشه‌وا قازی محه‌ممه‌د، دوکتۆر قاسملوو و دوکتۆر شه‌ره‌فکه‌ندی) و له مه‌زنترین ڕێکخراوه‌کانی قوربانی تێرۆریسمی کۆماری ئیسلامیه، زیاتر له 6 هه‌زار شه‌هیدی له ڕێگه‌ی کوردستان داوه، 3 جاری ئینشعاب تێکه‌وتووه، ڕێبه‌ری ئێستایی "مسته‌فا هیجری"یه و دوایین جار، نیزێک به 8 مانگ له‌مه‌وبه‌ر، لایه‌نێکی به ناوی "حیزبی دێمۆکراتی کوردستان" و به ڕێبه‌رایه‌تی عه‌بدوڵا حه‌سه‌نزاده و جه‌لیل گادانی لێ جیابۆته‌وه.

حیزبی دێمۆکراتی کوردستانی ئێران، ئه‌ندامانی ته‌شکیلاتی ئاشکرا، هێزی پێشمه‌رگه و بنکه‌ی ڕێبه‌رایه‌تی له 3 که‌مپی سه‌ره‌کی له "جێژنه‌کانی هه‌ولێر، دێگه‌له، کۆیه" کۆکردۆته‌وه و له ئێران چالاکی سیاسی لێ قه‌ده‌غه کراوه، له سه‌رجه‌م وڵاتانی ئه‌رووپا کۆمیته‌ی کارا و چالاکی هه‌یه، ئه‌ندامی مه‌زنترین ڕێکخراوی جیهانی پاش نه‌ته‌وه‌ یه‌کگرتووه‌کان به ناوی "ئینته‌ر ناسیۆناڵ سۆسیالیست"، "یو ئێن پی‌ ئۆ"، و کۆمه‌ڵێک ڕێکخراوی تروه و به پێشانگه‌هی هه‌مان حیزب، ماوه‌ی نیزێک به 2 ساڵه، "کۆنگره‌ی گه‌لانی ئێرانی فیدراڵ"ی له گه‌لانی چه‌وساوه و دوورخراوه له بازنه‌ی ده‌سه‌لاتی ئێران، پێکهێناوه.



به‌ڕێوه‌چوونی‌ مانۆڕێكی‌ نیزامی‌ به‌ مه‌به‌ستی‌ پێشوازی‌ له‌ 25ی‌ گه‌لاوێژ

 

كوردستان میدیا: كاتژمێر 6ی‌ سه‌رله‌به‌یانیی‌ رۆژی‌ هه‌ینی‌، رێكه‌وتی‌ 19ی‌ گه‌لاوێژی‌ 1386ی‌ هه‌تاوی‌، به‌ به‌شداریی‌ به‌ڕێز كاك مسته‌فا هیجری‌، سكرتێری‌ گشتیی‌ حیزبی‌ دێموكراتی‌ كوردستانی‌ ئێران، به‌ڕێز كاك كاوه‌ به‌هرامی‌، ئه‌ندامی‌ كومیته‌ی‌ ناوه‌ندی‌‌و به‌رپرسی‌ كۆمیسیۆنی‌ سیاسی‌ ـ نیزامیی‌ حیزب‌و به‌ڕێز ره‌حیم مه‌نگۆڕی‌، ئه‌ندامی‌ جێگری‌ كومیته‌ی‌ ناوه‌ندی‌‌و هه‌روه‌ها چه‌ندین فه‌رمانده‌‌و سه‌دان كه‌س له‌ كادر‌و پێشمه‌رگه‌مانی‌ ناوه‌ند‌و تیپ‌و ئورگانه‌ جۆراوجۆره‌كانی‌ حیزب، مانۆڕێكی‌ نیزامی‌ به‌ڕێوه‌چوو.
ئه‌م مانۆڕه‌ به‌ مه‌به‌ستی‌ پێشوازی‌‌و رێزگرتن له‌ 25ی‌ گه‌لاوێژ، شه‌ست‌و دووهه‌مین ساڵڕۆژی‌ دامه‌زرانی‌ حیزبی‌ دێموكراتی‌ كوردستانی‌ ئێران، به‌ڕێوه‌چوو.
له‌ كۆبوونه‌وه‌یه‌كی‌ گشتی‌دا، به‌ڕێز كاك كاوه‌ به‌هرامی‌، فه‌رمانده‌ی‌ گشتیی‌ ئه‌م مانۆڕه‌، شێوه‌‌و شوێنی‌ مانۆڕه‌كه‌ی‌ به‌ ئاگاداریی‌ هاوڕێیان گه‌یاند‌و ئه‌ركی‌ دیاریكراوی‌ ژنان‌و پیاوانی‌ پێشمه‌رگه‌ی‌ به‌شداری‌ له‌م مانۆڕه‌ دیاری‌ كرد‌و دوای‌ دابه‌شكردنی‌ تیمه‌كان‌و دیاریكردنی‌ جێگاكانیان، مانۆڕه‌كه‌ درێژه‌ی‌ كێشا.
به‌شداری‌‌و رۆڵی‌ ژنان‌و كچانی‌ پێشمه‌رگه‌ی‌ دێموكرات له‌م مانۆڕه‌دا زۆر به‌رچاو‌و دیار بوو‌و ئه‌وان له‌م مانۆڕه‌دا به‌كرده‌وه‌ نیشانیان دا كه‌ توانایی‌‌و لێهاتوویی‌ ئه‌وان له‌ پیاوان كه‌متر نیه‌‌و، ئاماده‌ن شانبه‌شانی‌ برا پێشمه‌رگه‌كانیان چیا‌و دۆڵی‌ كوردستان بپێون‌و هه‌موو پێكه‌وه‌‌و به‌ بێ‌ هیچ جیاوازییه‌ك، خزمه‌ت به‌ ئامانجه‌كانی‌ 25ی‌ گه‌لاوێژ بكه‌ن.
له‌ به‌شی‌ كۆتایی‌ مانۆڕه‌كه‌دا، به‌ڕێز‌و تێكۆشه‌ر كاك مسته‌فا هیجری‌ سه‌ردانی‌ به‌شێكی‌ زۆر له‌ تیمه‌كانی‌ كرد‌و پاشان له‌ شوێنێكی‌ دیاریكراودا پێشوازیی‌ له‌ هه‌موو پێشمه‌رگه‌كان كرد.
له‌ كۆبوونه‌وه‌یه‌كدا، سه‌ره‌تا به‌ڕێز كاك كاوه‌ به‌هرامی‌ خۆشحاڵیی‌ خۆی‌ له‌ به‌شداریی‌ به‌ڕێز كاك مسته‌فا هیجری‌، سكرتێری‌ گشتیی‌ حیزب‌و ئه‌وه‌ی‌ كه‌ به‌ڕێزیان وه‌ك هه‌میشه‌‌و له‌ هه‌موو قۆناخه‌كاندا، پشتیوان‌و هاوڕێی‌ پێشمه‌رگه‌ن، ده‌ربڕی‌.
به‌ڕێز كاوه‌ به‌هرامی‌ وتی‌، چاوه‌ڕوانییه‌كانی‌ ئێمه‌ له‌م مانۆڕه‌ هه‌ر ئه‌وه‌ بوون كه‌ مانۆڕێكی‌ سه‌ركه‌وتوومان هه‌بێ‌‌و به‌ خۆشییه‌وه‌، له‌گه‌ڵ‌ ئه‌وه‌ش كه‌ به‌هۆی‌ نه‌بوونی‌ ده‌رفه‌ت‌و ناله‌باریی‌ هه‌لومه‌رجه‌كه‌، نه‌مانتوانی‌ به‌شێك له‌ كاره‌ دیاریكراوه‌كانی‌ مانۆڕه‌كه‌مان جێبه‌جێ‌ بكه‌ین، به‌ڵام ده‌توانین هیواداربین كه‌ له‌ داهاتوودا كاری‌ گه‌وره‌تر‌و مانۆڕی‌ به‌رینتر بۆ ده‌سكه‌وتی‌ گه‌وره‌تر به‌ڕێوه‌به‌رین. به‌ڕێزیان هه‌ر له‌و باسه‌دا وتی‌ توانایی‌ جیسمی‌‌و نیزامیی‌ پێشمه‌رگه‌كان جێگای‌ خۆشحاڵییه‌. پاشان داوای‌ له‌ رێزدار كاك مسته‌فا هیجری‌ كرد كه‌ به‌م بۆنه‌وه‌ چه‌ند وته‌یه‌ك پێشكه‌ش بكا.
به‌ڕێز سكرتێری‌ گشتیی‌ حیزب، له‌ حاڵێكدا كه‌ له‌ ئاكامی‌ مانۆڕه‌كه‌ خۆشحاڵ‌ بوو، ماندوونه‌بوونی‌‌و ده‌ستخۆشی‌ له‌ فه‌رمانده‌‌و ژنان‌و پیاوانی‌ پێشمه‌رگه‌ی‌ به‌شدار له‌م مانۆڕه‌دا كرد‌و به‌ ده‌سكه‌وتێكی‌ گرنگ‌و گه‌وره‌ی‌ له‌ قه‌ڵه‌م دا. به‌ڕێزیان له‌ قسه‌كانی‌دا وێڕای‌ پیرۆزبایی‌ 25ی‌ گه‌لاوێژ له‌ هه‌موو به‌شدارانی‌ مانۆڕه‌كه‌‌و خه‌ڵكی‌ كوردستان، وتی‌: "ئێمه‌ هه‌موومان قوتابییانی‌ 25ی‌ گه‌لاوێژین، بۆیه‌ ئێستاش به‌ هیوا به‌ دواڕۆژی‌ گه‌ش، بۆ وه‌دیهێنانی‌ ئامانجه‌كانی‌ 25ی‌ گه‌لاوێژ تێ‌ده‌كۆشین‌و خه‌بات ده‌كه‌ین". كاك مسته‌فا هێجری‌، هیوای‌ به‌رده‌وامیی‌ بۆ ئه‌م جۆره‌ حه‌ره‌كه‌تانه‌ خواست‌و ئاماژه‌ی‌ به‌ به‌شداری‌‌و نه‌خشی‌ ژنان‌و كچانی‌ پێشمه‌رگه‌ له‌ په‌نای‌ مێرد‌و برا پێشمه‌رگه‌كانیان دا كرد‌و وتی‌ ژنان‌و كچانی‌ پێشمه‌رگه‌ ئه‌مڕۆ نیشانیان دا كه‌ خه‌بات بۆ ئامانجه‌كانی‌ 25ی‌ گه‌لاوێژ، به‌بێ‌ ئه‌وان سه‌رناكه‌وێ‌.
شایانی‌ باسه‌ له‌م مانۆڕه‌دا له‌ لایه‌ن به‌ڕێز سكرتێری‌ گشتیی‌ حیزبه‌وه‌، به‌تایبه‌تی‌ رێز له‌ مام وه‌لی‌، پێشمه‌رگه‌ی‌ دێرینی‌ حیزب گیرا كه‌ له‌ ته‌مه‌نی‌ 75 ساڵی‌دا له‌ گه‌ڵ‌ لاوه‌كان‌و شانبه‌شانی‌ ئه‌وان به‌شداری‌ مانۆڕه‌كه‌ بوو.
دوای‌ ئه‌م كۆبوونه‌وه‌یه‌‌و وه‌ك به‌شی‌ كۆتایی‌ مانۆڕه‌كه‌، ژنان‌و پیاوانی‌ پێشمه‌رگه‌ی‌ دێموكرات‌و رێبوارانی‌ رێبازی‌ 25ی‌ گه‌لاوێژ، به‌ره‌و شوێنی‌ دیاریكراو گه‌ڕانه‌وه‌. شایانی‌ باسه‌ مانۆڕه‌كه‌ كاتژمێر 5ی‌ ئێواره‌ كۆتایی‌ پێ‌هات.


 


وه‌زاره‌تی ده‌ره‌وه‌ی ئه‌مریکا: گفتگۆمان له‌گه‌ڵ پژاک نه‌کردووه و سه‌رۆكی پژاكیش له‌ سه‌ر بانگهێشتی ئێمه‌ نه‌هاتووه‌


ڕێنێسانس نیوز؛ واشنتۆن: وته‌بێژی وه‌زاره‌تی ده‌ره‌وه‌ی ئه‌مریکا، ڕایگه‌یاند که گفتگۆی نێوان ئه‌م وڵاته و پژاک، مومکین نییه، به‌ڵام واشنتۆن، چالاکییه‌کانی ئه‌م گرووپه‌ی به وردی خستۆته ژێر چاوه‌دێری خۆیه‌وه. ئه‌و نوێنه‌ره‌ ڕاشیگه‌یاند که‌ سه‌رۆکی پژاک به‌ خواستی خۆی و به‌ په‌ساپۆرتی ئه‌ڵمانی هاتۆته‌ ئه‌مریکا.

"عه‌بدوڵره‌حمان حاجی ئه‌حمه‌دی"، سکرتێری پارتی ژیانی ئازادی کوردستان به سه‌ردانێک له ئه‌مریکایه و حه‌وتووی ڕابردوو به واشنتۆن پۆستی گوتبوو که ئه‌و ده‌یه‌وێ دیدار له‌گه‌ڵ به‌رپرسانی ئه‌مریکا بکات و به‌رانبه‌ر به ئێران، به‌ڵێنی هاوکاری و پشتیوانیانه لێ بستێنێ، به‌ڵام زانرا که ئه‌مریکا ئاماده‌ نه‌بووه له هیچ ئاستێک دا دیداری له‌گه‌ڵ بکات.

ئه‌مڕۆش، وته‌بێژی وه‌زاره‌تی ده‌ره‌وه‌ی ئه‌مریکا، شان مه‌ککۆرمه‌ک" له وه‌ڵامی پرسیارێکی رۆژنامه‌وانی تورک و نوێنه‌ری که‌ناڵی ئێن‌تی‌ڤی تورکیا "ئومید ئه‌نگینسۆی" سه‌باره‌ت به پژاک به‌م شێوه ئاخڤی: "پێکهێنانی دیداری سه‌رۆکی پژاک و به‌رپرسانی ئه‌مریکا مومکین نییه، ئه‌گه‌رچی پژاک له لیستی گرووپه تیرۆریستیه‌کانی ئه‌مریکادا نییه، به‌ڵام چالاکی و جموجۆڵه سه‌ربازییه‌‌کانی‎ به وردی له ژێر چاوه‌دێری ئه‌مریکا دایه.

هه‌روه‌ها له‌م کۆنفرانسه رۆژنامه‌وانییه‌دا ڕاگه‌یاندرا که "عه‌بدوڵڕه‌حمان حاجی ئه‌حمه‌دی" سه‌رۆکی پژاک به په‌‌ساپۆرتی ئاڵمانی و به خواستی خۆی سه‌ردانی ئه‌مریکای کردووه نه‌ک له‌سه‌ر داوای حکوومه‌تی ئه‌و وڵاته‌.



كۆنفرانسی پاتۆلۆ ژی بزاڤی سیاسی كوردستان كۆتایی به‌كاره‌كانی هێنا


رێنێسانس نیوز، تایبه‌ت:

ئه‌مرِۆ چوارشه‌ممه‌ 11/07 كۆنفرانسی پاتۆلۆژی بزاڤی سیاسی كوردستان دانیشتنی سێهه‌م و چواره‌می خۆی به‌رِێوه‌ برد و كۆتایی به‌كاره‌كانی خۆی هێنا.

 

وتاره‌كانی سه‌ر له‌به‌یانی ئه‌مرِۆ تایبه‌ت بوون به‌ره‌وشی سیاسی و چه‌كداری ئه‌حزابی رۆژهه‌ڵاتی كوردستان كه‌ چه‌ندین وتار له‌لایه‌ن عه‌بدوڵا ره‌سوڵی، زریان رۆژهه‌ڵاتی، هۆشه‌نگ كه‌ره‌م تاجر و ئاسۆ باوه‌جانییه‌وه‌ خوێندرایه‌وه‌ و له‌دانیشتنی چواره‌میشدا كه‌ سه‌ر له‌ئێواره‌ی ئه‌مرِۆ به‌رِێوه‌ چوو، ئۆردوگانشینی و پاتۆلۆژی ئه‌حزاب خرایه‌ به‌ر باس. به‌شداری ته‌وه‌ره‌كه‌ش سه‌عید سه‌عیدی، رامبود لوتفپووری، فوئاد خاكی به‌یگی، مه‌حمود شێرزاد و د. به‌هروز شوجاعی بوون.

 

له‌دانیشتنه‌كانی ئه‌مرِۆدا مشتومرِێكی زۆر دروست بوو سه‌باره‌ت به‌خه‌باتی چه‌كداری و شێوازه‌كانی خه‌بات له‌رۆژهه‌ڵاتی كوردستاندا.

 

سه‌باره‌ت به‌كۆنفرانسه‌كه‌ و ئه‌نجامه‌كانی، چه‌ند به‌شداربویه‌كی ئه‌و كۆنفرانسه‌ به‌مجۆره‌ بۆ رێنێسانس دوان:

 

ئاوات سارێژ: ئه‌م كۆنفرانسه‌ كه‌ له‌لایه‌ن كۆمه‌ڵێك چالاكی سیاسی به‌رِێوه‌ چوو، جێگای رێز لێنان و سوپاسه‌. كۆنفرانسه‌كه‌ به‌گشتی باش بوو، دیاره‌ به‌رفراوان نه‌بوو، به‌ڵام بیرو بۆچوونه‌ جیاوازه‌كان رووبه‌رِووی یه‌ك بوونه‌وه‌. به‌برِوای من ئه‌م كێشانه‌ ده‌بێ چاره‌سه‌ر بكرێ ئه‌گه‌ر هه‌ستی كوردایه‌تی پته‌وتر بێت.

 

ئاسۆ باوه‌جانی: به‌بیروبۆچونی من كۆنفرانسی له‌م چه‌شنه‌ ده‌توانێ سازنده‌ بێت و ئه‌گه‌ر به‌شداربوان تێیدا ده‌مارگرژی حزبی وه‌ لا نێن، سه‌ركه‌ وتوتر ده‌بێ. ده‌توانم بڵێم به‌گشتی سودبه‌خش بوو، به‌ڵام ده‌یتوانی سودمه‌ندتر بێت ئه‌گه‌ر لایه‌نه‌كان وه‌ك حزب و رۆشنبیرانی سه‌ربه‌خۆ بێ په‌رده‌ كێشه‌كانیان باس بكردایه‌ و لانیكه‌م له‌خاڵی سه‌ره‌كی ئه‌م كۆنفرانسه‌ "پاتۆلۆژی بزاڤی سیاسی" یه‌كیان بگوتبا.

 

سمایل شه‌ره‌فی: من له‌نه‌فسی خۆیدا ئه‌مجۆره‌ دانیشتن و دانوستانانه‌ نه‌ته‌نیا به‌شتێكی باش ده‌زانم، به‌ڵكو پێموایه‌ پێویسته‌ و ده‌بێ په‌ره‌ به‌م دانیشتنانه‌ بده‌ین، ئه‌م كۆنفرانسه‌ چه‌ند روانگه‌یه‌كی بۆ من دروست كرد كه‌ حه‌ز ده‌كه‌م به‌راشكاوی باسیان بكه‌م، 1 ــ به‌داخه‌وه‌ حزبه‌كانی رۆژهه‌ڵاتی كوردستان هێشتا دان به‌ده‌نگه‌ جیاوازه‌كان دانانێن 2 ــ پێیان وایه‌ هه‌ر كه‌سێك ره‌خنه‌ی لێگرتن ئه‌وه‌ پیلانێكیان به‌ده‌سته‌وه‌یه‌ و ره‌خنه‌گران ده‌خه‌نه‌ خانه‌ی دوژمنكارییه‌وه‌. 3 ــ حزبه‌كانی ئێمه‌ زۆر دوورن له‌واقعه‌كانی ئه‌مرِۆی رۆژهه‌ڵاتی كوردستان.

 

رزگار عه‌باس زاده‌: كۆنفرانسی پاتۆلۆژی بزاڤی سیاسی كوردستان خۆی له‌خۆیدا شتێكی باشه‌، ئه‌مجۆره‌ كۆنفرانسانه‌ له‌كوردستان بگیرێ باشه‌ به‌تایبه‌ت له‌لایه‌ن كۆمه‌ڵێك خه‌ڵكی سیاسی بێلایه‌ن. به‌برِوای من ره‌خنه‌ و كه‌موكورِییه‌كانی ئه‌حزاب توانی له‌ده‌رگا داخراوه‌كانی حزبه‌وه‌ بێته‌ ده‌ره‌وه‌ و زۆر شت روون بێته‌وه‌. هیوادارم ئه‌وجۆره‌ كۆنفرانسانه‌ له‌داهاتوشدا بگیرێ به‌ڵام چاره‌سه‌ریش باس بكرێت. هه‌روه‌ها پێویسته‌ لایه‌نه‌ حزبیه‌كان به‌سه‌ركرده‌كانیشانه‌وه‌ به‌شدار بن.

 

له‌لایه‌كی تره‌وه‌ سه‌رچاوه‌یه‌ك به‌ناوی لیژنه‌ی ئاماده‌كاری كۆنفرانسه‌كه‌وه‌ رایگه‌یاند كه‌ ئه‌وان زۆربه‌ی لایه‌نه‌ سیاسیه‌كانیان بانگهیشت كردبوو به‌ڵام به‌داخه‌وه‌ چه‌ند حزبێك ئاماده‌ نه‌بوون به‌شدار بن، له‌وانه‌ هه‌ر دوو رێكخراوی كۆمه‌ڵه‌.

 

سه‌رچاوه‌كه‌ راشیگه‌یاند كه‌ له‌داهاتویه‌كی نزیكدا كۆی وتار و دیالۆگه‌كان له‌توێی تایبه‌تنامه‌یه‌كدا بڵاو ده‌كه‌نه‌وه‌.

 

ئه‌م كۆنفرانسه‌ كه‌ له‌شاری سلێمانی به‌رِێوه‌ چوو، دوو رۆژی خایاند.


روونکردنه‌وه‌یه‌ک له‌ کۆمیته‌ی راگه‌یاندنی پارتی ئازادیی کوردستانه‌وه‌


سه‌ر له‌به‌یانی ئه‌مڕۆ شه‌ممه‌ 7-7-2007، نووسراوێک له‌سه‌ر ژماره‌یه‌ک له‌ ماڵپه‌ڕه‌ کوردییه‌کان بڵاوکراوه‌ته‌وه‌ که‌ گۆیا "ئینشعاب له‌ پارتی ئازادیی کوردستان" رووی داوه‌. ئێمه‌ قه‌زاوه‌ت له‌سه‌ر دارشتن و ئیملا و ئینشا و ناوه‌رۆکی سه‌قه‌ت و پێکه‌نینهێنه‌ری ئه‌و نووسراوه‌یه‌ که‌ ئاستی ئاوه‌ز و توانای " خوڵقێنه‌ر"ه‌‌که‌ی ده‌رده‌خا، بۆ خوێنه‌رانی به‌جێدێڵین.

به‌ڵام له‌سه‌ر ئه‌و که‌سانه‌ی که‌ وه‌ک واژۆکه‌ری ئه‌و نووسراوه‌یه‌ ناویان براوه‌، راده‌گه‌یه‌نین که‌ ژماره‌یه‌ک له‌و ناوانه‌ ته‌نیا به‌شێک له‌ ئه‌ندامانی بنه‌ماڵه‌ی رێبه‌ری شه‌هیدمان کاک سه‌عید یه‌زدانپه‌نان که‌ هیچ پله‌ و پایه‌یه‌کی حیزبییان نه‌بووه‌، که‌سێکی وه‌ک به‌ڕێز کاک عومه‌ر، نه‌ ئاگای له‌و‌ گاڵته‌جاڕییه‌یه‌ و نه‌ له‌گه‌ڵیدایه‌. ژماره‌یه‌کیان فڕیان به‌سه‌ر ئه‌و نووسراو‌ و کرداره‌وه‌ نییه‌ و خۆیان له‌ رێگای ماڵپه‌ری 4rojhelat وه‌درۆیان خستووه‌ته‌وه‌، ناوی وای تێدایه‌ که‌ هه‌ر ئێستا له‌ ریزه‌کانی پارتی ئازادیی کوردستان دا خه‌بات ده‌کا.

گاڵته‌جاڕی ئه‌و کاره‌‌ کاتێ زیاتر ده‌رده‌که‌وێ که‌ نووسه‌ری سیناریۆ به‌ که‌یفی خۆی پله‌ و پایه‌ی حیزبی به‌سه‌ر ئه‌م و ئه‌ودا دابه‌شکردووه‌. وه‌ک بڵێی هیچ سه‌رچاوه‌ و به‌ڵگه‌یه‌کی باوه‌ڕپێکراو بۆ زانینی پێکهاته‌ی ئه‌ندامانی ریبه‌رایه‌تیی ئه‌و حیزبه‌ نه‌بێ!ئێمه‌ راده‌گه‌یه‌نین که‌ ئه‌وه‌ کۆمه‌ڵێک کێشه‌ی ده‌روونی، ئه‌خلاقی و کۆمه‌ڵایه‌تی "سمکۆ" ناوێکه‌ که‌ بۆ ده‌رباز بوون لێی ئاژاوه‌یه‌کی خێزانی نایه‌وه‌ و سه‌ره‌نجام به‌شێک له‌ بنه‌ماڵه‌که‌ی تێوه‌گلاندووه‌‌ و شوانه‌ی زاوای و 5 که‌سێکی دیکه‌ی له‌ ریزه‌کانی پارتی ئازادیی کوردستان، هه‌ر کام به‌ ته‌رزێک رکێشی ناوی کردووه‌.

ئێمه‌ ئاماده‌ین بۆ وه‌درۆ خستنه‌وه‌ و ریسواکردنی ئه‌و شه‌ڕلاتانییه و سه‌لماندنی راستییه‌کان، هه‌موو به‌ڵگه‌یه‌کی نووسراو و ده‌نگ و ره‌نگی پارتی ئازادیی کوردستان له‌ پێش کۆنگره‌‌‌وه‌ تا کۆنگره‌ و دوای کۆنگره‌ بخه‌ینه‌ به‌ر ده‌ست هه‌ر تاک و گرووپ و حیزب و ده‌زگایه‌کی راگه‌یاندن. کۆمیته‌ی رێکخستنی پارتی ئازادیی کوردستان، له‌ داهاتوویه‌کی نێزیک دا، له‌وباره‌وه‌ روونکردنه‌وه‌یه‌کی تێر و ته‌سه‌ل ده‌رده‌کا.

پارتی ئازادیی کوردستان
کۆمیته‌ی راگه‌یاندن
7-7-2007




ناڕازییه‌کانی ناو "پاک" به‌فه‌رمی جیابوونه‌وه‌ی خۆیان ڕاگه‌یاند


ڕێنێسانس نیوز؛ تایبه‌ت: له‌ لێدوانێکی فه‌رمییاندا بۆ ڕێنێسانس، کۆمه‌ڵێک له‌ ئه‌ندامانی سه‌رکردایه‌تیی پارتی ئازادیی کوردستان، به‌ فه‌رمی جیابوونه‌وه‌ی خۆیان له‌و حیزبه‌ ڕاگه‌یاند و هۆکاره‌که‌شیان بۆ گه‌نده‌ڵی و پاوانکردنی ده‌سته‌ڵات له‌لایه‌ن چه‌ند که‌سێکه‌وه‌ گێڕایه‌وه‌.

له‌ بڵاڤۆکێکی فه‌رمیدا که‌ له‌ لایه‌ن شانزه‌ ئه‌ندامانی سه‌رکردایه‌تیی پارتی ئازادیی کوردستانه‌وه‌ واژۆ کراوه‌، ڕاده‌گه‌یه‌نرێ که‌ "نه‌بوونی ڕاوێژ له‌ سه‌ر بابه‌تی گرینگ، کلتووری یه‌کتر قه‌بووڵ نه‌کردن و پاوانکردنی ده‌سته‌ڵات" له‌ لایه‌ن چه‌ند که‌سێکه‌وه‌ هۆی ئه‌م جیابوونه‌وه‌یه‌ن و جه‌ختیش ده‌کرێته‌وه‌ که‌ ئه‌م هه‌ڵوێست گرتنه‌ بۆ پێشگرتن له‌ هاتنه‌ گۆڕی "به‌رخوردی فیزیکی" له‌ ناو پاکدا بووه‌. بڵاڤۆکه‌که‌ هه‌روه‌ها ئه‌وه‌ش ده‌ستنیشان ده‌کا که‌ سه‌رۆکی ئه‌و پارته‌ عه‌لی قازی، له‌م کێشانه‌ بێئاگایه‌ و داواش ده‌که‌ن که‌ ناوبراو له‌ ڕیزه‌کانی ئه‌واندا درێژه‌ به‌ خه‌بات بدات.

واژۆکه‌رانی بڵاڤۆکه‌که‌ وێرای ئاماژه‌ به‌ هه‌وڵه‌کانیان بۆ چاره‌سه‌ریی کێشه‌کان، ده‌ستنیشانی ده‌که‌ن که‌ هه‌وڵه‌کانیان بێئاکام ماوه‌ته‌وه‌ و کێشه‌کانیشیان قوڵتر بوونه‌وه‌. ناوبراوان له‌کۆتاییدا ڕاده‌گه‌یه‌نن که‌ تا گرتنی کۆنگره‌، له‌ ژێر ناوی ڕێکخراوی پێشوویاندا خه‌بات ده‌که‌ن.

ده‌قی بڵاڤۆکه‌که‌ به‌م شێوه‌یه‌:

هاونیشتمانانی خۆشه‌ویست
کوردانی ماف پێشێلکراو و وڵات داگیرکراو
وێرایی سه‌رنجدان به‌هه‌لومه‌رجی ناسکی ئه‌م قۆناغه‌ له‌خه‌باتی رزگاری خوازانه‌ی نه‌ته‌وه‌که‌مان و سه‌رنجدان به‌ ئاڵوگۆره‌ سیاسیه‌کانی جیهان و ناوچه‌که‌ هه‌روه‌ها به‌ له‌به‌ر چاوگرتنی باری ده‌روونی نه‌ته‌وه‌یی، به‌ دڵنیاییه‌وه‌ ده‌ڵێن هه‌ر جۆره‌ له‌یه‌ک دابڕانێک له‌ زه‌ره‌ری به‌رژه‌وه‌ندی گشتی و ره‌وتی به‌ره‌و پێشچوونی، ناسیۆنالیزمی کورد و یه‌کێتی ریزه‌کانی نه‌ته‌وه‌یمانه‌، به‌ڵام له‌ هه‌مان کاتدا کلتووری سه‌قه‌تی سیاسی ئه‌حزاب له‌ رۆژهه‌ڵاتی کوردستان، ده‌رفه‌تی زۆر به‌ر ته‌سک کردووه‌ بۆ بیری کۆ و به‌یه‌که‌وه‌ کارکردن له‌ پارتێکدا.

 کلتووری یه‌کتر قبووڵ نه‌کردن و پاوانکردنی ده‌سه‌ڵات له‌لایه‌ن چه‌ند که‌سێکی به‌رژه‌وه‌ند په‌رست و لکێندراو به‌گه‌نده‌ڵی و نه‌بوونی راوێژ له‌سه‌ر زۆر بابه‌تی گرینگ و چاره‌نووس ساز، کێشه‌کانی  ده‌روون حیزبی، به‌چه‌شنێک ئاڵۆز کردووه‌، که‌ به‌ده‌یان و سه‌دان مرۆڤی خاوه‌ن هه‌ڵوێست و عه‌وداڵی کوردایه‌تی له‌ پاش چه‌ندین ساڵ پێشمه‌رگایه‌تی و خه‌بات له‌ دژی داگیرکه‌ران به‌ره‌و چاره‌نووسێکی نادیار بردووه‌ .

به‌دڵنیاییه‌وه‌ ده‌لێن هه‌ر ئه‌م هۆکارانه‌ کۆسپی سه‌ره‌کین بۆ لێڵبوونی ئاسۆی به‌ره‌ی کوردستانی.

 له‌نێو پارتی ئازادی کوردستان، له‌ پێش کۆنگره‌و له‌ پاش کۆنگره‌، کۆمه‌ڵێک خه‌باتکاری دڵسۆزو خاوه‌ن ئه‌زموون بۆ چاره‌سه‌رکردنی کێسشه‌کانمان و پێشگرتن به‌دیکتاتۆری حاکم به‌سه‌ر پارتی ئازادی کوردستان ، شێلگیرانه‌و به‌ شێوازی جۆراو جۆر بۆ نه‌مانی کێشه‌کان تێکۆشاوین، که‌ ده‌رئه‌نجام به‌ هیچ ئاکامێکی ئه‌وتۆ نه‌گه‌یشتین و رۆژ له‌دوایی رۆژ کێشه‌کان قووڵترو ئاڵۆزترو بێچاره‌سه‌رتر ده‌کرا،

ئه‌م کێشانه‌ به‌راده‌یه‌ک گه‌یشتبوون، که‌ مه‌ترسی به‌رخووردی فیزیکی، ئێمه‌ی به‌ره‌و دوا ریَِگا چاره‌سه‌ر برد، واته‌ جیابوونه‌وه‌و ماڵئاوایی کردن له‌ دیکتاتۆری حاکم به‌ سه‌ر پارتی ئازادی کوردستان .

بۆیه‌ ئێمه‌ کۆمه‌ڵێک له‌ ئه‌ندامانی کۆمیته‌ی ناوه‌ندی و مه‌جلیسی گشتی و کادرو پێشمه‌رگه‌کانی پارتی ئازادی کوردستان بۆ روونه‌دانی کاره‌ساتی دڵته‌زێن و، نه‌ته‌وه‌ نائومێدکه‌ر، به‌م چه‌شنه‌ جیابوونه‌وه‌ی خۆمان له‌و پارته‌ ڕاده‌گه‌یه‌نین و تاوه‌کوو به‌ستنی کۆنگره‌ به‌ناوی رێکخراوه‌که‌ی پێشوومانه‌وه‌، که‌ رێبه‌ری هه‌میشه‌ زیندوومان (کاک سه‌عیدی یه‌زدان په‌نا) دایمه‌زراند، بۆ ڕاماڵینی داگیرکه‌ران و په‌ره‌پێدان به‌بیری ناسیۆنالیزمی کوردو گه‌یشتن به‌ سه‌ربه‌خۆی و دامه‌زراندنی ده‌وڵه‌تی  کوردی، واته‌ یه‌کێتی شۆرشگێرانی کوردستان درێژه‌ به‌خه‌بات و تێکۆشان ده‌ده‌ین .

تێبینی
1- به‌ پێویستی ده‌زانین هه‌ر له‌م راگه‌یاندراوه‌دا، بڵێن که‌ جه‌نابی کاک عه‌لی قازی محه‌مه‌د له‌و بێعه‌داله‌تی و گه‌نده‌ڵیانه‌ی ناو پاک(pak(بێئاگایه‌، که‌وابوو ئێمه‌ به‌ شانازییه‌وه‌ ئاره‌زوو مه‌ندین که‌ جه‌نابیان وه‌ک سه‌رۆکی  ruk له‌گه‌ڵ ئێمه‌ بێت.  
2- هه‌روه‌ها جێگه‌ی خۆیه‌تی  سوپاسی ئه‌و به‌رێزانه‌ بکه‌ین که‌ به‌و په‌ری سۆزو خۆشه‌ویستییه‌وه‌ هه‌وڵیاندا، بۆ ئه‌وه‌ی که‌ پارتی ئازادی کوردستان دووکه‌رت نه‌بێت. (جه‌نابی کاک مسته‌فا هیجری سکرتێری گشتی حیزبی دیموکراتی ئێران)وه‌(مه‌کته‌بی په‌یوه‌ندیه‌نیشتمانیه‌کانی پارتی دیموکراتی کوردستان جه‌نابی کاک سه‌ڵاح ده‌لۆ و جه‌نابی کاک عیسا ئه‌حمه‌د).
(جه‌نابی کاک عه‌باس مامه‌ند ئاغای سریجه ‌و جه‌نابی کاک مسته‌فا ئه‌مین ئاغا له‌ گه‌وره‌ پیاوانی عه‌شره‌تی میراوده‌لی) و جه‌نابی مامۆستا حه‌سه‌ن ئه‌یوب زاده‌ هه‌روه‌ها چه‌ند که‌سایه‌تیه‌کی رۆژهه‌ڵاتی کوردستان. 
3- به‌ پێویستمان زانی ناو پله‌ی حیزبی ئه‌و هاورێیانه‌ی که‌ جیابوونه‌ته‌وه‌ له‌م راگه‌یه‌نراوه‌دا بنووسین: 

1- دایه‌خانم دایکی رێبه‌ری هه‌میشه‌ زیندوو (کاک سه‌عیدی یه‌زدان په‌نا).

2-عومه‌ر خانی فه‌یزوڵا به‌گی باوکی شه‌هیدی رێبه‌ر سه‌عیدی یه‌زدان په‌نا.

3- فریشته‌ یه‌زدان په‌نا.

4- سۆما یه‌زدان په‌نا.

5- کوردستان زارعی.

6  - زامۆ هه‌ورامی به‌رپرسی پرسگه‌ی ناوه‌ندی.

7 - فوئاد مرادیان ئه‌ندامی مه‌جلسی گشتی و جێگری  رێکخستن.

8- شاهۆ کرماشانی ئه‌ندامی مه‌جلیسی گشتی و کادری راگه‌یاندن.

9 - سیروان ئه‌بکان ئه‌ندامی مه‌جلیسی گشتی و به‌رپرسی خوێندکارانی پاک.

10- هێمنی موکریانی ئه‌ندامی کۆمیته‌ی ناوه‌ندی و به‌رپرسی کۆمیته‌ی نیزامی.

11-  فه‌ره‌یدوون قه‌نبه‌ر وه‌یسی ئه‌ندامی کۆمیته‌ی ناوه‌ندی و به‌رپرسی کۆمیته‌ی فه‌رهه‌نگی ،

  12- فه‌رهاد مرادیان ئه‌ندامی کۆمیته‌ی ناوه‌ندی و ئه‌ندامی کۆمیته‌ی په‌یوه‌ندییه‌کان.

13 - شۆڕش ئه‌رده‌لان ئه‌ندامی کۆمیته‌ی ناوه‌ندی و کادری راگه‌یاندن

14- خه‌لیل نادری ئه‌ندامی کۆمیته‌ی ناوه‌ندی و به‌رپرسی رادیۆی ده‌نگی ئازادی.

15- سمکۆ یه‌زدان په‌نا ئه‌ندامی کۆمیته‌ی ناوه‌ندی به‌رپرسی رێکخستنی نه‌هێنی.

   16- - شوانه‌ مه‌حموودی ئه‌ندامی کۆمیته‌ی ناوه‌ندی  و به‌رپرسی په‌یوه‌ندییه‌کانی پارتی ئازادی کوردستان

هه‌روه‌ها چه‌ند هاورێیه‌کی ترمان به‌ هۆکاری ئه‌منییه‌وه‌ ناتوانین ناوه‌کانیان ئاشکراکه‌ین. 

به‌ هیوای ئه‌وه‌ی که‌ هه‌موومان راپه‌رین له‌ دژی داگیرکه‌ری و دیکتاتۆری و گه‌نده‌ڵی .
هه‌ولێر
بژی کورد بژی کوردستان
7/7 /  2007



راگه ياندني كوميته ي ناوه نديي كومه له سه باره ت به پته و تر كردني يه كريزي و يه كگرتوويي 

 کۆمیتەى ناوەندیى کۆمەڵە بە خۆشییەوە رادەگەیەنێ کە بەدواى ماوەیەک گفتوگۆى چڕوپڕ و هاوڕێیانە لەنێو سەرکردایەتیى کۆمەڵەدا، هەندێک کێشەى ناوخۆیى کە لە ماوەى مانگەکانى رابوردوودا لەسەر ئینتێرنێت و گۆڤارەکانیش دەنگیان دابووەوە، چارەسەر کراون و تەبایى و یەکریزى بەتەواوى گەڕاوەتەوە نێو ریزەکانى کۆمەڵەوە.
      لەپێناو گەیشتن بەم ئاکامەدا هەمووان لەم ماوەیەدا بە گیانى هەست بە مەسئوولییەت کردن بەدڵ و بەگیان هەوڵیان دا و بە رەچاو کردنى بەرژەوەندى باڵاى کۆمەڵە و بزووتنەوەى رزگاریخوازانەى گەلى کورد بۆ پتەوتر کردنى ئەو یەکڕیزییە تێکۆشان. هەمووان لەسەر ئەم راستییە کۆک بوون کە پێکهێنانى یەکڕیزى و یەکگرتوویى و پتەوى هەرچى زیاتر لەنێو ریزەکانى کۆمەڵەدا، مەرجى پاراستنى دەسکەوتەکان و پەرە پێدان بە رەوتى گەشە کردنى کۆمەڵە و دەستەبەر کردنى سەرکەوتنەکانى داهاتووشە.
-



ئیجلال قه‌وامی، ڕۆژنامه‌وانی کوردو ئه‌ندامی ئه‌نجومه‌نی باڵای
Rmmk
ده‌زگیر کراوه


ڕێنێسانس نیوز، سنه: "ئیجلال قه‌وامی" ڕۆژنامه‌وانی کورد، ئه‌ندامی شۆڕای به‌رزی ڕێكخراوی مافی مرۆڤی كوردستان، پاش ئه‌وه‌ی بانگهێشتی دادگای گشتی و شۆڕشی ئیسلامی سنه ده‌کرێ، ده‌زگیر و ڕه‌وانه‌ی گرتووخانه کراوه.

"ئیجلال قه‌وامی" ڕۆژنامه‌وانی کورد و له ئه‌ندامانی ده‌سته‌ی نووسه‌ڕانی حه‌وته‌نامه‌ی په‌یامی مردم و دیدگا بووه و پاش ئاڵۆزیه‌کانی هاوینی ساڵی 84 له کوردستان به تۆمه‌تگه‌لێک وه‌کو سووکایه‌تی به ویلایه‌تی فه‌قیێ، به‌شداری له کۆبوونه‌وه‌ی نایاسایی و پڕۆپاگه‌نده دژی حکومه‌ت و بڵاوکردنه‌وه‌ی بابه‌تی دوور له ڕاستی ده‌زگیر و تا ئێستا چه‌ند جار دادگای کراوه و ئێستاش ده‌گوترێ که 3 ساڵ سزای زیندانه‌که‌ی په‌سه‌ند کراوه.

له‌م ڕۆژانه‌ی دوایی دا، زانرا که سزای سێ سال گیرانی قه‌وامی له لایه‌ن دادگای پێداچوونه‌وه‌ی ره‌ژیمه‌وه په‌سه‌ند کراوه‌، به‌لام ئه‌م یه‌که‌ به پارێزه‌ری ناوبراو "دوکتۆر نیعمه‌ت ئه‌حمه‌دی" ڕانه‌گه‌یاندراوه و پاشان ئیجلال قه‌وامی بانگهێشتی دادگا کراوه و هه‌ر له‌وێوه‌ ڕاپێچی گرتووخانه کراوه.

قه‌وامی ئه‌ندامی ئه‌نجومه‌نی باڵای ڕێكخراوی مافی مرۆڤی كوردستانه و هه‌یئه‌تی به‌ڕێوه‌به‌ری كاتی ڕ.م.م.ك، نیگه‌رانی و پێ ناخۆش بوونی خۆی له ده‌زگیركردنی سه‌ره‌تا محه‌ممه‌د سه‌دیق كه‌بوودوه‌ند، سه‌رۆكی ڕێكخراوه‌كه و پاشان، ئیجلال قه‌وامی له ئه‌ندامانی شۆڕای باڵای ڕێكخراوه‌كه هه‌ر به‌م بۆنه‌وه‌ش داوا له سه‌رجه‌م هاوڵاتیان، پارت و ڕێکخراوه و ئه‌نجومه‌ن و که‌سایه‌تیه به‌شه‌ردۆست و ئازادیخواز و دێمۆکراسی خوازه‌کانی کوردستان و ئێران ده‌کات، که بۆ ئازادکردنی که‌بوودوه‌ند و قه‌وامی هه‌ول بده‌ن.




6/7/2007


ئیتلاعاتی مه‌هاباد له ڕێگه‌ی ده‌واخانه‌یه‌که‌وه‌، چالاکانی مه‌یدان و گه‌ڕه‌کی شۆڕش کۆنترۆڵ ده‌کات


ڕێنێسانس نیوز، تایبه‌ت: له به‌ره‌به‌ره‌ی نزیکبوونه‌وه‌ی ساڵه‌هاتی تیرۆری شوانه‌سه‌ید قادر، لاوی مه‌هابادی، هێزه‌کانی ئه‌منی و ئیتلاعاتی ئه‌م شاره، به مه‌به‌ستی کۆنترۆڵ، ناسینی چالاکانی کورد له‌ گه‌ره‌ک و مه‌یدانی "شۆڕش"، ده‌‌واخانه‌یه‌کیان کردۆته‌ بنکه‌ی سیخوڕی.

هه‌واڵنێرمان له مه‌هاباده‌وه ئاگاداری کردینه‌وه‌ که هێزه‌کانی ئه‌منی و ئیتلاعاتی ڕه‌ژێمی ئێران له شاری مه‌هاباد، هاوکات له‌گه‌ڵ نزیکبوونه‌وه‌ی دووهه‌مین ساڵه‌هاتی تیرۆری هه‌ژێنه‌ری "شوانه سه‌ید قادر" لاوی مه‌هابادی، ده‌ستیان داوه‌ته پیلانێکی تر بۆ کۆنترۆڵ و ناسینی چالاکانی سیاسی و به‌م بۆنه‌وه‌ ده‌اخانه‌یه‌کیان له‌ مه‌یدان و گه‌ره‌کی شۆڕشی مه‌هاباد، کردۆته‌ ناوه‌ندی سیخوڕی و کۆنترۆڵ وناسینی چالاکان.

شایانی باسه که به پێی زانیاریه‌کانی هه‌اڵنێرمان له مه‌هاباد، خاوه‌نی ده‌‌واخانه‌که‌ ئازه‌ریه‌کی خه‌ڵکی ورمێ به ناوی "دوکتۆر ڕه‌زایی"یه که بۆخۆی ئه‌ندامی چالاکی به‌سیج و ئیتلاعاتی شاره‌.





چالاکی کرێکاری سه‌قزی دادگای کران



ڕێنێسانس نیوز، سه‌قز: 5 چالاکی کرێکاری که له پشتیوانی "مه‌حموود سالحی" کۆبوونه‌وه‌ی ناڕه‌زایه‌تیان سازکردبوو و پاشان ده‌ستبه سه ر کرابوون، له سه‌قز و بێ ئاماده بوونی پارێزه‌ر دادگای کران.

به گوێره‌ی هه‌واڵێکی ڕێکخراوی مافی مرۆڤی کوردستان، "کاوه حه‌کیمی، عه‌تا و ڕه‌حیم حوسێنی، ئه‌نوه‌ر حوسێن زاده، خالید مه‌یخانی" له لایه‌ن لقی 102ی دادگای سزای سه‌قز و بێ ئاماده‌بوونی پارێزه‌ر دادگای کران.

شایانی باسه ئه‌م 5 چالاکه کرێکاریه، دوابه‌دوای گیرانی مه‌حموود ساڵحی، کۆبوونه‌وه‌یه‌کی ناره‌زایه‌تیان سازکردبوو و داوای ئازادکردنی ساڵحیان کردبوو به‌لام خۆیان له 27ی خاکه‌لێوه ده‌ستبه‌سه‌ر و ماوه‌یه ک زیندانی و به دانانی بارمته‌ی ماڵی ئازاد کرابوون.


10-Jun-07 [8:56]
کوردستانی - توركیا ده‌ورووبه‌ری ناحیه‌ی باتیفای تۆپباران كرد
  - ته‌یارعادل گۆران/ به‌رده‌ڕه‌ش - نه‌زار گولی ئه‌ندامی كارگیَڕی سه‌نته‌ری رۆشنبیری ناحیه‌ی (باتیفا) به‌ (په‌یامنێری)راگه‌یاند كه‌ هێزه‌كانی سوپای توركیا كاتژمێر PNA چواری سه‌رله‌به‌یانی دوێنێ بۆماوه‌ی دووكاتژمیر گونده‌كانی ده‌وروبه‌ری باتیفایان تۆپباران كردوه‌.
ناوبراوی گوتیشی: توركیا به‌بیانوی هه‌بوونی چه‌كدارانی (په‌كه‌كه‌) له‌ناوچه‌كه‌، تۆپبارانی ده‌ووربه‌ری گونده‌كانیان كردووه‌، به‌ڵام هیچ چه‌كدارێكی په‌كه‌كه‌ له‌و ناوچه‌یه‌ بوونی نیه‌.
سه‌رچاوه‌یه‌ ئه‌وه‌شی دووپاتكرده‌وه‌، كه‌ تۆپبارانكردنه‌كه‌ هیچ زیانی گیانی به‌دواوه‌نه‌بووه‌، به‌ڵام خه‌ڵكێكی زۆر له‌ گونده‌كانی ده‌وورو به‌ری باتیفا له‌به‌ر مه‌ترسی هێزه‌كانی توركی و تۆپبارانكردنیان ماڵه‌كانیان جێهێشتووه‌.
جێگه‌ی ئاماژه‌ پێدانه‌ كه‌ ناحیه‌ی باتیفا سه‌ربه‌قه‌زای زاخۆیه‌و ده‌كه‌وێته‌ نزیك سنوری توركیاوه‌.




شاندی‌ كۆنگره‌ی‌ نه‌ته‌وه‌كانی‌ ئێرانی‌ فێدراڵ‌: پێویسته‌ له‌ به‌رنامه‌كانی‌ به‌شی‌ فارسیی‌ VOAدا ئاڵوگۆڕ پێك بێ‌

 

20-03-1386

كوردستان میدیا: شاندێكی‌ كۆنگره‌ی‌ نه‌ته‌وه‌كانی‌ ئێرانی‌ فێدراڵ‌ له‌ ئه‌مریكا، رۆژی‌ هه‌ینی‌، 18/3/1386 (8/6/2007) سه‌ردانی‌ رادیۆ ده‌نگی‌ ئه‌مریكا (VOA)ی‌ كرد.

شاندی‌ كۆنگره‌ی‌ نه‌ته‌وه‌كانی‌ ئێرانی‌ فێدراڵ‌ چاوی‌ به‌ به‌ڕێزان ئاستێن دانفۆرت، به‌رپرسی‌ گشتیی

‌ رادیۆ ده‌نگی‌ ئه‌مریكا‌و داهیه‌ت ئیسماعیل، به‌رپرسی‌ به‌شی‌ رۆژهه‌ڵاتی‌ ناڤین‌و‌و ئاسیاسی‌ ناوه‌ندیی‌ ئه‌م رادیۆیه‌ كه‌وت.
له‌ چاوپێكه‌وتنه‌كه‌دا شاندی‌ ناوبراو له‌سه‌ر كێشه‌ی‌ نه‌ته‌وایه‌تی‌ له‌ ئێران‌و به‌شی‌ فارسیی‌ VOA‌و پێویستیی‌ پێكهاتنی‌ ئاڵوگۆڕ له‌ به‌رنامه‌كانی‌دا دوان‌و داوایان كرد له‌ به‌رنامه‌كانی‌ VOA به‌ تایبه‌ت به‌شی‌ فارسی‌دا بایه‌خێكی‌ زیاتر به‌ نه‌ته‌وه‌كانی‌ ئێران بدری‌. پاشان به‌رپرسانی‌ VOA له‌ وته‌كانیان دا پێشنیاره‌كانی‌ شاندی‌ كۆنگره‌ی‌ نه‌ته‌وه‌كانی‌ ئێرانی‌ فێدراڵیان به‌ گرینگ له‌قه‌ڵه‌م دا‌و پێكهاتنی‌ ئاڵ‌وگۆڕیان له‌ به‌رنامه‌كانی‌ به‌شی‌ فارسیی‌ VOAدا به‌ پێویست زانی‌‌و هه‌روه‌ها خوازیاری‌ درێژه‌دان به‌ چاوپێكه‌وتنه‌كان له‌م پێوه‌ندییه‌دا بوون.
دیداره‌كه‌ پاش كاتژمێر‌ونیوێك كۆتایی‌ پێ‌هات.
شایانی‌ باسه‌ له‌لایه‌ن كومیته‌ی‌ حیزبی‌ دێموكراتی‌ كوردستانی‌ ئێرانه‌وه‌ له‌ ئه‌مریكا به‌ڕێزان عه‌لی‌ قادری‌‌و جه‌ماڵ‌ عه‌بدوڵڵازاده‌ له‌ چاوپێكه‌وتنه‌كه‌دا به‌شداربوون.
راپۆرت: كومیته‌ی‌ PDKI له‌ ئه‌مریكا

 



سه رچاوه http://www.rojhelatpres.com

هێرشكردنه سه‌ر 2 په‌نابه‌ری كوردی ئێرانی له توركیه!

شه‌وی دوو شه‌ممه 4 -06-2007  دوو په‌نابه‌ری كوردی ئێرانی دانیشتووی شاری ئاكسارای له توركیه به ناوه‌كانی ئیسمائیل ئه‌زیمی و نه‌جمه‌د‌ین نووری كه بۆ دابین كردنی بژێوی ژیانی خۆیان تا دوواین كاتژمێره‌كانی شه‌و كاریان ده‌كرد له كاتی گه‌ڕانه‌وه‌یان بۆ ماڵه‌وه له لایه‌ن 5 كه‌سی نه‌ناسراوه‌وه كه به وته‌ی خۆیان به ماشینێكی سواری له شوێنیانه‌وه بووه به دار هێرشیان ده‌كرێته‌ سه‌ر و  له كاتێكیش‌دا كه په‌نایان بۆ گه‌شتی پۆلیسیش بردبوو هه‌ر له به‌ر چاوی پۆلیسه‌كانه‌وه به چه‌قو لێان ده‌ده‌ن و به سه‌ختی بریندار كران.(زياتر بخوينه وه)


کۆڕێک له‌ ژێر ناونیشانی "خۆرهه‌ڵاتی ناوه‌ڕاست له‌گه‌مه‌ی سیاسه‌تی ئه‌مریکا و ئێراندا"بۆ سکرتێری گشتی حیزبی دیموکراتی کوردستانی ئێران
m1.jpg
خۆرهه‌ڵات نیوز:
ئێواره‌ی دوێنێ (21/5/2007) له‌ له‌ کۆلێژی زانسته‌ رامیارییه‌کانی زانکۆی سه‌لاحه‌دینی هه‌ولێری پایته‌ختی کوردستان، کۆڕێک له‌ ژێر ناونیشانی "خۆرهه‌ڵاتی ناوه‌ڕاست له‌گه‌مه‌ی سیاسه‌تی ئه‌مریکا و ئێراندا"بۆ سکرتێری گشتی حیزبی دیموکراتی کوردستانی ئێران ساز درا که‌ تێیدا ئاماژه‌ی په‌یوه‌ندیی خۆیان له‌گه‌ڵ ئه‌مریکادا کرد و وه‌تی:" له‌ پێناو سه‌قامگیر کردنی دیموکراسی له‌ ناوچه‌که‌دا هاوکاری ئه‌مریکا ده‌که‌ین".

"مسته‌فا هیجری"، له‌م کۆڕه‌دا تێشکی خسته‌ سه‌ر دوایین گۆڕانکارییه‌کانی ناوچه‌که‌، گرژی ئالۆزییه‌کانی نێوان ئێران و ئه‌مریکا، داهاتووی کۆماری ئیسلامی و رۆلی کورد له‌ نێوانه‌دا ....
مسته‌فا هیجری، به‌ ئاماژه‌ی به‌ قوڵبوونه‌وه‌ی گرژی و ئاڵۆزییه‌کانی نێوان ئه‌مریکا و ئێران، رایگه‌یاند که‌ کێشه‌کان به‌ئاقاڕێکدا تێپه‌ڕ ده‌بن که‌ نه‌مانی کۆماری ئیسلامی لێده‌که‌وێته‌وه‌و ئه‌گه‌ر ده‌سه‌ڵاتدارانی ئێران پیتاندنی یۆرانیۆم رانه‌گرن، له‌ یه‌که‌م قۆناغدا هێرش ده‌کرێته‌ سه‌ر ناوه‌نده‌ ئه‌تۆمیی و سه‌ربازییه‌کانی ئێران.

سکرتێری گشتی حیزبی دیموکراتی کوردستانی ئێران، له‌مه‌ڕ رۆڵی کورد له‌ هاوکێشه‌ سیاسیه‌کانی ناوچه‌که‌ ئاماژه‌ به‌ هاوپه‌یمانی نێوان لایه‌نه‌کان کردو وتی:"به‌پێی ئه‌وه‌ی ئه‌مریکا له‌ ناوچه‌که‌دا هه‌وڵ بۆ سه‌قامگیرکردنی دیموکراسی ده‌دات ، ئه‌گه‌ر ئه‌مریکا دان به‌ مافه‌کانی کورد دا بنێ ئه‌و کات خه‌ڵکی کوردیش بڕیار ده‌ده‌ن هاوکاریی ئه‌مریکا بکه‌ن".
له‌ کۆتایی ئه‌م کۆڕه‌دا به‌شدار بووان پرسیار و بۆچوونه‌کانی خۆیان له‌مه‌ڕ وته‌کانی هیجری ده‌ربڕی و ناوبراو وڵامی ژماره‌یه‌ک له‌ پرسیاره‌کانی دایه‌وه‌.

هه‌واڵنێری خۆرهه‌ڵات نیوز به‌ رون کردنه‌وه‌ی ئه‌وه‌ی که‌ هیچ حیزبێک به‌ ته‌نیا نوێنه‌ری زۆرینه‌ی خه‌ڵکی کوردستان نییه‌ و ئه‌مریکاش ته‌نیا حیزبێکی کوردی ناکاته‌ ته‌ره‌فی حیسابی خۆی له‌ مسته‌فا هیجری پرسی: ئایا پێتان وا نیه‌ به‌ره‌یه‌کی کوردستانی ده‌توانێ ئه‌و رۆڵه‌ بگێڕێ و چیتان کردووه‌ بۆ دروست بوونی به‌ره‌ی کوردستانی؟ ئایا ئه‌گه‌ر له‌گه‌ڵ حیزبی دێموکراتی کوردستان_ئێران یه‌ک نه‌گرنه‌وه‌ ئاماده‌ن له‌ به‌ره‌ی کوردستانی دا له‌گه‌ڵیان کار بکه‌ن؟

سکرتێری گشتی حیزبی دێموکرات له‌ وڵام دا وتی: "پێویسته‌ به‌ره‌ی کوردستانی پێک بێ و کارمان بۆ کردووه‌ و دوایین کۆبوونه‌وه‌کانمان ساڵی رابردوو به‌ نێوبژیوانی دکتۆر سامان شاڵی له‌ کۆنگره‌ی نه‌ته‌وه‌یی کورد له‌ ئه‌مریکا به‌رێوه‌چوو که‌ به‌ داخه‌وه‌ براده‌رانی کۆمه‌ڵه‌ نه‌هاتن".
شایانی باسه‌ ئه‌گه‌رچی به‌شێکی زۆر له‌ پرسیاره‌کانی ئاماده‌بووان له‌ مه‌ڕ کێشه‌کانی ئه‌م دوواییه‌ی حیزبی دێموکرات بوو به‌ڵام مسته‌فا هیجری ئاماده‌ نه‌بوو له‌مه‌ڕ ئه‌م کێشانه هیچ لێدوانێک بدات و رایگه‌یاند که‌ کۆڕه‌که‌ په‌یوه‌ندی به‌و بابه‌ته‌وه‌ نییه‌.













راگةياندن بۆ بیروڕای گشتیی
 کومیته ژنانی کونگره ی نه ته وه یی کورد له ویلایه ته یه کگرتوه کانی ئه مه ریکا
 بانه مه ری  ۲۷۰۷ کوردی ۲۸ 

     وینه ی به رد باران  کرد نی کچه کوردیکی یه زیدی له شاری موسلی با کوری روژ ئاوای عیراق ، ئه و رو هه موی میدیاکانی له کاره  ساتیکی ده ل ته زین ئاگادار که رد   خاتو دوعا ۱۷ ساله به بو نهءی خو شه ویستی له گه ل کوریکی غیری یه زیدی به ده ست خزمه کانی و به شیک له دانیشتوانی ئه و  شاره له ژیان بی به ش کرا 
   ئیمه  وه ک کومیته ژنانی کونگره ی نه ته وه یی کورد له ویلایه ته یه کگرتوه کانی ئه مه ریکا د ژا یه تی خومان به رانبه ر ئه م کاره سا ته   ده ر ده به رین ، داوا له  هه مو ریکخراوه پیشکه و تو خوازه کان، هه مو  مروفی ئازادیخواز ده که ین که ده نگی ده ژایه تی خویان به  رانبه ر ئه م کا ره سا ته به رزو که ن   مو جازات کرد نی ئه و که سانه ی که ده ستیا ن به و جه نا یته داوه، مو جازاتی ئه و با وه ره کو نه ی ه که له ژیر ئالای نا مو س و شه ره ف  ما فی ژ نی کورد وه مافی ئینسانی ئازاد پی شه ل ده کات ئیمه  وه ک کومیته ژنانی کونگره ی نه ته وه یی کورد داوا له پارلیمانی کوردستان ده که ین که به داره شتنی یاسایکی ئینسانی ،وه ک  هه مو وه لا ته پیشکه و توه خوازه کانی جیهان به ر له روداوه کانی به م چه شنه به گره یت
 سو ره یا فه لاح
 به ر په رسی کومیته ژنانی کونگره ی نه ته وه یی کورد له ویلایه ته یه کگرتوه کانی ئه مه ریکا        
      



پارتی و یه‌کێتی کۆتایی به‌گرژییه‌کانی حیزبی دیموکرات دێنن
‌ ........
لێژنه‌یه‌ک له‌ئه‌ندامانی مه‌کته‌بی سیاسی پارتی و یه‌کێتی سه‌ردانی هه‌ر دوو باڵه‌که‌یان کرد و داوایان کرد، که‌ بڕیاری کۆتایی یه‌کگرتنه‌وه‌ یان جودابوونه‌وه‌ به‌راپۆرتێک بۆ لیژنه‌که‌ به‌رز بکه‌نه‌وه‌.له‌مباره‌یه‌وه‌ که‌مال که‌ریمی، ئه‌ندامی مه‌کته‌بی سیاسی حیزبی دیموکراتی کوردستان له‌لێدوانێکیدا رایگه‌یاند "پاش کۆبونه‌وه‌ی هه‌ردوو لا به‌به‌شداری مه‌سعود بارزانی سه‌رۆکی هه‌رێمی کوردستان و کۆسره‌ت ره‌سوڵ عه‌لی جێگره‌که‌ی له‌سه‌ری ره‌ش، به‌ئاماده‌بوونی وه‌فدی باڵای پارتی و یه‌کێتی کۆبونه‌وه‌یه‌کی دیکه‌مان له‌کۆیه‌ ئه‌نجامدا و هه‌ر دوو لایه‌ن داوایانکرد له‌ماوه‌ی هه‌فته‌یه‌کدا داواکاری و پێشنیاره‌کانی خۆمان به‌نوسراو پێشکه‌ش به‌سه‌رۆکایه‌تی هه‌رێم بکه‌ین".

سه‌باره‌ت به‌ئه‌گه‌ری تێکه‌ڵبونه‌وه‌شیان، که‌مال که‌ریمی گوتی "له‌کۆبونه‌وه‌ی سه‌ری ره‌ش، مسته‌فا هیجری ئاماده‌یی خۆی نیشاندا بۆ تێکه‌ڵبونه‌وه‌، به‌ڵام گرفته‌که‌مان له‌میکانیزمی تێکه‌ڵبونه‌وه‌ هه‌یه‌. له‌گه‌ڵ ئه‌مه‌شدا چه‌ند که‌سێکی ئه‌ندامی سه‌رکردایه‌تی حزبه‌که‌ی مسته‌فا هیجری ناڕازیین به‌تێکه‌ڵبونه‌وه‌و لوقمان مێهرفه‌ر و رۆسته‌م جیهانگیری ئه‌ندامانی کۆمیته‌ی ناوه‌ندی ئه‌و حزبه‌ ئاماده‌ن به‌م کاره‌".

له‌لاین خۆیه‌وه‌ عه‌بدوڵا حه‌سه‌ن زاده‌ سکرتێری حزبی دیموکراتی کوردستان له‌لێدوانێکی تایبه‌تدا ئاماژه‌ی به‌وه‌دا "له‌کۆبونه‌وه‌ی هه‌فته‌ی رابردوو رۆژی 11/4 که‌ وه‌فدی یه‌کێتی و پارتی به‌سه‌رۆکایه‌تی مه‌لا به‌ختیار و فازڵ میرانی به‌رێوه‌ چوو، بڕیار درا هه‌ردوو لایه‌ن تێبینیه‌کانی خۆمان بنوسین و له‌چه‌ند رۆژی داهاتودا ئاراسته‌ی سه‌رۆکایه‌تی هه‌رێم بکه‌ین"

له‌لایه‌کی دیکه‌وه‌ مسته‌فا هیجری له‌لێدوانێکدا رایگه‌یاند "پێده‌چێت هه‌وڵه‌کان سه‌رکه‌وتن به‌ده‌ست بهێنن بۆ یه‌کگرتنه‌وه‌ی حزب" هیجری وتیشی "به‌نیازین به‌یاننامه‌یه‌کی هاوبه‌ش بڵاو بکه‌ینه‌وه‌ بۆ ئه‌وه‌ی کۆتایی به‌گرژی نێوان هه‌ر دوو لا بهێنرێت".

Source   : http://renesans.nu/articles.php?id=2308

     عارف باوه‌جانی
وته‌کانی کاک مه‌سعوود بارزانی زۆر له‌جێی خۆیدایه‌، په‌ندێکیشه‌ بۆ داهاتووی ورمێ (ئوروومییه‌)
مه‌سه‌له‌ی بوونی چه‌ند هه‌زار تورکمه‌نێک له‌ شاری که‌رکوودا بووه‌ته‌ به‌هانه‌یه‌کی هه‌میشه‌ییی تورکیا که‌ بیهه‌وێ ده‌ست بخاته‌ ناو هه‌رێمی کوردستانه‌وه‌،به‌ڵام پارێزگایه‌کی دیکه‌ی کوردستان هه‌یه‌ که‌ له‌ داهاتوودا تورکیا زۆر زیاتر بیانوو به‌و به‌شه‌ی کوردستانیش ده‌گرێت که‌ ئه‌ویش پارێزگای ورومێ و ده‌وروبه‌ره‌.ئۆرومییه‌ به‌ هه‌موو پێناسه‌یه‌کی مێژووییه‌وه‌ ده‌یسه‌لمێنی که‌ شارێکی کوردستانییه، به‌ڵام نكۆڵی له‌وه‌ ناکرێت که‌ له‌ مێژ ساڵه‌ تورکی ئازه‌ربایجانی بنده‌ستی ئێرانیش له‌و پارێزگایه‌ ده‌ژین،




پێنج که‌س له‌ ئه‌ندامانی سه‌رکردایه‌تیی کۆمه‌ڵه‌ی شۆڕشگێڕی زه‌حمه‌تکێشانی کوردستانی ئێران له‌ بڵاڤۆکێکدا بۆ ڕای گشتی، ده‌ستبه‌کاربوونی خۆی بۆ چاکسازی له‌ ناو ڕیزه‌کانی کۆمه‌ڵه‌دا ڕاگه‌یاند.

له‌ لێدوانێکدا که‌ به‌ ئیمزای ڕه‌زا که‌عبی، ناسری حیسامی، عومه‌ر ئیلخانی زاده‌، جه‌میله‌ی ڕه‌حیمی و نه‌ویدی مێهر ئاوه‌ر بڵاو کراوه‌ته‌وه‌، وێڕای باسێکی گشتی له‌مه‌ڕ کێشه‌کانی ناو کۆمه‌ڵه‌، ده‌ستنیشان کراوه‌ که‌ ڕه‌وتی ساغ کردنه‌وه‌ی کۆمه‌ڵه‌، سه‌ره‌ڕای ئه‌وه‌ی "له‌ بواری سیاسییه‌وه‌ سه‌رکه‌وتنی گه‌وره‌ی به‌ ده‌ست هه‌ڵێناوه"‌، به‌ڵام له‌ بواری ڕێکخستنییه‌وه‌ نه‌یتوانیوه‌ به‌و شێوه‌یه‌ به‌ره‌و پێش لێره‌ ده‌قی بڵاڤۆکه‌که‌ بخوێنه‌و






» با داوای دلسۆزانه‌ی سه‌رۆکی هه‌رێم به‌جێ بێنین

مسته‌فا شڵماشی
به‌پێی ڕاگه‌یه‌نراوی ڕۆژی ٦/٤/٢٠٠٧ ی کۆ میسیۆنی ڕاگه‌یاندنی حیزبی دێموکڕاتی کوردستان و ڕاگه‌یاندنی٧/٤/٢٠٠٧ ی سکرتاریای حیزبی دێمو کڕاتی کوردستانی ئێران، سه‌رۆکایه‌تی هه‌رێم ڕۆژی ٣/٤/٢٠٠٧ له ‌هاوینه‌هه‌واری سه‌لاحه‌دین، کۆبونه‌وه‌یه‌کی هاوبه‌شی له‌گه‌ڵ به‌ڕێزان مامۆستا عه‌بدوڵڵا حه‌سه‌نزاده‌ و کاک مسته‌فا هیجری پێک هێناوه ‌و داوای لێکردوون یه‌ک بگرنه‌وه ‌و له ‌چوارچێوه‌ی یه‌ک حیزبدا پێکه‌وه‌کار بکه‌ن.


بۆ بیروڕای گشتیی

 
بانگه‌واز
ئه‌ندامان، لایه‌نگران، کادر و پێشمه‌رگه‌کانی حدکا (هه‌ردوو به‌ش)
چوار مانگ به‌ سه‌رئینشعاب له‌ ح.د.ک.ا  تی ده‌په‌رێ. له‌و نووسراوه‌دا ناچمه ‌سه‌ر ئه‌ومه‌سه‌‌له‌ که‌ ئه‌گه‌ر چ بکرایه‌ و چ نه‌کرایه ‌ده‌یتوانی به‌رگری له‌ ئینشعاب له‌ حیزبدا بکا. به‌ داخه‌وه‌ ئه‌وه‌ی که‌ نه‌ده‌بوا رووبدا، روویداوه‌. ئاسه‌واری کورتخایه‌نی ئه‌م رووداوه‌ بریتی بووه‌ له‌ لاوازبوونی هێزو تواناکان له‌ لایه‌ک و له‌ لایه‌کی دیکه‌شه‌وه‌ له‌باری سایکۆلۆژییه‌وه‌ ئاسه‌واری نێگاتیفی له‌سه‌ر خه‌ڵکی کورد به‌ گشتی و کوردی رۆژهه‌ڵاتی کوردستان به‌ تایبه‌تی  داناوه‌. ئیتر له‌وه‌ گه‌ڕێین ‌ دوژمن چه‌نده‌ خه‌ونی به‌ رۆژێکی واوه‌ ده‌دی که درز بکه‌وێته‌ ریزی بزووتنه‌وه‌
زیاتر بخوینه وه


عه‌بدوڵا موهته‌دی: پ.ک.ک و پژاک له‌گه‌ڵ شه‌یتان مامه‌ڵه‌ ده‌که‌ن؛ مافیا، عه‌شیره‌تگه‌را و ستالنیستن!
ڕێنێسانس نیوز؛ تایبه‌ت
:
سکرتێری کۆمه‌له‌ی شۆڕشگێڕی زه‌حمه‌تکێشانی کوردستانی ئێران عه‌بدوڵا موهته‌دی له‌ وتووێژێکدا له‌ گه‌ڵ ڕۆژنامه‌نووسی سه‌ربه‌خۆ Michael J. Tottenکه‌ له‌ بنکه‌ی ئینته‌رنێتی میدڵ ئیست چوڕناڵدا بڵاو کراوه‌ته‌وه‌ ڕاده‌گه‌یه‌نێ که‌ پژاک هه‌ر پ.ک.ک یه‌ و کاتێک له‌ سنووره‌کانی تورکیا چوونه‌ دیوی ئێران ناوی خۆیان ده‌گۆڕن. ناوبراو له‌و وتووێژه‌دا وێڕای ئاماژه‌ به‌وه‌ی که‌ پ.ک.ک ڕێکخراوێکی باوه‌ڕ پێکراو و جێگای متمانه‌ نییه‌ ده‌ستنیشانی ده‌کا که‌ ئه‌وان نادێموکراتیکن و هیچ پره‌نسیبێکیان نییه‌.

موهته‌دی له‌ درێژه‌ی باسه‌که‌یدا له‌ گه‌ڵ ڕۆژنامه‌ووسی ناوبراو جه‌خت له‌سه‌ر ئه‌وه‌ ده‌کاته‌وه‌ که‌ پ.ک.ک هێرشیان کردۆته‌ سه‌ر کوردانی سه‌رجه‌م پارچه‌کانی کوردستان و له‌گه‌ڵ ڕژیمه‌کانی ئێران، سووریا و ئێڕاقدا ( سه‌رده‌می سه‌دام حوسێن) په‌یوه‌ندییان هه‌یه‌ و هه‌بووه‌.

 

ئه‌مه‌ی خواره‌وه‌به‌شێک له‌ وتووێژێکه‌ که‌ ڕۆژنامه‌نووسی سه‌ربه‌خۆ Michael Tottenله‌گه‌ڵ سکرتێری کۆمه‌ڵه‌ی شۆڕشگێڕی زه‌حمه‌تکێشانی کوردستانی ئێران عه‌بدوڵا موهته‌دی کردوویه‌تی و له‌ بنکه‌ی ئینته‌رنێتی Middle East Journalبڵاو بۆته‌وه‌. وتوێژه‌که‌ له‌ سه‌ر چه‌ند ته‌وه‌ره‌ی جیاوازی وه‌ک: دامه‌زرانی کۆمه‌ڵه‌، مێژووی خه‌باتی عه‌بدوڵا موهته‌دی وه‌ک که‌سایه‌تیی سیاسی، په‌یوه‌ندی کۆمه‌ڵه‌ له‌ گه‌ڵ ڕێکخراوه‌ چه‌په‌کان و ... هتد کراوه‌. ئێمه‌ له‌به‌ر نه‌بوونی کات بۆمان نه‌کرابه‌شه‌کانی دیکه‌ی ئه‌و وتووێژه‌ وه‌رگێڕین.

 ...

م.ج.ت: ئێوه‌ سه‌باره‌ت به پژاک (باڵی ئێرانی پارتی مارکسیستـ لێنینیستی کرێکارانی کوردستان، پ.ک.ک له تورکیا) چۆن بیرده‌که‌نه‌وه؟ ئایا ئه‌مان به‌شێکنله‌م خه‌ڵکه‌ی که ئێوه‌ باستان کرد؟ یا خود ئه‌وان،  پاپیوله‌ر(خۆشه‌ویست؛ مه‌حبووب)ترن له‌م یه‌که‌ش؟

موهته‌دی:نا، نا ، نا. ئه‌وانپاپیوله‌رنین. ئه‌وان به‌شێکن له پ.ک.ک. کاتێک سنوور ده‌رباز ده‌که‌ن، ( له‌ تورکیاوه‌) ناوه‌که‌یان ده‌گۆڕن.

کێشه‌ له‌گه‌ل پ.ک.ک‌یه...مه‌به‌ستم. گه‌لی زه‌حمه‌تکێشی کورد، هه‌ر مافێکی هه‌یه تاکو شه‌ڕو به‌ربه‌ره‌کانی بکات بۆ گه‌یشتن به ئازادی. به‌ڵام پ.ک.ک، ڕێکخراوێکی باوه‌ڕپێکراو و جێگه‌ی متمانه نییه. ئه‌وان گه‌لێک توندڕۆن له هه‌ستی نه‌ته‌وه‌په‌رستیاندا.(ناسیۆناڵیستی فاناتیک). له بنه‌مادا زۆر نادێموکراتن و هیچ پڕه‌نسیپێکیان نییه. یانی ئه‌وان ده‌توانن ته‌نانه‌ت له‌گه‌ڵ شه‌یتانیش  مامه‌ڵه‌ بکه‌ن و پێکدێن. ئه‌وان ده‌توانن هێرش بکه‌نه سه‌ر کوردانیش.

م.ج.ت: ئه‌وان پێشتر هێرشی کوردانیان کردووه؟

موهته‌دی:به‌ڵێ. ئه‌وان هێرشیان کردۆته سه‌ر کوردان. ئه‌وان هێرشی زۆرتریان کردۆته سه‌ر کوردان تا ده‌گا به تورکیا. کاتێک ئێوه مێژووی پارتی کرێکارانی کوردستان ده‌خوێننه‌وه، ده‌بینن که ئه‌وان دژایه‌تی هه‌ر چه‌شنه جوڵانه‌وه‌یه‌کی سه‌ربه‌خۆ و ته‌نیای کورد له سه‌رجه‌م پارچه‌کانی کوردستان ده‌که‌ن. له هه‌مان کاتیشدا، ئه‌وان پێوه‌ندی باش و دۆستانه‌یان هه‌یه له‌گه‌ڵ (حکومه‌تی) سه‌رجه‌م ئه‌م وڵاتانه‌ی که کوردی تێدا ده‌ژیت، له‌م وڵاتانه‌ی که کورد تێیدا، زوڵمی لێده‌کرێ و ئازار ده‌درێ.

ئه‌‌وان(پ.ک.ک)، له‌گه‌ڵ "حافز ئه‌سه‌د" له سوریا، ڕه‌ژیمی "خومه‌ینی" له ئێران، پێوه‌ندی و دۆستایه‌تیان هه‌بووه. ئه‌وان پشتیوانی سه‌ددامیان کردووه له ساڵی 1996 دا.

 م.ج.ت: که‌وابوو، به‌ڕاستی تورکیا ته‌نیا وڵاتێکه که ئه‌وان پێوه‌ندی باشیان له‌گه‌ڵی نییه.

موهته‌دی:به‌ڵێ

 ڵاسوێڵ: به‌ڵام ئه‌وان هیچی تریان جگه له شاخه‌کان نییه و ته‌نیا وه‌کو هێزێک که‌ڵک له شاخ وه‌ڕده‌گرن.موهته‌دی:به‌ڵێ. ئه‌وان زۆر ته‌ماحکارن.

 ڵاسوێڵ: ئه‌و که‌سانه‌ی که له خواره‌وه‌ی جاده‌که‌ن (مه‌به‌ست له‌م که‌سانه، به‌شی دابڕاوی حیزبی کۆمۆنیسته: کۆمه‌ڵه) ده‌ڵێن که پ.ک.ک پاره‌ی زۆری هه‌یه.

موهته‌دی:ڕاسته. هه‌یانه.

 م.ج.ت: ئه‌وان ئه‌م پاره‌یه‌ له کوێ دێنن؟ ئه‌وان (پ.ک.ک) ئه‌م پارانه له‌م ڕه‌ژیمانه وه‌رده‌گرن(ئێران، سوریا و عێراق)؟

موهته‌دی:کۆمه‌ڵگای کوردی- تورکی له ئه‌ورووپا ڕێژه‌یه‌کی زۆریان هه‌یه. وه‌کو کوردانی باشوور نین که ته‌نیا چه‌ند هه‌زار که‌سن، به‌ڵکو ئه‌وان (کوردانی باکوور له ئه‌ورووپا)، ده‌یان هه‌زار و به میلیۆن که‌سن، پ.ک.ک له‌م خه‌ڵکه، ماڵیات(یارمه‌تی) ده‌ستێنێ. ئه‌ان به زۆری ئه‌م یارمه‌تییه له خه‌ڵک ده‌ستێنن. کوردان له ئه‌ورووپا له هه‌ر ئیشێک کار بکه‌ن، ناچارن که یارمه‌تیان بده‌ن.

 م.ج.ت: که‌وابوو، ئه‌وان مافیایه‌کن له ئه‌ورووپا.

موهته‌دی:به‌ڵێ. منیش له سه‌ر ئه‌م بڕوایه‌م. به‌داخه‌وه، به‌م شێوه‌ن. ئه‌وان بنکه‌یان له خاڵه سنوورییه‌کانی نێوان ئێران و تورکیا هه‌یه. ئه‌وان هاوکاری خه‌ڵک ده‌که‌ن بۆ قاچاغ و له‌ به‌رانبه‌ریش دا پاره‌یان لێده‌ستێنن. ئه‌وه‌ش سه‌رچاوه‌یه‌که‌ی مه‌زنی ئابووریه.

ئایدیالۆژی پ.ک.ک، تێکه‌ڵێکه له ستالینیسم، عه‌شیره‌گه‌رایی کوردی و باوکسالاری(پاتریارشالیسم) .

م.ج.ت: من وا بیر ده‌که‌مه‌وه که ئه‌وان دژ به عه‌شیره‌تگه‌رایین.

موهته‌دی:ئه‌وان که‌ڵکیان له که‌لتووری عه‌شیره‌یی وه‌رگرتووه. ئه‌وان ته‌له‌فۆنی مۆبایلیان هه‌یه، بێ سیمیان هه‌یه، بنکه‌ی سه‌ته‌لایتیان هه‌یه. به‌ڵام من له سه‌ر ئه‌م بڕوایه نیم که به مانای ڕاسته‌قینه‌ی خۆی پارتێکی مۆدێرن بن. وه‌کو مافیان. مافیا له هه‌ست و سیما دا مۆدێرنه. به‌ڵام مافیا که‌ڵک و به‌هره‌ی له که‌لتووری چاخی ناوینی ئیتالیا وه‌رگرتووه. پێوه‌ندی بنه‌ماڵه‌یی و خزم و که‌سی. وه‌فاداری خانه‌واده‌یی.

پ.ک.ک شه‌ری له‌گه‌ڵ تورکیا ده‌ستپێ نه‌کرد تاکو سه‌ڕجه‌م پارت و بزووتنه‌وه‌کانی تری کوردی له باکووری کوردستان له‌ مه‌یدان به‌ده‌ر نه‌کرد و که‌ش و هه‌وایه‌کی مۆنۆپۆلی(تاکده‌سته‌ڵاتی) ساز نه‌کرد.

م.ج.ت: گه‌لۆ ئێوه هیج پێوه‌ندیه‌کتان به پ.ک.ک‌وه هه‌یه؟

موهته‌دی:به‌ڵێ هه‌مانه. ئێمه پشتیوانییه‌کی مه‌عنه‌ویان لێده‌که‌ین. به‌ڵام ئێمه به‌رده‌وام مه‌رجگه‌لێکمان هه‌یه. جار هه‌یه، ئه‌وان ده‌که‌ونه ژێر گووشاری کورده‌کانی عێراق و ئێمه‌ش هه‌وڵمان داوه که له ناویاندا نێوبژیوانی بکه‌ین. ئێمه به‌رده‌وام یارمه‌تیان ده‌که‌ین به ڕێزه‌وه. به‌ڵام ئێمه‌ به‌م قه‌ناعه‌ته گه‌یشتووین که پ.ک.ک جێگه‌ی متمانه نییه. ئه‌وان هیچ پره‌نسیپێک، دۆستایه‌تیه‌ک، کۆنتراست و به‌هایه‌کیان نییه. به‌ڵکو ئه‌وه‌ قه‌زاوه‌تێکی توند و ویشک بێت که من ده‌یکه‌م، به‌ڵام ...

 م.ج.ت: باشه من له‌گه‌ڵ بۆچوونه‌که‌ی ئێوه‌م. به‌ڵام له سه‌ر ئه‌م بڕوایه‌ نیم که به توندی بزانم. به‌ڵکو ته‌واو وه‌کو یه‌ک نه‌بن. به‌ڵام من وا بیر ده‌که‌م که ئه‌و بۆچوونه ڕاسته.

موده‌ڕڕه‌سی:ئه‌وان قه‌ت بڕوایان به پلۆرالیسم نه‌بووه.

موهته‌دی:پ.ک.ک له ژێر ناوی بزوتنه‌وه‌ی کوردی هه‌وڵی له‌ناوبردنی (له مه‌یدان به‌ده‌ر کردنی)هه‌ر که‌س ده‌دات.

 م.ج.ت: ئه‌وه من دێنێته سه‌ر ئه‌م ڕوانگه‌یه که ئه‌وان وه‌کو مافیان. به‌ڵام ئه‌وان ناوێکیان له‌سه‌ره که به چه‌پگه‌را ناسیاویان ده‌کات.

موهته‌دی:ئه‌وان تاقمێک ئیده و مێتۆدی سازمانیان له بیرۆکه‌ی چه‌پ گرتووه.  به‌ڵام ته‌نیا وه‌کو که‌ره‌سه‌یه‌ک. ئه‌وان ژێنی ڕاسته‌قینه‌ی چه‌پیان له ناوه‌ڕۆک دا نیه. من ده‌ڵێم، که ئێوه‌ مومکینه چه‌پی‌ بن. هه‌رچی بێ، تاقمێک به‌ها هه‌ن.

 م.ج.ت: ڕاسته. تێده‌گه‌م.

An interview with Mr. Abdullah Mohtadi , Secretary General of Komala



               شه‌سته‌مین ساڵیدادی له‌سێداره‌دانی پێشه‌وا و هاوڕیانی
          له‌ به‌ره‌به‌یانی‌ ‌ 10ی‌ خاكه‌لێوه‌ی‌ ساڵی‌ ‌ 1326ی‌ هه‌تاوی (1947.3.30 زایینی) ‌دا پێشه‌وا قازی‌, حه‌مه‌حوسێن خان‌ سه‌یفی‌ قازی‌(ئامۆزای‌ پێشه‌وا) ‌و ئه‌بولقاسم‌ سه‌دری‌ قازی‌( برای‌ پێشه‌وا) به‌ دوای‌ حوكم دران له‌دوو دادگای‌ ناعادلانه‌‌و فه‌رمایشی‌دا به‌ده‌ستی‌ چه‌په‌ڵی‌ دوژمنانی‌ گه‌لی‌ كورد له‌ چوارچرای‌ شاری‌ مه‌هاباد, واته‌ هه‌ر له‌و شوێنه‌ی‌ كه‌‌ ‌‌ 2ی‌ رێبه‌ندانی‌ 1324هه‌تاوی(1946.1.22زایینی) دا كۆماری‌ كوردستانی‌ لێ‌ راگه‌یه‌ندرابوو, له‌ سێداره‌ دران‌و شه‌هید كران‌و هه‌ر ئه‌و رۆژه‌ له‌سه‌ر شان‌و پیلی‌ خه‌ڵكی‌ به‌ شه‌ڕه‌فی‌ مه‌هاباد له‌ گۆرستانی‌ مه‌لا جامی‌ به‌ خاكی‌ پیرۆزی‌ نیشتمان سپێردران.


 "من له‌ زووه‌وه‌ خۆم بۆ ئه‌وه‌ ئاماده‌ كردوه‌, به‌ باوه‌شی‌ ئاواڵه‌وه‌ پێشوازی‌ له‌و مردنه‌ سه‌ربه‌رزانه‌یه‌ ده‌كه‌م كه‌ له‌ رێگای‌ ئازادیی‌ میلله‌ته‌كه‌م دا ده‌كوژرێم. ئه‌وه‌ به‌ڵێنێكه‌ كه‌ به‌ نه‌ته‌وه‌كه‌مم داوه‌ له‌گه‌ڵیان بژیم‌و بۆ ئه‌وانینیش بمرم,

08:16 : وه‌شاندن
به‌یاننامه‌ى كۆتایی فیستیڤاڵی پێشه‌وا قازى محه‌مه‌د



KTV .. سه‌رچاوه‌یه‌ك له‌ وه‌زاره‌تى رۆشنبیری حكومه‌تى هه‌رێمى كوردستان رایگه‌یاند : ئێواره‌ى 05 / 04 / 2007

 فیستیڤاڵی ( كۆمارى كوردستان ) ، له‌ هۆڵی رۆشنبیری كۆتایی پێ هات . دوا بڕگه‌ ، پیشاندانى شانۆی ( شه‌رمۆل ) ئاماده‌كردنى تیپی ( سه‌یر و مه‌سه‌ل ) كه‌ كۆمه‌ڵێك له‌ گه‌نجانى باكوور له‌ ئه‌سته‌موول پێشكه‌شیان كردوه‌ ، كه‌ یه‌كه‌مین جاره‌ ، سه‌ر له‌ هه‌ولێر ده‌ده‌ن .

فیستیڤاڵی ( كۆمارى كوردستان ) به‌ پێشنیار و پشتگیرى سه‌رۆك بارزانى ، سه‌رۆكى كوردستان ، و له‌ ژێر چاودێری به‌ڕێزیان رێكخرا ، و له‌ لایه‌ن وه‌زاره‌تى رۆشنبیری حكومه‌تى كوردستان ، جێ به‌ جێ كرا ، رۆژی 04 / 04 / 2007 له‌ ته‌لارى تازه‌ى وه‌زاره‌ت ده‌ستی پێكرد ، له‌ به‌ر پچڕانى كاره‌با ، ئێواره‌ى 05 / 04 بۆ هۆڵی رۆشنبیری گواستییه‌وه‌ .
به‌ ئاماده‌بونى نوێنه‌رى به‌ڕێز سه‌رۆك تاڵه‌بانى و به‌ڕێز سه‌رۆك بارزانى و بنه‌ماڵه‌ى پێشه‌وا قازى و وه‌زیران و په‌رله‌مانتاران و نوێنه‌رانى حزب و لایه‌نه‌كان و نوسه‌ران و روناكبیران گشت پارچه‌كانى كوردستان و ئه‌وروپا و ئه‌مریكا ، به‌ڕێز وه‌زیری رۆشنبیری به‌ خێر هاتنى كردن .
له‌ دو بڕگه‌دا ، فیستیڤاڵه‌كانى رۆژی هه‌وه‌ڵ به‌ڕێوه‌چوو .
یه‌كه‌م وتارى نوێنه‌رانى به‌ڕێز تاڵه‌بانى و به‌ڕێز بارزانى و وتارى به‌ڕێز سه‌رۆكى په‌رله‌مان و بنه‌ماڵه‌ى پێشه‌وا قازى له‌ لایه‌ن به‌ڕێز عه‌لی قازییه‌وه‌ ، ئه‌مجا وتارى دایكى شه‌هیدان و كۆمه‌ڵێك بروسكه‌ و نامه‌ خوێنرانه‌وه‌ .
دووه‌م پیشاندانى فلیمێكى كۆنى هه‌ندێ لایه‌نى ژیانى كۆمارى كوردستان و شانۆنامه‌یه‌ك ده‌رباره‌ى داداگاى پێشه‌واى شه‌هید و به‌رگرییه‌ بوێرانه‌كه‌ى ، ئه‌مجا بڕگه‌یه‌ك له‌ موزیكى ( چه‌مه‌رى ) كه‌ یه‌كه‌مین جاره‌ به‌و جۆره‌ پێشكه‌ش ده‌كرێ ، هونه‌رێكى ره‌سه‌نى كۆنى كورده‌وارى كرماشان و باشوورى كوردستانه‌ ، له‌ بۆنه‌ى شه‌هید و كۆچكردنى گه‌وره‌ مرۆڤه‌كان ئه‌نجام ده‌درێت .
رۆژی دووه‌م ، 05 / 04 / 2007 ، بۆ سه‌مینارێكى تێر و ته‌سه‌ل ته‌رخان كرا ، رووناكبیران و شاره‌زایان به‌شدارى وتنه‌وه‌ى لێكۆڵینه‌وه‌ و وتاره‌كانیان بوون و ژماره‌یه‌كى ئاماده‌بوان به‌شدارى لێكدانه‌وه‌ و گفتوگۆ بوون ، له‌ باره‌ى لایه‌نه‌ جۆر به‌ جۆره‌كانى كۆمارى كوردستان و خه‌بات ژیانى پێشه‌وا قازى محه‌مه‌د و بارزانى و بارى كوردستان له‌و سه‌رده‌مه‌دا . كه‌ جیا له‌ بیر و رای حزبی و سیاسی نوێنه‌ران له‌ گشت پارچه‌كانه‌وه‌ به‌شدارى بوون .
ئه‌مه‌ و له‌ فیستیڤاڵه‌كه‌دا نزیكه‌ى 1400 كتێب و به‌ڵگه‌نامه‌ى دانسقه‌ى كتێبخانه‌ى تایبه‌تی پێشه‌وا قازى پیشاندرا ، كه‌ له‌ لایه‌نى بنه‌ماڵه‌ى قازییه‌وه‌ پارێزراوه‌ بوو ، و به‌ هاوكارى به‌ڕێز عه‌لی قازى به‌ هه‌ولێر گه‌یه‌ندرا و له‌ ئاینده‌دا ده‌خرێته‌ كتێبخانه‌ى نیشتمانى كوردستان ، بۆ پاراستن .

به‌م بۆنه‌یه‌وه‌ ، له‌ راگه‌یاندنى كۆتاییدا ، سوپاسی هه‌موو ئاماده‌بووان و به‌شداربووان كرا ، به‌ تایبه‌تى :

- سوپاس بۆ به‌ڕێز سه‌رۆك تاڵه‌بانى ، سه‌رۆكى كۆمارى عێراقی فیدڕاڵ كه‌ به‌ نامه‌ و به‌ ئاماده‌بونى نوێنه‌رى به‌ڕێزیان به‌شدار بوو .
- سوپاس بۆ به‌ڕێز سه‌رۆك بارزانى ، سه‌رۆكى كوردستان ، كه‌ پێشنیار و چاودێری و پشتگیری فیستیڤاڵه‌كه‌ى كرد و به‌ نامه‌ و ئاماده‌بوونى نوێنه‌رى به‌ڕێزیان به‌شدار بوو .
- سوپاس بۆ به‌ڕێزان سه‌رۆكى په‌رله‌مان و سه‌رۆكى حكومه‌تى هه‌رێم و پارێزگاى هه‌ولێر ، نوێنه‌رانى حیزب و هێزه‌ سیاسییه‌ كوردستانییه‌كانى گشت پارچه‌كان و رووناكبیران و هونه‌رمه‌ندان و یه‌كێتى نوسه‌ران و مامۆستایانى زانكۆكان و میوانانى به‌ڕێز كه‌ له‌ پارچه‌كانى دیكه‌ و ئه‌وروپا و ئه‌مریكاوه‌ هاتبوون .
- سوپاس بۆ ئاماده‌بووانى ئه‌ندامانى بنه‌ماڵه‌ى پێشه‌وا قازى و نوێنه‌رانى حیزبه‌كانى رۆژهه‌ڵات و سوپاسى زیاد بۆ هاوكارى به‌ڕێز عه‌لی قازى و بنه‌ماڵه‌ى شه‌هید قازى بۆ گه‌یاندنى كتێبخانه‌ى تایبه‌تى پێشه‌وا به‌ هه‌ولێر .

له‌ كاتى خوێندنه‌وه‌ى وتاره‌كان و گفتوگۆ ، چه‌ندین پێشنیار و راسپارده‌ هاتنه‌ باسكردن ، كه‌ جێگه‌ى بایه‌خدانن :

1 � رۆژی 2ى رێبه‌ندان ( 22 ك2 ) ، له‌ كاتى هه‌ڵكردنى ئاڵا له‌ مه‌هاباد ساڵی 1946 ، هه‌ر كوردێك له‌ هه‌ر كوێ بێت ، هه‌ڵسێته‌ سه‌ر پێ بۆ سڵاو و رێز له‌ ئاڵاى یه‌كه‌م كۆمارى كوردستان و چه‌ند پێشنیاری دیكه‌ له‌و باره‌وه‌ .
2 � بیركردنه‌وه‌ له‌ رێكخستنى جۆره‌ ( خزمه‌تێكى ئاڵا و نیشتمان ) به‌وه‌ى ورده‌ ورده‌ هه‌وڵ بده‌ین كه‌ هه‌ر گه‌نجێكى كیژ و كوڕ له‌ ته‌مه‌نێكى دیاریكراودا ، بۆ چه‌ندین مانگ بخرێته‌ به‌ر خزمه‌تى پێشمه‌رگایه‌تى ( سه‌ربازى ) به‌ شێوه‌یه‌كى كورده‌وارى ، بۆ راهێنانى جه‌سته‌ و رۆح و به‌هێزكردنى نه‌وه‌ى تازه‌ و خوێندنى وانه‌ى جوگرافیا و مێژوو و زمان و كه‌له‌پوور و هونه‌رى كوردى و مێژووى شارستانى له‌ سه‌ر ئه‌م خاكه‌ .
3 � پێشنیارى ناوه‌ندێك یا ئه‌نیستیتۆی زانستى تایبه‌ت به‌ مێژووى كورد و كوردستان به‌ گشتى ، به‌ تایبه‌تى بزوتنه‌وه‌ى هاوچه‌رخی رزگاریخوازى كوردستان .
4 � به‌ستنى سه‌مینارى زانستى تایبه‌ت به‌ لێكۆڵینه‌وه‌ى مێژوویى و سیاسی له‌م یه‌ك دوو سه‌ده‌ى دواییدا .
5 � په‌له‌كردن له‌ دامه‌زراندنى كتێبخانه‌ى نیشتمانى میللی بۆ پاراستنى ئه‌رشیف و به‌ڵگه‌نامه‌ى كه‌له‌پوورى شۆڕش و راپه‌ڕینه‌كان و نووسه‌ر و سه‌ركرده‌ مه‌زنه‌كانى كورد .
6 � وه‌زاره‌تى رۆشنبیری وتار و لێكۆڵینه‌وه‌ و به‌ڵگه‌نامه‌كانى ئه‌م فیستیڤاڵه‌ كۆده‌كاته‌وه‌ و به‌ چاپى ده‌گه‌یه‌نێ ، هه‌روه‌ها بابه‌ته‌ هونه‌رییه‌كان به‌ شێوه‌یه‌كى جوان ده‌خاته‌ به‌ر ده‌ستى هاووڵاتیانى خۆشه‌ویست .
7 � هه‌ست ده‌كه‌ین كه‌ رۆشنبیران و چالاكه‌كانى بوارى خه‌باتى رزگارى كوردستان ، به‌ گشتى ئاره‌زوو مه‌ندن ، تا ئه‌و جۆره‌ كۆبوونه‌وه‌ هه‌مه‌ لایه‌نه‌ نه‌ته‌وه‌ییانه‌ به‌رده‌وام ببێ و فراوانتر بكرێت .
8 � پێشنیار كه‌ دوو رۆژی ( 2ى رێبه‌ندان / هه‌ڵكردنى ئاڵای كوردستان ) و ( 10ى خاكه‌لێوه‌ / رۆژی شه‌هیدبونى پێشه‌وا و هه‌ڤاڵانى ) ، به‌ ره‌سمى وه‌كو پشوو ناو بنرێن و په‌رله‌مان و حكومه‌تى كوردستان ، هه‌وڵ بده‌ن بۆ رێكخستنى ئه‌و بڕیاره‌ .

شایه‌نى باسه‌ ، به‌و بۆنه‌یه‌وه‌ وه‌زاره‌تى رۆشنبیری دوو كتێبی له‌ چاپ دایه‌وه‌ ده‌رباره‌ى ژیانى پێشه‌واو خه‌باتى داداگایكردنى ، هه‌روه‌ها كۆمه‌ڵێك پۆسته‌ر و مه‌دال و دیاری بۆ میوانه‌ به‌ڕێزه‌كان دروست كرد .
به‌ خۆشحاڵییه‌وه‌ ، فیستیڤاڵه‌كه‌ به‌ ئارامى و هێمنى و بێ هیچ گرفتێك به‌ ڕێوه‌چوو ، سوپاسی حكومه‌تى كوردستان و پارێزگاى هه‌ولێر و هه‌موو داموده‌زگا په‌یوه‌ندداره‌كانى ئاسایش و پۆلیس و به‌ڕێوه‌به‌رایه‌تیه‌كان و گشت ئه‌و هێز و لایه‌نانه‌ى كه‌ پشتگیرییان لێكردین .
هه‌روه‌ها سوپاسی میدیاكان ده‌كه‌ین به‌ تایبه‌تى ktv ، كه‌ رۆژی یه‌كه‌م راسته‌وخۆ به‌رنامه‌كانى فیستیڤاڵه‌كه‌ى په‌خش كرد ، و سوپاسی گشت میدیاكانى دیكه‌ ده‌كه‌ین كه‌ بایه‌خیان به‌م بۆنه‌یه‌ داوه‌ .




دکتۆر سامان شاڵی : کشانه‌وه‌ی پێشوه‌خته‌ی ئه‌مریکا گه‌وره‌ترین هه‌ڵه‌ی وڵاته‌که‌ ده‌بێ له‌م سه‌ده‌یه‌دا

www.kurdistanonline.net
KOnline / له‌ باره‌ی په‌یوه‌ندی ئه‌مریکا به‌ جێبه‌جێکردنی ماده‌ی 140 و کشانه‌وه‌ی پێشوه‌خته‌ی ئه‌مریکا له‌ عێراق ، دکتۆر سامان شاڵی سه‌رۆکی کۆنگره‌ی نه‌ته‌وه‌یی کورد له‌ ئه‌مریکا KNC وه‌ڵامی دوو پرسیاری کوردستان ئۆنلاینی به‌م شێوه‌یه‌ دایه‌وه‌ :‌‌

مه‌سه‌له‌ی دواخستن یان جێبه‌جێکردنی ماده‌ی 140 ی ده‌ستووری عێراق تایبه‌ت به‌ کورکووک و ناوچه‌کانی دیکه‌ی که‌ کێشه‌یان له‌ سه‌ره‌ ، مه‌سه‌له‌یه‌کی ده‌ستووریی عێراقییه‌ په‌یوه‌ندی به‌ حکومه‌تی ئه‌مریکاوه‌ نیه‌ ، ته‌واو پرسێکی یاسایی عێراقی په‌یوه‌ندیدار به‌ ده‌ستووره‌وه‌یه‌ ، ئه‌و ده‌ستووره‌ که‌ 80%ی خه‌ڵکی عێراق ده‌نگیان بۆ داوه‌و تیایدا هاتووه‌ " ئێمه‌ له‌ هه‌موو پێکهاته‌و گروپه‌ جیاجیاکانی عێراق ، به‌ شێوه‌یه‌تکی ئازادان ه‌بڕیارمان داوه‌ که‌ چاره‌نووسی خۆمان یه‌ک بخه‌ین په‌ند له‌وانه‌کانی دوێنێ و سبه‌ینێ وه‌ربگرین .ده‌ستووره‌که‌مان به‌ سوود وه‌رگرن له‌ په‌یامه‌کانی به‌ها و نموونه‌کانی ئاسمانی بنووسینه‌وه‌ هه‌روه‌ها له‌ رێگای زانست و شارستانی مرۆڤه‌وه‌ ، ئه‌م ده‌ستووره‌ هه‌میشه‌ییه‌ بنووسینه‌وه‌ .پابه‌ند بوون به‌و ده‌ستووره‌ یه‌کێتی ئاره‌زوومه‌ندانه‌ی عێراق و خاک و زه‌وی وسه‌روه‌رییه‌که‌ی ده‌پارێزێ ."
دکتۆر سامان وتی " به‌و شێوه‌یه‌ هه‌ر شکاندنێکی ده‌ستوور یه‌کێتی ئاره‌زوومه‌ندانه‌ی عێراق و خاک و زه‌وییه‌که‌ی له‌ ده‌ست ده‌دات ،رێز نه‌گرتن له‌ ویستی عێراقییه‌کان ، رێز نه‌گرتنه‌ له‌ سه‌روه‌ری عێراق وه‌ک وڵاتێک ده‌ستوور چه‌ند جارێک جێبه‌جێ کراوه‌ له‌ ئه‌نجامدانی هه‌ڵبژاردنه‌کانی په‌رله‌مانی و پێکهاته‌ی حکومه‌تی عێراق ، بۆیه‌ هیوادارین خه‌ڵکی له‌ مافه‌ ده‌ستوورییه‌کانیان بێبه‌ ش نه‌کرێن .
زیاتر وبخوینه وه‌ ‌‌


4-Apr-07 [20:26] رۆشنبیريی - دكتۆر بایه‌زید مه‌ردۆخی له‌ تاران وتارێكی سه‌باره‌ت به‌ زیانه‌كانی مین له‌ بواری ئابووریدا پێشكه‌شكرد
Peyamner PNA- مه‌نسوور جیهانی/ تاران ـ دكتۆر "بایه‌زید مه‌ردۆخی" له‌ كۆنفرانسی "بنكه‌ی به‌شداریی له‌ پاكتاوكردنی مین" دوای خوێندنه‌وه‌ی پارچه‌ شیعری "ئه‌و"ی "شێركۆ بێكه‌س" وتارێكی زانستی سه‌باره‌ت به‌ "خه‌ساره‌كانی مین له‌ بواری ئابووریدا" له‌ هۆڵی بنكه‌ی شه‌هریارانی جه‌وان له‌ شاری تاران پێشكه‌شكرد.

له‌م باره‌یه‌وه‌ دكتۆر "بایه‌زید مه‌ردۆخی" ئابووریناسی ناوداری كوردستان و ئێران و سه‌رۆكی پێشووی سندووقی زه‌خیره‌ی ئه‌رزی ئێران (صندوق ذخیره ارزی) له‌ دیدارێكی تایبه‌ت به‌ ئاژانسی هه‌واڵ و به‌دواداچوونی كوردستان ـ په‌یامنێر ـ سه‌باره‌ت به‌م كۆنفرانسه‌ دواو گوتی: "بنكه‌ی به‌شداریی له‌ پاكتاوكردنی مین" NGOیه‌ واته‌ رێكخراوه‌یه‌كی ناحوكمییه‌ كه‌ ماوه‌ی 2 ساڵه‌ دامه‌زراوه‌ و دامه‌زرێنه‌ره‌كه‌ی خاتوو "شیرین عیبادی"یه‌ كه‌ خه‌ڵاتی نۆبڵی له‌ ئاشتی به‌ده‌ستهێناوه‌. هه‌روه‌ها منیش یه‌كێكم له‌ ئه‌ندامانی لیژنه‌ی دامه‌زرێنه‌رانی ئه‌م رێكخراوه‌یه‌. له‌ ماوه‌ی ئه‌م 2 ساڵه‌شدا زۆر چالاكیمان كردووه‌، بۆ ئه‌وه‌ی كه‌ گرینگی مین و زیانه‌كانی مین له‌ كۆمه‌ڵگادا بخه‌ینه‌ به‌ر چاو. به‌ تایبه‌تی به‌و هۆیه‌ی كه‌ له‌ 4 پارێزگای رۆژئاوای وڵاتی ئێران كه‌ دانیشتووانی كوردن، مینی تێدایه‌ و به‌رده‌وام ئێمه‌ قوربانیمان هه‌یه‌، نزیكه‌ی هه‌موو مانگێك خه‌ڵك ده‌بنه‌ قوربانی."
هه‌روه‌ها ئه‌وه‌شی راگه‌یاند: "ئێمه‌ بۆمان زۆر گرینگه‌ كه‌ بۆ ئاگادار كردنه‌وه‌ی خه‌ڵك كارێك بكه‌ین. مه‌به‌ستم وریا كردنه‌وه‌ی منداڵه‌كان، گه‌نجه‌كان، شوانه‌كان و هه‌موو كه‌سێكه‌ كه‌ له‌و ناوچانه‌ی كه‌ مینرێژكراون، هاتووچۆ ده‌كه‌ن كه‌ مین تا چه‌نده‌ جێی مه‌ترسییه‌ و ئه‌و خه‌ڵكه‌ وشیار ببنه‌وه‌. بۆیه‌ له‌و بنكه‌یه‌دا بۆ ئاگادار كردنه‌وه‌ی گشتی خه‌ڵك هه‌ر 3 مانگ جارێك كۆنفرانسێك به‌ڕێوه‌ده‌به‌ین و ئاخاوتنێكی تایبه‌تمان هه‌یه‌. خاتوو "شیرین عیبادی" له‌ زۆربه‌ی كۆنفرانسه‌كاندا قسه‌ ده‌كات. هه‌ر جاریش كه‌سایه‌تییه‌ك كه‌ په‌یوه‌ندی له‌ گه‌ڵ میندا هه‌بێت و له‌م بواره‌دا كاری كردبێت، بانگهێشت ده‌كرێت تا سه‌باره‌ت به‌ كاره‌كه‌ی قسه‌ بكات."
مه‌ردۆخی سه‌باره‌ت به‌ ناوه‌رۆكی وتاره‌كه‌ی كه‌ له‌م كۆنفرانسه‌دا پێشكه‌شیكرد، گوتی: "ناوی وتاره‌كه‌م "خه‌ساره‌كانی مین له‌ بواری ئابووریدا" بوو. مه‌سه‌له‌ی مین له‌ ئاستی دونیادا و له‌ كۆنوانسیۆنی "ئۆتاوا" كه‌ 144 وڵات له‌وێدا وه‌كو ئه‌ندام وه‌رگیراون ناچاربوون كه‌ مین دروست نه‌كه‌ن، نه‌یفرۆشن، راینه‌گرن و كه‌ڵكیشی لێ وه‌رنه‌گرن. تا ئێستا 42 وڵاتیش نه‌بونه‌ته‌ ئه‌ندامی "ئۆتاوا". من له‌م وتاره‌مدا جۆری زیانه‌كانی مینم خسته‌ روو كه‌ بۆ كشتوكاڵ، كه‌ناڵی ئاودێری، رێگاوبان و هه‌روه‌ها بۆ مرۆڤ كه‌ ده‌ست و پێ و چاوی له‌ ده‌ستده‌دا، چ زه‌ره‌ر و زیانێكی هه‌یه‌. ئه‌و مه‌سه‌له‌یه‌ كه‌ هێزێكی ئینسانی به‌رهه‌مهێنه‌ر به‌ هۆی مینه‌وه‌ ئیتر ناتوانێت هیچ كارێك بكات و ده‌بێته‌ سه‌رباری كۆمه‌ڵگا، به‌رده‌وامیش ده‌بێ خزمه‌تی بكرێت."
هه‌روه‌ها گوتی: "پرۆتێز" یه‌كێكه‌ له‌و شتانه‌ی كه‌ له‌ ئێراندا زۆر گرانه‌و به‌ به‌لاش نایده‌ن به‌ كه‌س. ئه‌گه‌ر كه‌سێك لاقی یان ده‌ستی له‌ ده‌ست بدات ده‌بێت بروات "پرۆتێز"ی بۆ دروست بكات. نرخه‌كه‌شی زۆر گرانه‌، هی لاقێك ته‌نیا نیو میلیۆن تمه‌نه‌ (550 دۆلار). ئه‌مانه‌ بنه‌ماڵه‌ بێچاره‌ ده‌كات، وای لێدێت كه‌ هه‌ندێك ناوچه‌مان هه‌یه‌ بۆ وێنه‌ له‌ ئیلامدا كه‌ ئیتر خه‌ڵك زۆر بێ هێزبوون، به‌ راستی زۆر بێ ئاینده‌ن. بۆ داهاتوو ته‌واوی ئومێدیان له‌ ده‌ست ده‌ده‌ن. ئێمه‌ هه‌وڵ ده‌ده‌ین، به‌ڵكو تۆزێك هیوایان تێدا زیندوو بكه‌ینه‌وه‌ و كارێكیشیان بۆ په‌یدا بكه‌ین. چونكه‌ كاركردن بۆیان زۆر كێشه‌یه‌، یانی ده‌بێت كارێكیان بۆ جێبه‌جێ بكه‌ین كه‌ هه‌ست بكه‌ن، به‌رهه‌مهێنه‌رن. خۆیان به‌رهه‌مهێنه‌رن كه‌ سه‌ربه‌رز بێت. نه‌ك ئه‌وه‌ی كه‌ گه‌نجێكه‌ تا ئێستا كاری كردووه‌ به‌ هێزو به‌ توانا بووه‌، ئێستاكه‌ به‌ هۆی مینه‌وه‌ ناتوانێت كار بكات. ئه‌وه‌ زۆر سه‌خته‌ به‌ خێرو به‌ ئیعانه‌ بتوانیت ژیانی بۆ دابین بكه‌ی. ده‌بێ كارێكی بۆ په‌یدا بكه‌ی. بۆ ئێمه‌ په‌یداكردنی ئه‌و كاره‌ زۆر كێشه‌یه‌، چونكه‌ هه‌ر كارێك ناتوانی بیده‌ی به‌وان. ده‌بێت كاریان بێت له‌و كاره‌ مووچه‌ وه‌ربگرن كه‌ ئه‌و هه‌سته‌یان ببێت كه‌ سه‌رباری كۆمه‌ڵگانین."
سه‌رۆكی پێشووی سندوقی زه‌خیره‌ی ئه‌رزی ئێران له‌ درێژه‌ی قسه‌كانیدا گوتی: "باسی ئه‌وه‌شم كرد كه‌ ناوچه‌ مینرێژكراوه‌كان چۆن خاوێن بكرێنه‌وه‌. چاندنی مین دۆلارێكی تێده‌چێ، به‌ڵام بۆ ده‌رهێنانه‌وه‌كه‌ی زیاتر له‌ 1000 دۆڵار خه‌رجی هه‌یه‌. ئه‌و ستافه‌ی كه‌ ده‌چن مین ده‌ربێنن، به‌ راستی ئه‌وانه‌ گیانی خۆیان بۆ ئه‌و كاره‌ به‌خت ده‌كه‌ن كه‌ كارێكی زۆر پڕ زه‌حمه‌ت و كێشه‌یه‌."
ئابووریناسی ناسراوی كورد سه‌باره‌ت به‌م كۆبوونه‌وه‌ وه‌رزانه‌یان گوتی: "له‌ هه‌ر كۆبوونه‌وه‌یه‌كماندا لایه‌نێك له‌ مه‌سه‌له‌ی مین ده‌خه‌ینه‌ به‌ر باس و لێكۆڵینه‌وه‌. رۆژنامه‌كانی ئێرانیش به‌شداریی تێدا ده‌كه‌ن و هه‌واڵی ئه‌و كۆبوونه‌وانه‌ بڵاوده‌كه‌نه‌وه‌. ده‌وڵه‌تی ئێران بۆ پاكتاوكردنی مین پاره‌ی ته‌رخان كردووه‌، ئێمه‌ زۆر ئومێده‌وارین كه‌ ئه‌و ئیعتیباره‌ی كه‌ ده‌وڵه‌ت دایناوه‌، حه‌تمه‌ن به‌ زووترین كات بۆ پاكتاوكردنی مین سه‌رف بكرێت، تا ئه‌و خه‌ڵكه‌ له‌و مه‌ترسییه‌ رزگاریان بێت. چونكه‌ تا مه‌ترسی مین هه‌بێت، نه‌ كاری كشتوكاڵ، نه‌ كاری پیشه‌سازی و نه‌ كاری گه‌شتوگوزار ئه‌نجام نابێت. من ناوم لێناوه‌ "مه‌حكوم به‌ مه‌رگ له‌ رێی برسێتییه‌وه‌" یانی ئه‌و خه‌ڵكه‌ی كه‌ ده‌وروبه‌ریان مینه‌و ناتوانن هیچ كارێك بكه‌ن و هیچ یارمه‌تییه‌كیش ناتوانی پێیان بگه‌یه‌نی، وه‌كو مه‌حكوم به‌ مه‌رگێكه‌ كه‌ به‌ برسێتی ده‌یكووژی."
دكتۆر بایه‌زید مه‌ردۆخی له‌ كۆتایی ئه‌م دیداره‌دا ده‌رباره‌ی ئه‌و سه‌رچاوانه‌ی كه‌ بۆ
نوسینی وتاره‌كه‌ی كه‌ڵكی لێوه‌رگرتوون گوتی: "له‌ ئامار و زانیارییه‌كانی كه‌ له‌ ناو ئێران ده‌درێته‌ ده‌رێ و هه‌ندێكیشی له‌ رۆژنامه‌كاندا بڵاوده‌كرێته‌وه‌. هه‌روه‌ها له‌و دیداروچاوپێكه‌وتنانه‌ی كه‌ له‌ ته‌له‌فزیۆنی ئێراندا بڵاوده‌بنه‌وه‌، ئێمه‌ كۆی ده‌كه‌ینه‌وه‌. بڕێكیش له‌ بڵاوكراوه‌كانی نێونه‌ته‌وه‌یی كه‌ڵك وه‌رده‌گرین كه‌ تا راده‌یه‌ك به‌ ده‌ستمان ده‌گات." 
دكتۆر "بایه‌زید مه‌ردۆخی" ساڵی 1942 له‌ گه‌ڕه‌كی جه‌وراوای شاری سنه‌ی رۆژهه‌ڵاتی كوردستان هاتۆته‌ دنیا. خوێندنی 6 ساڵی سه‌ره‌تایی له‌ قوتابخانه‌ی "15ی به‌همه‌ن" ته‌واو كرد، پاشان خوێندنی دواناوه‌ندی له‌ قوتابخانه‌ی "هیدایه‌ت" و "شاپوور"ی ئه‌و شاره‌ ته‌واو كردو بڕوانامه‌ی دیپلۆمای ریازی وه‌رگرت. ئینجا هه‌ر دوو بڕوانامه‌ی به‌كالۆریۆس و ماسته‌ری به‌شی ئابووری له‌ كۆلێژی ئابووری زانكۆی تاران وه‌رگرت.
ساڵی 1967 بۆ خوێندنی باڵا به‌ره‌و ئیاله‌تی مێریله‌ند له‌ وڵاتی ئه‌مه‌ریكا سه‌فه‌ری كردو بڕوانامه‌ی دكتۆرای ئابووری له‌ زانكۆی مێریله‌ندی ئه‌و وڵاته‌ وه‌رگرت. تێزی دكتۆراكه‌شی سه‌باره‌ت به‌ "گه‌شه‌پێدانی ئابووری و پیشه‌یی له‌ ئێران" بوو.
ساڵی 1970 گه‌ڕایه‌وه‌ بۆ ئێران و له‌ رێكخراوه‌ی گه‌ڵاڵه‌دارشتنی ئێران ده‌ستی به‌ كاركرد. ئه‌م رێكخراوه‌یه‌ چه‌ندین ده‌رفه‌تی خوێندنی بۆ دكتۆر "بایه‌زید مه‌ردۆخی" پێكهێنا. له‌ ئاژانسی به‌رنامه‌دارێژی ژاپۆن به‌ ماوه‌ی 6 مانگ كاری ده‌كردو ده‌رسیشی ده‌خوێند. ئینجا له‌ زانكۆی تاران و له‌ زانكۆی كالیفۆرنیای باشوور له‌ ئه‌مه‌ریكا خولێكی فێربوونی به‌ڕێوه‌به‌رایه‌تی باڵای گوزه‌راند.
هه‌روه‌ها له‌ رێكخراوه‌ی به‌رنامه‌ی ئێران له‌ به‌شی "پیشه‌سازی و كانزاكان" له‌ بواری به‌رنامه‌دارێژی گه‌شه‌پێدانی پێشه‌یی ده‌ستی به‌ كار كرد. له‌ رێكخراوه‌ی به‌رنامه‌ی ئێران هه‌ر له‌و به‌شه‌دا بوو به‌ به‌ڕێوه‌به‌ری به‌رنامه‌رێژی گه‌شه‌پێدانی پیشه‌یی و كانزاكانی ئێران. پێش شۆرشی گه‌لانی ئێران بووه‌ جێگری ئه‌و به‌شه‌. له‌ دوای شۆرشیش بۆ ماوه‌ی 3 ساڵ بووه‌ به‌ڕێوه‌به‌ری "پیشه‌سازی و كانزاكان"ی ئێران.
هه‌روه‌ها بۆ ماوه‌ی 3 ساڵ به‌ڕێوه‌به‌ری نووسینگه‌ی "ئابووری كه‌لان"ی ئێران بوو. پاشان له‌ رێكخراوه‌ی به‌رنامه‌دا بووه‌ راوێژكاری جێگری كاروباری ئابووری و هه‌ماهه‌نگی و به‌رنامه‌ و میزانییه‌. ئینجا بوو به‌ راوێژكاری سه‌رۆكی رێكخراوه‌ی به‌ڕێوه‌به‌رایه‌تی به‌رنامه‌دارێژی. هه‌ر له‌و كاته‌شدا بووه‌ به‌رپرسی ژمێریاری زه‌خیره‌ی ئه‌رزی ئێران. له‌ ساڵی 2006 خانه‌نشین كرا.
مه‌ردۆخی ماوه‌ی 15 ساڵه‌ له‌ كۆلێجی ئابووری زانكۆی تاران و كۆلێجی ئابووری زانكۆی عه‌لامه‌ وانه‌كانی "ئابووری پیشه‌یی" و "به‌رنامه‌دارێژی گه‌شه‌پێدانی پیشه‌یی" به‌ خوێندكاران ده‌ڵێته‌و





      
ئةنجومةنى نةتةوةى كورد لا باکۆرى آمریکا
Audio Links:

VOICE OF AMERICA-in Kurdish:


            



 

سیمین چایچی

Biryari Komitey Bereweberi Nawendi PENi Kurd  derbarey behezkirdini Komitey Jinan


بڕیاری کۆمیته‌ی به‌رێوه‌به‌ریی ناوه‌ندی پێن ی کوردی


                          ده‌رباره‌ی به‌هێزکردنی کۆمیته‌ی ژنان


له‌ کۆبوونه‌وه‌ی کۆمیته‌ی به‌ڕێوه‌به‌ریی ناوه‌ندی پێن ی کورددا (25.3.2007)  له‌سه‌ربه‌هێزکردنی خه‌باتی کۆمیته‌ی ژنان باس کرا. به‌ پێشنیازی سه‌رۆکی کۆنی ئه‌م کۆمیته‌یه‌ خانم  " بێریڤان دۆسکی " ، نووسه‌ری رۆژهه‌ڵات " سیمین چایچی " وه‌ک سه‌رۆکی نوێ ی ئه‌م کۆمیته‌یه‌ به‌یه‌ک دڵی قه‌بووڵ کرا .
له‌م رۆژه‌وه‌ سه‌رۆکی کۆمیته‌ی ژنانی " ناوه‌ندی پێن ی کوردی "  " سیمین چایچی " یه‌ ، به‌ یارمه‌تیی بێریڤان دۆسکی :
1: پێوه‌ندی له‌ گه‌ڵ کۆمیته‌ی ژنانی پێن ی نێوده‌وڵه‌تی دروست ده‌کات و کێشه‌ی نووسه‌ری ژنی کوردستان له‌ مه‌یدانی نێوده‌وڵه‌تی دا گفتوگۆ ده‌کات .
2: پێوه‌ندی له‌ گه‌ڵ ئافره‌ته‌کان له‌ ناوه‌ندی پێن ی کوردی دا دروست ده‌کات ، لیسته‌یه‌ک ئاماده‌ ده‌کات و هه‌رساڵ راپۆرتێک له‌سه‌ر بارودۆخی ژنی کورد به‌ گشتی و نووسه‌ری ژن به‌ تایبه‌تی ده‌نووسێت .
3: بۆ دانوستاندنی ڕێکخراوه‌یی ، مایلی خۆی ئاشکرا ده‌کات : " siimin30@yahoo.com
شایانی باسه‌ که‌  " سیمین چایچی " خه‌ڵکی رۆژهه‌ڵاته‌و تائێستا به‌ جیددی له‌ کاری " ناوه‌ندی پێن ی کورد" دا به‌شدار بووه‌.

د.زۆربا ئالۆیان
سکرتێری ناوه‌ندی پێن ی کوردی
برێمێن ، ئاڵمانیا ، 29/03/2007


------
Le kobonewey Komitey Bereweberi Nawendi PENi Kurd da (25.03.2007) le ser behezkirdini xebati  Komtey Jinan bas kra. Be pesniyazi Seroki koni em Komiteye xanim Berivan Doski, nuseri  Rojhelat Simin Caici con Seroki nwey em Komiteye be yekdilli qebul kra.  Le  em  rojewe  Seroki  Komitey  Jinani  Nawendi  PENi  Kurdi  Simin  Caici  be yarmeti Berivan Doski:
 •  peywendi legell Komitey Jinani PENi Niwdewleti drust dekat u kesey nuseri jini Kurdistan  le meydani niwdewleti da goftigo dekat;
 •  peywendi legell afretekan le Nawendi PENi Kurdi da drust dekat, listeyeki amade dekat u  her sal Raporteki le ser bar u doxi jini Kurd be gisti u nuseri jin be taybeti  dinusit; 
 •  bo danustandini rekxrawi maili xoy askera dekat: "Simin Caici" <siimin30@yahoo.com>.    Sayani bas e, ke Simin Caici xelki Rojhelat e u ta esta be ciddi le kari Nawendi PENi Kurd da  besdar buwe.         

 Dr. Zorab Aloian 
Sekreteri Nawendi PENi Kurdi  
Bremen, Almaniya, 29.03.2007
  
The Kurdish Centre of  INTERNATIONAL  P E N 
A World Association of Writers  NAVENDA PEN A KURD
  



Happy Newrooz 2707      cejni  Sar sali tazetan le piroz bet


كۆبوونه‌وه‌ی گشتی ڕێكخراوه‌ی مافی ژنی كورد مافی مر
ڕێكخراوه‌ی مافی ژنی كورد مافی مرۆڤ له ڕێكه‌وتی 31 مارسی 2007 كۆنگره‌ی ساڵانه‌ی خۆی له شاری ستۆكهۆڵمی وڵاتی سوید به‌ڕێوه ب
دریژه‌ی.

یه‌کێک له‌ وینه‌کانی ئه‌م کۆنگریه‌







له‌ هه‌ولێر .. كۆنفرانسى نێوده‌وڵه‌تى ئافره‌تى كورد بۆ ئاشتى و یه‌كسانى به



ktv - سه‌رله‌ به‌یانى ئه‌مڕۆ له‌ هه‌ولێرى پێته‌ختدا ، و له‌ هۆڵى یه‌كى شوباتى ته‌لارى ئه‌نجومه‌نى وه‌زیرانى كوردستان ، كۆنفرانسى نێو ده‌وڵه‌تى ئافره‌تى كورد بۆ ئاشتى و یه‌كسانى ده‌ستى پێكرد ، كه‌ تێیدا چه‌ندین وتارو باسى جیا جیا له‌ لایه‌ن نوێنه‌رانى ئاماده‌بو و پێشكه‌شكران .. له‌ كۆنفرانسه‌كه‌دا ، د فواد حسێن سه‌رۆكى دیوانى سه‌رۆكایه‌تى كوردستان وه‌ك نوێنه‌رى سه‌رۆكى كوردستان و سه‌رۆك و جێگرى سه‌رۆكى پارله‌مانى كوردستان و نوێنه‌رانى ناوه‌نده‌كانى ئافره‌تان له‌ هه‌رژوار پارچه‌ى كوردستان و له‌ ده‌ره‌وه‌ى وڵات ئاماده‌ى كۆنفرانسه‌كه‌ بو بون .. more in Kurdish , Farsi, Arabic and Turkish


ئةنجومةنى نةتةوةى كورد لا باکۆرى آمرىکا KNCNA



كؤنفرانسى نيّودةولةتى ئافرةتى كورد بؤ ئاشتى و يةكسانى

ئةنجومةنى نةتةوةى كورد نيازى هةية كةوا كؤنفرانسيّكى نيّودةولةتى ئةنجام بدات سةبارةت بة ئافرةتى كورد لة كوردستان ولةدةرةوةى كوردستان ,كؤنفرانسةكة لةكوردستانى باشور ئةنجام دةدريَت وةبة شيوةيةكى گشتى باس لة ئافرةتى كورد دةكريّت لة هةر چوار پارچةى كوردستان و لة هةر شويّنيكى كة كورد تيايدا نيشتةجيّن .

پيَشةكى:

ئافرةتى كورد رؤليّكى سةرةكى هةبووة لة بزوتنةوةى كؤمةلايةتى و نةتةوايةتى ميللةتى كورد لةهةموو سةردةمةكانى ميژوودا بةلام بةداخةوة ئةمرؤ هةمووجورة توندو تيژى دژى ئافرةتى




 
شاره كم سقز
My city Saqqez

ا      

Sources:www.renesanans.com

عه‌لی‌ ــ م : زۆر له‌ بنه‌ماله‌كان پێیان باشه‌ كوڕه‌كانیان له‌ باتی‌ هێروئین، تریاك مه‌سره‌ف بكه‌ن

عه‌لی‌ ــ م : زۆر له‌ بنه‌ماله‌كان پێیان باشه‌ كوڕه‌كانیان له‌ باتی‌ هێروئین، تریاك مه‌سره‌ف بكه‌ن
دیداری: خالید محه‌ممه‌دزاده‌
"له‌ رۆژدا زیاتر له‌ 25 گره‌م تریاكم ده‌كێشا‌و زیاتر له‌ 60 كیلۆ تریاكم فرۆشتوه‌. تا ئێستا من 50 جار دزیم كردوه‌. ره‌حمم به‌ دایك‌و خوشكی‌ خۆم نه‌كردوه‌. من مه‌وادم هێناوه‌ته‌ سه‌قز ‌و كاتێك هیرۆئینم فرۆشتوه‌ چه‌ند كه‌س به‌ هوی‌ منه‌وه‌ مردوون".
ئه‌م قسانه‌‌و زۆرێكی‌ دیكه‌ی‌ له‌م چه‌شنه‌ ئیعترافی‌ موعتاد‌و تریاك فرۆشێكی‌ ناسراوی‌ شاری‌ سه‌قزه‌. ئه‌و وه‌عدی‌ دا به‌ بی‌ َهه‌ر چه‌شنه‌ سانسۆرێك، په‌رده‌ له‌ سه‌ر ئه‌و واقیعییه‌تانه‌ هه‌لبداته‌وه‌. منیش بلێنم پێ‌ دا ناوی‌ پارێزراوبێ‌. هه‌ر چه‌ند به‌ منی‌ راگه‌یاند ماوه‌یه‌كه‌ ته‌ركی‌ كردوه‌. سه‌رنجتان بۆ ده‌قی‌ ئه‌م دانیشتنه‌ راده‌كێشم:

به‌رێز تۆ چۆن تووش بووی‌ به‌ كێشانی‌ مه‌وادی‌ موخه‌دیر؟
من ئێستا موعتادێكم له‌ حالی‌ چاك بوونه‌وه‌م. من له‌ خانه‌واده‌یه‌كی‌ مه‌زهه‌بی‌ بووم. باوكم كارمه‌ندیی‌ ده‌وله‌ت بوو. كاتێك وابه‌سته‌ بووم ته‌مه‌نم 16 سال بوو. ئه‌وكاتیش مه‌شرووبم ده‌خوارده‌وه‌. عه‌لاقه‌م بوو به‌ مه‌شرووب. دواتر چوومه‌ خزمه‌تی‌ سه‌ربازی‌. له‌ سه‌ربازی‌ له‌ رێگای‌ دوستێكی‌ تارانیم ئاشنا بووم به‌ تریاك. بۆ ئه‌وه‌ل بار كه‌ كێشام وامزانی‌ ته‌واو سه‌قز هی‌ منه‌. دنیا هی‌ منه‌. هێواش هێواش عاده‌تم پی‌ گرت. خوم ده‌چووم به‌ تارانییه‌كه‌م ده‌گوت بۆم بێنێ‌. تارانییه‌كه‌ پێمی‌ ده‌گوت تا ئێستا كێشاوته‌؟ له‌ به‌ر غروری‌ خوم ده‌مگوت به‌لێ‌. به‌ راستی‌ نه‌شم كێشابوو. ئه‌وجار كه‌ فێربووم خوم ده‌م كڕی‌. چه‌ند مانگ نه‌هاتمه‌وه‌ مه‌ره‌خه‌سی‌. بنه‌ماله‌كه‌م ناره‌حه‌ت بوون‌و زه‌نگیان بۆ لێدام. دواتر ده‌ره‌جه‌داره‌كه‌ به‌ زۆر ناردمیه‌وه‌ بۆ ماله‌وه‌. هاتمه‌وه‌ كاكم كه‌ دیمی‌، وتی‌ تو موعتاد نه‌بووی‌؟! گوتم نا سیگاریش ناكێشم. به‌لام له‌ ئازاری‌ له‌شیشم دا نه‌مده‌زانی‌ چی‌ ده‌كه‌م‌و له‌ ماله‌وه‌ ده‌م كرد به‌ شه‌ر‌و دووباره‌ چوومه‌وه‌ بۆ سه‌ربازی‌. كه‌ خزمه‌ته‌كه‌ ته‌واو بوو، هاتمه‌ بۆ ماله‌وه‌‌و چوومه‌ دوكانێك ی‌موبیل فرۆشی‌ بۆ كار كردن. خاوه‌ن دووكانه‌كه‌ش موعتاد بوو. دووباره‌ ده‌ست به‌ كێشانم كرد. له‌و دووكانه‌ش بۆ په‌یداكردنی‌ تریاك دزیم له‌ دووكانه‌كه‌ش ده‌كرد. خاوه‌ن دووكان كه‌ پێی‌ زانیم ده‌ری‌ كردم. دواتر له‌ ناوچه‌ی‌ سه‌قز ده‌ستم دایه‌ تریاك فرۆشتن‌و خوشم زیاتر ئالووده‌ بووم. له‌ خانه‌ سازمانه‌كانییه‌كانی‌ ئه‌رته‌ش دا كه‌سێكی‌ ده‌ره‌جه‌داری‌ ئه‌رته‌ش ده‌یهێنا(ژنه‌كه‌ی‌ له‌ مه‌شهه‌ده‌وه‌ ده‌یهێنا) منیش له‌ ناو شار بلاوم ده‌كرده‌وه‌

فرۆشی‌ هه‌بوو؟
فرۆشی‌ زۆر بوو. مه‌سره‌فی‌ خوشم ده‌كرد. به‌یانی‌ یه‌ك وه‌عده‌ ده‌م كێشا‌و دوانیوه‌روش یه‌ك وه‌عده‌و‌و شه‌ویش یه‌ك وه‌عده‌. له‌ رۆژدا من 25 گره‌م تریاكم ده‌كێشا.

كه‌ی‌ زانیت موعتادێكی‌ ته‌واوی‌؟
من هه‌ر كاتێك پێمیان ده‌گووت موعتادی‌؟ شاخه‌یه‌كم هه‌بوو به‌ ناوی‌ شاخه‌ی‌ ئینكار. ئینكارم ده‌كرد‌و نه‌ده‌چوومه‌ ژێری‌. بنه‌ماله‌كه‌م كه‌ ده‌یان بیسته‌وه‌ من موعتادم، من جنێوم پێیان ده‌دا. ته‌نانه‌ت تریاكیان له‌ ماله‌وه‌ له‌ من ده‌گرت، ده‌مگوت درۆیه‌، ئێوه‌ رقتانه‌ له‌ من. پێتان خوش نیه‌ من له‌ مال بم‌و پێتان وایه‌ من زۆل‌و حه‌رامزاده‌م. ده‌مگوت هی‌ خوتانه‌ خستوتانه‌نه‌ گیرفانی‌ من. جاری‌ وابوو باوكم زه‌نگی‌ لی‌ َده‌دا بۆ نیروی‌ ئینتزامی‌‌و منیش هه‌لده‌هاتم. هێندێك جاریش له‌ گه‌ل مه‌ئمووردا ده‌رگیر ده‌بووم. من هه‌ر ده‌مگوت موعتاد نیم. به‌لام هه‌م ئابرووی‌ خوم‌و هه‌م ئابرووی‌ خانه‌واده‌كه‌م له‌ گه‌ره‌ك بردبوو. گشت خانه‌واده‌م چووبوونه‌ ژێر پرسیار. من ته‌نیا خومم پێ‌ گرنگ بوو، هیچ شتێك بۆم گرنگ نه‌بوو.

كاتێك كه‌ مه‌وادت لێ‌ ده‌بڕا هه‌بوو دزی‌ بكه‌ی‌؟
تا ئێستا من 50 جار دزیم كردوه‌.

دزی‌ مه‌واد یا هه‌ر پاره‌؟
هه‌م دزی‌ پاره‌م كردوه‌‌و هه‌م كه‌لو په‌لم دزیه‌وه‌. له‌ مال خوشكی‌ دایكم‌و له‌ مالی‌ خۆمان دزیم كردوه‌. له‌ مالی‌ چه‌ند كه‌سی‌ تر دزیم كردوه‌. موعتاد ره‌حم به‌ هیچ كه‌س ناكا. ئێستا له‌ ئێران هه‌ر قاوه‌خانه‌یه‌ك ده‌چی‌، هه‌ر جێگایه‌ك ده‌چی‌ نووسراوه‌"ورود افراد معتاد ممنوع". خانه‌واده‌كه‌م ده‌یانگوت تو موعتادی‌؟ ده‌مگوت من موعتاد نیم. من تریاك ده‌كێشم ده‌چمه‌وه‌ باشگاش ته‌مرین ده‌كه‌م، بۆیه‌ موعتاد نیم. هه‌ر كه‌س به‌ من ده‌یگوت موعتادی‌ ده‌مگوت من موعتاد نیم هیرۆئینی‌ موعتاده‌. ده‌مگوت من وه‌ك ئه‌و كه‌سانه‌م لێ‌ نایه‌ كه‌ ده‌كه‌ونه‌ خیابان، ئه‌وان ئه‌و نازانن مه‌سره‌ف بكه‌ن. به‌لام من كه‌وتمه‌ زیندان‌و له‌ زیندان ده‌ستم دایه‌ قۆرئان كه‌ چی‌ تر نه‌كێشم. به‌لام كه‌ هاتمه‌ ده‌ره‌وه‌ له‌ زیندان نه‌چوومه‌وه‌ بۆ لای‌ خانه‌واده‌كه‌م، دووباره‌ چوومه‌وه‌ بۆ په‌یداكردنی‌ تریاك.

چه‌ند جۆر مه‌وادت مه‌سره‌ف كردوه‌؟
من دوو نه‌وع مه‌وادم مه‌سره‌ف كردوه‌. تریاك‌و هیرۆئین. به‌لام له‌ ناوچه‌ی‌ سه‌قز تا سالی‌ 75 10 موعتادی‌ تێدا نه‌بوو، به‌لام ئێستا له‌ سه‌قز هه‌ر مالێك ده‌چی‌ موعتادێكی‌ تێدایه‌. ئێستا حه‌شیش، گراس، هروئین، كراگ، شیشه‌، جۆره‌ها حه‌ب، جۆره‌ها ئامپۆل مه‌سره‌فی‌ هه‌یه‌. كراگ ماوه‌یه‌كه‌ له‌ سه‌قز له‌ لایه‌ن كه‌سێك به‌ ناوی‌ كه‌مال ئیلهامی‌ له‌ گه‌ل عه‌باس حه‌نه‌فی‌ بلاو ده‌كرێته‌وه‌ كه‌ گره‌می‌ 8 هه‌زار تمه‌نه‌. شێوه‌ی‌ مه‌سره‌فكردنی‌ زۆر راحه‌ته‌. له‌ هه‌ر مه‌كانێك دا له‌ رێگای‌ دوو ده‌رزیه‌وه‌ مه‌سره‌ف ده‌كرێ‌. چوار كامی‌ كراگ به‌رابه‌ره‌ له‌ گه‌ل مه‌سره‌فی‌ 25 گره‌م تریاك.

سه‌قز كه‌سی‌ موعتادی‌ زۆر لێیه‌؟
جه‌وانی‌ 18 سال تا 20 سال ده‌وروبه‌ری‌ 7 هه‌زار حه‌شیشیمان هه‌یه‌. تریاكیمان نزیك به‌ 10 هه‌زار كه‌س هه‌یه‌ له‌ كارمه‌ند‌و خه‌لكی‌ دیكه‌. هیرۆئینیمان ده‌وروبه‌ری‌ 500 كه‌س هه‌یه‌. ته‌زریقی‌ مان هه‌یه‌ ده‌وروبه‌ری‌ 200 نه‌فه‌ر. كراگ ئێستا كه‌ تازه‌یه‌ نیزیكه‌ی‌ 40 تا 50 كه‌س مه‌سره‌فی‌ ده‌كا.

له‌ نێو ژنانیش هه‌یه‌؟
به‌لێ‌. تێیان دا هه‌یه‌ ته‌زریق ده‌كا، تریاك ده‌كێشێ‌. نیزیكه‌ی‌ 20 كه‌س ژنمان هه‌یه‌ تریاك ده‌كێشن. چه‌ند كه‌سی‌ ژنیشمان هه‌یه‌ ته‌زریق ده‌كا.

باشه‌ هۆی‌ بلاوبونه‌وه‌ی‌ ئه‌م مه‌واده‌ چیه‌؟
من خوم كه‌ موعتادم ده‌مگوت ده‌وله‌ت خه‌تاباره‌. به‌لام من ده‌مزانی‌ كه‌ براكه‌م موعتاد نیه‌، ده‌وله‌ت بۆ نایه‌ت ئه‌و موعتاد بكا. من خوم پێم خوش بوو مه‌واد مه‌سره‌ف بكه‌م. ئیعتیاد جۆرێك وابه‌سته‌گییه‌، جا به‌ هه‌ر شتێك بێ‌. كابرا هه‌یه‌ ئیعتیادی‌ به‌ كه‌له‌شێر بازی‌ هه‌یه‌، هه‌یه‌ به‌ كۆتر بازی‌. منیش ئیعتیادم به‌ تریاك بوو. هێواش هێواش كه‌وتمه‌ ناو هیرۆئین‌و مه‌سره‌فم كرد.خانه‌واده‌كه‌م ده‌ریان كردم. من بیست بار ته‌ركی‌ ناسه‌ركه‌وتووم بووه‌. كه‌ هیچ كامیان له‌ دوو مانگ زیاتری‌ نه‌خایاند. من له‌ رێگای‌ دۆستێكه‌وه‌ كه‌ ئێستا له‌ ناو (انجمن دوازده‌ قدم)ه‌‌و شوێنیكه‌ بۆ ته‌رك. كۆمه‌لێك كلاسی‌ تێدایه‌ به‌ ناوی‌ دوازده‌ قه‌ده‌م. ئه‌من ناوی‌ ئه‌م ئه‌نجومه‌نه‌ ده‌نێم(انجمن معتادان گمنام). من كه‌ واردی‌ ئه‌و ئه‌نجومه‌نه‌ بووم زانیم كه‌ موعتادم. ئه‌وكات زانیم چ ئه‌نگه‌لێك بووم بۆ جامعه‌كه‌م. زانیم خوم په‌یامی‌ مه‌رگم داوه‌. زانیم كه‌ من كاتێك هیرۆئینم فرۆشتوه‌ چه‌ند كه‌س به‌ هوی‌ منه‌وه‌ مردوون. من مه‌وادم هێناوه‌ته‌ سه‌قز. ئێستاش به‌ هوی‌ ئه‌و به‌رنامه‌یه‌وه‌ توانیومه‌ چه‌ند كه‌س له‌ دوستانی‌ خوم كه‌ موعتاد بوون بهێنمه‌ ناو ئه‌م ئه‌نجومه‌نه‌وه‌‌و پێیان ته‌رك بكه‌م. ئێمه‌ مه‌كانێكمان هه‌یه‌ به‌ ناوی‌ (تولد دوباره‌) كه‌ هه‌زینه‌كه‌ی‌ 35 هه‌زار تمه‌نه‌‌و 28 رۆژ له‌وێ‌ ده‌مێننه‌وه‌.

رۆلی‌ هێزه‌ ئینتزامییه‌كان چیه‌ له‌ بلاوبوونه‌وه‌ی‌ مه‌وادی‌ موخه‌دیر؟
ئێمه‌ ئێستا هه‌مانه‌ له‌ 50 كه‌سیان 30 كه‌سیان موعتاده‌. بۆ نموونه‌ ئه‌وان له‌ سه‌قز رۆژانه‌ 4، 5 كێلو تریاك ده‌گرن. باشه‌ ئه‌مه‌ چی‌ لێ‌ دێ‌؟ خۆیان به‌شی‌ زۆری‌ مه‌سرف ده‌كه‌ن. خویان ده‌زانن كه‌ فلان كه‌س كراگ په‌خش ده‌كاته‌وه‌، به‌لام كاریان به‌ سه‌ره‌وه‌ نیه‌. هه‌موویان به‌رتیل وه‌رده‌گرن. ئێستا خویندكاره‌كانیش مه‌سره‌فی‌ ده‌كه‌ن. ئێستا ئێمه‌ له‌ زانكۆكان له‌ هه‌ر دانشگایه‌ك له‌ هه‌ر 100 خوێندكار ده‌وربه‌ری‌ 70 كه‌سیان موعتاده‌. ته‌واوی‌ خوابگاكان پره‌ له‌ مه‌وادی‌ موخه‌دیر. هه‌موویان ده‌كێشن.

باشه‌ ئه‌م خه‌لكه‌ بۆ وای‌ لێ‌ هاتووه‌؟
ئه‌وه‌ل خه‌تای‌ خۆمانه‌. دوای‌ نه‌قشی‌ ده‌وله‌تیشی‌ تێدایه‌. كاتێك به‌ هوی‌ مه‌واده‌وه‌ چه‌ند كه‌سێك ئیعدام بكه‌ن وا نابێ‌. ئێستا كه‌سێك كارتۆنێك مه‌شرووبی‌ پێ‌ بگیردرێ‌ 50 میلیون تمه‌ن جه‌ریمه‌ ده‌كرێ‌‌و ماوه‌یه‌ك ده‌كه‌وێته‌وه‌ زیندانه‌وه‌. به‌لام ده‌بینین كه‌سێك به‌ كیلویه‌ك مه‌واده‌وه‌ ده‌گیردرێ‌، هیچی‌ پێ‌ نالێن.

تو خوت چه‌ند سال مه‌وادت فرۆشت؟
من سێ‌ سال مه‌وادم فرۆشت

چ هه‌ستێكت هه‌بوو ئه‌و كات؟
من به‌ خاتری‌ دابین كردنی‌ پێویستی‌ خوم ئیحساسی‌ باشم هه‌بوو. ته‌بلیغم بۆ شتی‌ خوم ده‌كرد.

چه‌ند جۆرت فرۆشتوه‌؟
من تریاكم فرۆشتوه‌ له‌ ماوه‌ی‌ ئه‌و 4 ساله‌ زیاتر له‌ 60 كیلۆم فرۆشتوه‌. هیرۆئینیشم فرۆشتوه‌. له‌ گه‌ل دوستێكم ده‌چوومه‌ خۆرمازه‌ردی‌ مه‌راغه‌ بۆ واردكردنی‌ مورفین. له‌ داره‌له‌كی‌ ره‌زائیه‌ش ده‌مهێنا.

له‌ سه‌قزیش دروست ده‌كری‌ ئه‌و مه‌واده‌؟
نا، به‌لام شارێكی‌ وه‌ك مه‌راغه‌ فاسیله‌ی‌ وای‌ نیه‌ تا سه‌قز.

باشه‌ مشته‌رییه‌كانی‌ تو زیاتر كێ‌ بوون؟
زۆربه‌ی‌ جه‌وانه‌كان ته‌له‌فوونی‌ منیان هه‌بوو. ته‌له‌فوونیان بۆ ده‌كردم. پیرمێردیشی‌ تێدا بوو.

زیاتر له‌ چ گه‌ركێكی‌ سه‌قز ئه‌و مه‌واده‌ت ساغ ده‌كرده‌وه‌؟
من له‌ سێ‌ رای‌ به‌ردبڕان ده‌م فرۆشت. له‌ پاركی‌ شار ده‌م فرۆشت. له‌ زۆر جێگا ده‌مفرۆشت.

جگه‌ له‌ تو، فرۆشیاری‌ تریشی‌ تێدا بوو؟
به‌لێ‌. ئاغایه‌كی‌ تێدایه‌ به‌ ناوی‌ عه‌باس حه‌بیبی‌ كه‌ كیلۆفرۆشی‌ ئه‌و مه‌نته‌قه‌یه‌. ئه‌میر عه‌زیزپوور، مه‌حیه‌ ره‌زایی‌ كه‌ پێی‌ ده‌لێن خالو مه‌حیه‌‌و سه‌لاحی‌ كه‌ریمیانی‌ تێدایه‌. ناسره‌ سیسه‌ی‌ تێدایه‌ كه‌ چه‌ندین جۆر مه‌وادی‌ ده‌فرۆشێت.

هه‌بووه‌ ره‌قابه‌ت بكه‌ن له‌ نێوانتان بۆ فرۆشتنی‌ جینسی‌ باشتر؟
به‌لێ‌. مه‌سه‌له‌ن عه‌باسی‌ فاتێ‌ ته‌شقه‌له‌ كه‌ خوی‌ كیلۆفرۆش بوو ده‌چوو له‌ شیرازه‌وه‌ واریدی‌ ده‌كرد‌و رقابه‌تمان له‌ گه‌لی‌ ده‌كرد. بۆ نموونه‌ ده‌چووم گوزارشم لێ‌ ده‌دا بۆ ئه‌وه‌ی‌ جینسی‌ خوم مشته‌ری‌ زیاتر بێ‌.

باشه‌ ئه‌و هه‌موو پاره‌ت چی‌ لێ‌ ده‌كرد؟
به‌ داخه‌وه‌ پاره‌ی‌ مه‌وادی‌ موخه‌دیر خێری‌ بۆ كه‌س نیه‌. هیچ مه‌واد فرۆشێك تا ئێستا مالی‌ باشی‌ پێكه‌وه‌ نه‌ناوه‌. هه‌ر ئه‌و كه‌سانه‌ی‌ ناویانم برد ئێستا موعتادن. چونكه‌ تو خوێنی‌ ئه‌و جه‌وانانه‌یه‌ ده‌یمژی‌. دایكی‌ ئه‌و كوره‌ كه‌ موعتاد ده‌كرێ‌ قۆرئانت لێ‌ به‌رز ده‌كاته‌وه‌. باوكی‌ دوعات لی‌ َده‌كا.

ئه‌وكاته‌ كه‌ ده‌ت فروشت بیرت له‌مانه‌ نه‌ده‌كرده‌وه‌؟
ئه‌سله‌ن. ئێستا كارم به‌ میلله‌تی‌ كورد نیه‌. به‌ عینوای‌ یه‌ك ئێرانی‌‌و ئینسانێك ده‌لێم زۆر په‌شیمانم له‌و كارانه‌ی‌ خۆم. ده‌متوانی‌ باشگایه‌كی‌ وه‌رزشی‌ دابنێم‌و چوار جه‌وان فێری‌ وه‌رزش بكه‌م كه‌ ئێستا به‌ ته‌مام ئه‌و كاره‌ بكه‌م.

تو چه‌ند جار گیرای‌؟
من سێ‌ ده‌فعه‌ گیرام له‌ سه‌قز. به‌لام حوكمه‌كانم زۆر نه‌بوون. به‌ 40 شه‌و یا به‌ جه‌ریمه‌ ئازاد كرام. ته‌نانه‌ت لای‌ قازی‌ ده‌ستم به‌ قۆرئان داوه‌ گوتومه‌ هی‌ من نیه‌ هی‌ مه‌ئمووره‌كه‌یه‌.

هه‌بووه‌ بێ‌  پاره‌ بی‌‌و پاره‌ت ده‌ست نه‌كه‌وێ‌ بۆ مه‌سره‌فی‌؟
كاتێك كه‌ خومار ده‌بووم كفرم ده‌كرد. بۆیه‌ قه‌رزم ده‌كرد یا دزی‌. حه‌تمه‌ن به‌ هه‌ر جۆرێك بوایه‌ ئه‌گه‌ر له‌شی‌ خوشم بفرۆشتایه‌ مه‌وادم په‌یدا ده‌كرد.

هه‌بووه‌ له‌ بازار‌و له‌ ناو خه‌لك كه‌ ده‌رده‌كه‌وتی‌ بت بینن ‌و پێت بلێن ئه‌وه‌ موعتاده‌؟
به‌لی‌ 10ده‌فعه‌ بیستوومه‌، وتویانه‌ فلان كه‌س موعتاده‌ پێم ناخۆش بوو.

ئه‌وكات پێت خۆش بوو وه‌ك موعتادێك باس بكرێی‌ یا وه‌ك مه‌واد فرۆشێك؟
پێم خوش نه‌بوو هیچ كامیانم له‌ سه‌ربێ‌. مه‌واد فرۆشه‌كه‌ ناوی‌ باش نه‌بوو، موعتاده‌كه‌ش ناوی‌ باش نه‌بوو. موعتاد ئێستا له‌ ئێران وك نه‌خوشییه‌ك جێ‌ كه‌وتوه‌‌و ده‌یانه‌وێ‌ جورمی‌ له‌ سه‌ر دانه‌نێن. ئێستا به‌ هوی‌ ئه‌نجومه‌نی‌ دوازده‌ قه‌ده‌مه‌وه‌ خه‌لك كه‌مێك رۆشن بوونه‌ته‌وه‌.

ئه‌و ئه‌نجومه‌ چیه‌؟
ئه‌م ئه‌نجومه‌ سه‌ره‌تا له‌ ئه‌مریكایه‌وه‌ هاتوو‌و واریدی‌ تاران بووه‌. له‌ تاران 15 سالێكه‌ دامه‌زراوه‌. له‌ شاره‌كانیش هه‌یه‌. له‌ سنه‌ش هه‌یه‌. له‌ دیواندره‌ هه‌یه‌‌و هاتوته‌ سه‌قزیش. له‌ سه‌قزیش ئێمه‌ دامان به‌ بۆكان. ئه‌م ئه‌نجومه‌نه‌ وابه‌سته‌ به‌ هیچ جێگایه‌ك نیه‌. له‌ هیچ ئۆرگانێك پاره‌ وه‌رناگرێ‌. ئێستا ئێمه‌ له‌و ئه‌نجومه‌نه‌ش مه‌شرووب، به‌ مه‌وادی‌ موخه‌دیر حیسابی‌ بۆ ده‌كه‌ین.

ئه‌م ئه‌نجومه‌نه‌ توانیوه‌ خه‌لكی‌ موعتاد له‌ ده‌وری‌ خوی‌ كۆ بكاته‌وه‌؟
ئێمه‌ له‌ سه‌قز نیزیك به‌ 50 كه‌س ته‌زریقیمان هه‌بوه‌ كه‌ ئێستا دوو ساله‌ ته‌ركی‌ مه‌وادیان هه‌یه‌. ئێمه‌ پێشتر دزیمان ده‌كرد. به‌لام ئێستا به‌ ئۆسوولی‌ دوازده‌ قه‌ده‌م ئێمه‌ش له‌و كارانه‌ بووینه‌ته‌وه‌. كه‌ ده‌چنه‌ سه‌فی‌ تاكی‌ له‌ سه‌قز نوبه‌بریمان ده‌كرد، به‌لام ئێستا حه‌قی‌ خه‌لك زایه‌ ناكه‌ین. دوازده‌ قه‌ده‌م ژیانی‌ به‌ من پێشان دا

له‌ سه‌رده‌می‌ موعتاد بوون جگه‌ له‌ دزی‌ چی‌ ترت ده‌كرد بۆ به‌ده‌ست هێنانی‌ مه‌واد؟
من ره‌حمم به‌ باوكم نه‌ده‌كرد. موعتادمان هه‌یه‌ جله‌كانی‌ دایكی‌ ده‌هێنا ده‌یفرۆشت. من هاچر فه‌رانسه‌م له‌ مال دزیوه‌، فرۆشتوومه‌. پشتوینی‌ براكه‌م فرۆشتوه‌، پاتۆلی‌ براكه‌م فرۆشتوه‌.من خۆم ده‌كرد به‌ خه‌و تا دایكم یا باوكم بخه‌وتنایه‌، ده‌چوم له‌ گیرفانیان پوولم ده‌رده‌هێنا. له‌ بازار كابرام سه‌رقال ده‌كرد تا بۆكسێ‌ سیگارم ده‌خسته‌ باغه‌لمه‌وه‌. یا شه‌و ده‌ویستاین تا كابرا ده‌چوو بۆ میوانی‌ دواتر ده‌چووینه‌ سه‌ر ماله‌كه‌ی‌.

وه‌ك خوت به‌ تایبه‌ت چیت كردوه‌؟
من له‌دیواری‌ خه‌لكه‌وه‌ چوومه‌ته‌ سه‌ر. ئالتوونم له‌ مال خه‌لك بردوه‌. پاره‌م بردوه‌. له‌ مال خوشكی‌ دایكم هه‌زار جار دزیم كردوه‌. له‌ مال خۆمان‌و له‌ مال خوشكم دزیم كردوه‌. خوشكم منی‌ ده‌عوه‌ت ده‌كرد بۆ میوانی‌ یه‌كه‌م كار كه‌ ده‌مكرد كیفی‌ پووله‌كه‌ییم ده‌دزی‌. جاری‌ وابوو ده‌یزانی‌ كاری‌ منه‌ ده‌ستم به‌ قۆرئان ده‌دا ده‌مگوت من نیم.

چون ده‌یانزانی‌ كاری‌ تویه‌؟
به‌ هه‌رحال چونكه‌ قیافه‌م دیاربو‌و، ته‌له‌ویزیونیش هه‌میشه‌ باسی‌ ده‌كرد قیافه‌ی‌ موعتاد ئاوایه‌ ‌و ئاوا نیه‌. ته‌نانه‌ت زۆر جار ده‌یانگوت :(موعتاد + هه‌موو شتێك). بۆیه‌ شك یان بۆ من ده‌چوو. ئه‌زانی‌ چونه‌، دز یه‌ك شه‌خسیه‌تی‌ هه‌یه‌ به‌لام موعتاد هه‌زار رووی‌ هه‌یه‌. دزی‌ ده‌كا، قه‌تل ده‌كا هه‌موو كارێك ده‌كا، پیاومان هه‌یه‌ له‌ سه‌قز بۆ دابین كردنی‌ مه‌واده‌كه‌ی‌ ده‌چێ‌ ژنه‌كه‌ی‌ ده‌فرۆشێ‌. شایه‌د منیش ژنم بوایه‌، ژنه‌كه‌م به‌ گان بدایه‌.

هه‌بووه‌ به‌ هوی‌ ئه‌و شتانه‌ی‌ كه‌ له‌ ماله‌وه‌ دزیوته‌، ئاژاوه‌ بنێته‌وه‌ له‌ مال؟
به‌لێ‌. زۆر جار بووه‌ وتویانه‌ هاچه‌ر فه‌رانسه‌كه‌مان دیار نیه‌. فلان پاره‌مان دزراوه‌. منیش ده‌ستم به‌ قۆرئان ده‌دا، ده‌مگوت من نیم. به‌س هه‌موویا ده‌یانزانی‌ من موعتادم. هه‌ر شتێكیش كاری‌ من نه‌بوایه‌ هه‌ر ده‌یانگوت ئه‌و دزیویه‌تی‌.

باشه‌ بێزار نه‌ده‌بوی‌؟
ئیعتیاد سه‌ری‌ پێ داخستبووم. هیچم پێ‌ مه‌نزور نه‌بوو، ته‌نیا مه‌واده‌كه‌م نه‌بێ‌. كاتێك مه‌ئموورێك به‌رشه‌قیی‌ ده‌دام له‌ خیابان مه‌نزوورم نه‌بوو. خوشكم رووی‌ نه‌بوو له‌ خیابان له‌ گه‌ل من بگه‌رێ‌.

له‌ خیابان مه‌ئمووری‌ لێی‌ داوی‌؟
به‌لێ‌. سه‌دجار. جارێك گرتیانم من تریاكه‌كه‌م قووت دا بۆ ئه‌وه‌ی‌ ده‌ستیان نه‌كه‌وێ‌. زیاتر له‌ 10 كه‌س له‌ مه‌ئمووران رژانه‌ سه‌رم. به‌لام هیچ مه‌نزوورم نه‌بوو، دوای‌ هه‌ستام خۆم ته‌كاندو رۆیشتم. به‌لام باوكم یا ماله‌وه‌ كه‌ ده‌یانبیسته‌وه‌ له‌ ناو خه‌لك كه‌ كوره‌كه‌یان موعتاده‌ زه‌جریان ده‌كێشا پێمه‌وه‌. با شتێكت بۆ باس بكه‌م. مندالێكی‌ چكوله‌ی‌ 3 سالان له‌ گه‌ره‌كه‌مان بوو، بازنه‌كه‌ی‌ داكه‌وتبوو، به‌ هوی‌ ئه‌وه‌ی‌ له‌و گه‌ره‌كه‌ من موعتاد بووم ده‌یانگوت كاری‌ ئه‌وه‌. له‌ مالیشه‌وه‌ وایان ده‌زانی‌ كاری‌ منه‌.

هه‌بووه‌ بگیردرێی‌، ماله‌وه‌ كاریان به‌ سه‌رته‌وه‌ نه‌بێ‌؟
من سێ‌ مانگ له‌ زیندان دا بووم باوكم نه‌هات به‌ لامه‌.

چون كه‌وتیته‌ بیر ئه‌وه‌ی‌ كه‌ ته‌ركی‌ بكه‌ی‌؟
من سه‌ره‌تا كه‌ واریدی‌ ناو ئه‌نجومه‌ن بووم، وتم ئه‌مانه‌ درۆ ده‌كه‌ن. تا 5 رۆژ هه‌روا ده‌چووم. به‌لام كه‌سانێكم دی‌ كه‌ هێرۆئینی‌ بوون‌و ده‌چوون‌و ده‌مدی‌  ته‌نانه‌ت مه‌شروبیش ناخۆن. منیش ئێمانم پێ‌ هێنا. دوای‌ چوومه‌ مالی‌ خوشكی‌ دایكم له‌ سنه‌، له‌وێ‌ ته‌ركم دا. ئۆسولی‌ ئه‌م دوازه‌ قه‌ده‌مه‌ وای‌ كردوه‌ كه‌ من ئه‌وه‌ 18 مانگه‌ ته‌ركم كردوه‌

ئێستا بیری‌ ناكه‌ی‌؟
ئێمه‌ ته‌سویرێكی‌ زه‌ینی‌ مان هه‌یه‌ له‌ مه‌وادی‌ موخه‌دیر، به‌لام به‌دبه‌ختییه‌كه‌شمان دیوه‌. ئه‌گه‌ر بیریشی‌ بكه‌م بیری‌ خوشییه‌كانی‌ ناكه‌م. بیری‌ به‌دبه‌ختییه‌كانی‌ ده‌كه‌مه‌وه‌ كه‌ مه‌واد چی‌ به‌ سه‌رمن دا هێنا؟ من ره‌حمم به‌ دایكی‌ خوم نه‌كرد. ره‌حمم به‌ خوشكی‌ خوم نه‌كرد. من هاتمه‌ مه‌ریوان چوومه‌ مالی‌ دوستێكم دیم ده‌كێشێ‌ دواتر نه‌چوومه‌وه‌ بۆ لای‌.

ئێستا ئیحساسی‌ شه‌خسییه‌ت‌و كه‌سایه‌تی‌ ده‌كه‌ی‌؟
با ئێستا ئیحساسی‌ كه‌سایه‌تی‌ ده‌كه‌م. من ئێستا ژیان ده‌كه‌م. من 15 سالی‌ تریش هه‌رموعتادم به‌لام له‌ حالی‌ باش بوون دام. من موعتاد ده‌هێنمه‌ نا ئه‌نجومه‌نی‌ دوازده‌ قه‌ده‌می‌ یه‌وه‌. ئێمه‌ ناتوانین له‌ گه‌ل مه‌واده‌ موباریزه‌ بكه‌ین، به‌لام هه‌ر كه‌سێك دیت بۆ لامان به‌ خێربێت.

ئه‌م ماوه‌یه‌ت كه‌ی‌ ته‌واو ده‌بێ‌؟
ئه‌مه‌ وه‌ك سه‌ره‌تانێك وایه‌. مه‌وادی‌ موخه‌دیر سێ‌ ده‌رسه‌ده‌ له‌ له‌شی‌ من، به‌لام مێشك‌و رۆحی‌ من ئازار ده‌دا. ئێمه‌ رۆژانه‌ سه‌عات‌و نیویه‌ك ده‌چینه‌ ناو كۆبوونه‌وه‌. كه‌سێكمان هه‌یه‌ به‌ ناوی‌ (راهنما) كه‌ پاكی‌ له‌ ئێمه‌ زیاتره‌، له‌ گه‌لمان كار ده‌كا. من 10 سال موعتاد بووم. من 10 سال به‌ دوای‌ مه‌واد گه‌رام. ده‌ی‌ چیه‌ با 10 سالیش بچمه‌ ناو ئه‌و جه‌له‌ساته‌وه‌. من ئه‌وه‌18  مانگه‌ ده‌چم. ئه‌و ئه‌نجومه‌نه‌ له‌و ماوه‌یه‌دا خانه‌واده‌ی‌ به‌ من داوه‌ته‌وه‌. ژیانی‌ به‌ من داوه‌ته‌وه‌. من كاتی‌ خوی‌ كه‌ مه‌وادم مه‌سره‌ف ده‌كرد سه‌عاتێك به‌ شوێن مه‌واد ده‌گه‌رام، سه‌عاتێك به‌ شوێن جێگای‌ مه‌سره‌ف ده‌گه‌رام. دوو سه‌عاتیش له‌ پای‌ مه‌واد داده‌نیشتم. ئێستا ئیتیر ته‌وجیهه‌ بۆ خوم ناهێنم‌و رۆژانه‌ سه‌عاتێك ده‌چمه‌ ناو جه‌له‌ساته‌وه‌.

خانه‌واده‌كه‌ت هه‌ستیان كردوه‌ به‌ره‌و ته‌رك ده‌روی‌؟
من ئێستا ئه‌گه‌ر سه‌عات 2ی‌ شه‌ویش بچمه‌وه‌ بۆ ماله‌وه‌ ناره‌حه‌ت نابن، ده‌زانن له‌ حالی‌ ته‌رك دام. من له‌ ناو سه‌قز هه‌موو كه‌س ده‌یناسیم كه‌ موعتادم، ئێستاش زۆر كه‌س ده‌زانی‌ ته‌ركم داوه‌. ئه‌رۆكه‌ پێشم بێژن موعتاد ناره‌حه‌ت نابم. ئینكاری‌ ناكه‌م، من موعتاد بووم. ئه‌لانیش موعتاد هه‌م، ته‌نیا مه‌سره‌ف ناكه‌م‌و له‌ حالی‌ باش بوون دام.

باسی‌ ئه‌یدزت كرد، ئه‌م نه‌خوشینه‌ له‌ سه‌قز هه‌یه‌؟
ئێستا نیزیكه‌ی‌ 200 كه‌س تا 300 كه‌س ل سه‌قز ته‌زریق ده‌كه‌ن به‌ هۆی‌ سۆرینی‌ پیسه‌وه‌. هه‌روه‌ها له‌ ده‌رزی‌ پیس ئیستفاده‌ ده‌كه‌ن. یه‌كێك له‌وانه‌ كه‌  ته‌زریق ده‌كا ژنی‌ هه‌یه‌ شه‌ویش ده‌چیته‌ پال ژنه‌كه‌ی‌، بۆیه‌ ئه‌و ژنه‌ نه‌خۆشینه‌كه‌ی‌ تووش ده‌بێ‌. ئێستا زۆربه‌ی‌ جه‌وانه‌كان هیپاتیت یان هه‌یه‌. ئێمه‌ چه‌ند كه‌سێكمان هه‌یه‌ له‌ سه‌قز به‌ ته‌واوی‌ ئه‌یدزیان هه‌یه‌. خۆم خه‌به‌رم هه‌یه‌ كه‌ ئیدزیان هه‌یه‌ له‌ سه‌قز

ناسراویشن؟
به‌لی‌ ناسراویشن.

باشه‌ به‌رخوردی‌ حاكمییه‌ت چونه‌؟
حاكمییه‌ت خوی‌ بلاوی‌ ده‌كاته‌وه‌. حاكمییه‌ت بۆ گرتنی‌ ماهواره‌یه‌ك 50 مه‌ئموور كۆده‌كاته‌وه‌. به‌لام ده‌شزانێ‌ ئه‌و ماله‌ مه‌وادی‌ موخه‌دیری‌ تیایه‌ ناچێ‌.

باشه‌ به‌رنامه‌ی‌ حیزبه‌ كوردییه‌كان چیه‌ بۆ به‌رخورد له‌ گه‌ل ئه‌و به‌لایه‌، ئه‌وه‌ان چ رۆشنگه‌رییه‌كیان كردوه‌؟ چ كارێكیان كردروه‌؟  تو كه‌ مه‌وادت فرۆشتوه‌، مه‌سره‌فت كردوه‌ هه‌لوێستی‌ حیزبه‌ كوردییه‌كانت چون بینیوه‌؟
من هیچ شتێكم له‌ حیزبه‌ كوردییه‌كان نه‌دیوه‌. تا ئێستا په‌یامێك مان نه‌دیوه‌ لێیانه‌وه‌. من تا ئێستا حیزبێكم نه‌دیوه‌ نامه‌یه‌كی‌ هه‌رشه‌ئامێز بنێرێ‌ بۆ مه‌وادفرۆشان. من كه‌ مه‌واد فرۆش بووم، رۆژهه‌لات تی‌ ڤی‌، كۆمه‌له‌ تی‌ڤی‌، تیشك تی‌ڤی‌ یه‌ك په‌یامیان نه‌نارد بۆ ئێمه‌ كه‌ ئێمه‌ بترسین كه‌ ئه‌و كارانه‌ نه‌كه‌ین. ئه‌وان هیچ كاریك یان نه‌كردوه‌. بۆیه‌ ئه‌وانه‌ی‌ كوردایه‌تی‌ ده‌كه‌ن ده‌بێ‌ كارێك بكه‌ن. ماوه‌یه‌ك په‌كه‌كه‌ هه‌ره‌شه‌ی‌ ده‌كرد ئێستا ئه‌ویش نه‌ماوه‌.

تو به‌ حوكمی‌ ئه‌وه‌ی‌ ئێستاش له‌ ناو شار داده‌نیشی‌، با لێت بپرسم هه‌یه‌ له‌ لایه‌نگران‌و ئه‌ندامانی‌ حیزبه‌ كوردییه‌كان موعتاد بن؟
من كه‌سێك به‌ ناوی‌ ((....)) ده‌ناسم كه‌ پێشمه‌رگه‌ی‌ حیزبی‌ دێموكرات بووه‌ ته‌زریق ده‌كا، ((..)) هه‌واداری‌ دێموكراته‌ ئێستا هیرۆئین مه‌سره‌ف ده‌كا. كاك(...) كه‌ لایه‌نگری‌ كۆمه‌له‌‌و ئه‌ندامی‌ كۆمه‌له‌یه‌ 7 ساله‌ هیرۆئین مه‌سره‌ف ده‌كا.
واته‌ ئه‌ندامانی‌ حیزبه‌كان موعتادیان تێدایه‌؟
زۆربه‌یان موعتادن

هه‌موو كه‌سێكی‌ گرتوته‌؟
هه‌ر مالێك ده‌چی‌ موعتادێكی‌ تێدایه‌. له‌و ماوه‌یه‌دا له‌ سه‌قز كه‌سێك به‌ ناوی‌ شێركۆ واسلی‌ به‌ هوی‌ مه‌سره‌فی‌ زۆره‌وه‌ مرد، مه‌نسووری‌ شه‌ریفی‌ ته‌زریقی‌ كرد، مرد، ئه‌مه‌ ته‌نیا له‌ ماوه‌ی‌ یه‌ك هه‌فته‌دا بووه‌.

ئاماری‌ مردن به‌ هوی‌ مه‌وادی‌ موخه‌دیر له‌ سه‌قز چه‌نده‌؟
ئه‌گه‌ر ده‌قیق پێت بلێم له‌ مانگێك دا ره‌نگه‌ 10 كه‌س به‌ هوی‌ مه‌سره‌فی‌ مه‌وادی‌ موخه‌دیره‌وه‌ بمرێ‌.  به‌ پێی‌ ئامارێك له‌ هه‌ر 3 ده‌قیقه‌دا نه‌فه‌رێك له‌ ئێران موعتاد ده‌بێ‌.

پێت وایه‌ مه‌سره‌فی‌ رۆژانه‌ له‌ سه‌قز چه‌نده‌؟
وه‌لا له‌ سه‌قز له‌ رۆژێك دا شایه‌د 7 كیلو تریاك بتوێته‌وه‌. ده‌وروبه‌ری‌ 300 گره‌م تا 400 گره‌م هیرۆئین له‌ سه‌قز مه‌سره‌ف ده‌بێ‌. حه‌شیش 10 كیلو ده‌توێته‌وه‌. كچه‌كان به‌ عینوانی‌ ئه‌وه‌ چاویان جوان بێ‌ حه‌شیش ده‌كێشن. كراگ ئێستا  30تا 40  كه‌س مه‌سره‌فی‌ ده‌كا، قه‌ولت پێ‌ بده‌م سالی‌ تر ده‌گاته‌ 300 كه‌س.

هه‌یه‌ به‌ بنه‌ماله‌ موعتاد بن؟
به‌لێ‌ بۆ نمونه‌ خانه‌واده‌ی‌ ((....)) به‌ كچ‌و ژن‌و كوڕو خۆی‌ موعتادن. هه‌شمانه‌ وه‌ك مالی‌ ((...)) مه‌سه‌ره‌فی‌ تریاك یان هه‌یه‌.

پێت وایه‌ مه‌سره‌فی‌ مه‌واد زیاتره‌ یا مه‌شروبات؟
به‌ داخه‌وه‌ مه‌وادی‌ موخه‌دیر زیاتره‌. تو ده‌چیته‌ زه‌ماوه‌ندێك بۆ نموونه‌ له‌ ئاوایی‌ سوونه‌ته‌ كه‌ دوو كه‌س مه‌شروب ده‌خواته‌وه‌ 40 كه‌س تریاك مه‌سره‌ف ده‌كا. دیهاتێكی‌ وه‌ك سوونه‌ته‌ 400 تریاكی‌ تێدایه‌. دیهاتی‌ ئێرانشا، ئێستا له‌ شوێنه‌ به‌ ناوبانگه‌كانی‌ په‌خشی‌ مه‌وادی‌ موخه‌دیره‌.

دیهاته‌كانیش تێی‌ كه‌وتوه‌؟
به‌لێ‌. ئێستا باشماق، چومه‌لوو كه‌ دوورترین شوێنی‌ سه‌قزه‌ هێرۆئینی‌ تێدایه‌. شاروچكه‌ی‌ ساحێب چه‌ندین كه‌س ته‌زریقی‌ تێدایه‌

شوێنه‌كانی‌ ئه‌م مه‌سره‌فه‌ زیاتر كوێن؟
تریاكییه‌كان له‌ ماله‌وه‌ داده‌نیشن یا ده‌چنه‌ ناو كه‌پری‌ سه‌رجاده‌كان یا مالی‌ موجه‌ره‌دییان هه‌یه‌. ئێستا له‌ ناو خانه‌واده‌كان مه‌سره‌ف ره‌سمییه‌تی‌ هه‌یه‌. ئێستا هێندێك كه‌س ئاوات ده‌خوازن كوره‌كانیان هێروئین مه‌سره‌ف نه‌كه‌ن ته‌نیا تریاك مه‌سره‌ف بكه‌ن باشتره‌ له‌ هیرۆئین. ئێستا له‌ ئاوده‌سته‌كان مه‌سره‌ف ده‌كرێ‌. له‌ ناو مزگه‌وته‌كان ده‌كێشرێ‌. من خۆم بارها له‌ ناو ئاوده‌سته‌كان مه‌وادم مه‌سره‌ف كردوه‌. ژێر پرده‌كان. مردووشۆرخانه‌كان. زۆربه‌ی‌ مزگه‌وته‌كان وه‌ك شوینی‌ مه‌سره‌ف
یان لی‌ َها



ژیاننامه‌ی شه ‌هید


ژیاننامه‌ی شه‌هید عه‌تا فه‌یزی